गन्धर्वनामा—तथा क्वचनाब्दे कष्टं च भवति ।
वैदेशिकः—कीदृशं तत् ।
गन्धर्वनामा—क्वचनाब्दे सर्वेषु मदीश्वरप्रभृतिषु परःसहस्रेषु जनेषु चलितेषु सकलजनाभिभावकेन शिवानन्देनापि सपरिकरेण चलितम् । स एव प्रतिघट्टं मदीश्वरादिगणवर्जं यावन्तो गच्छन्ति तावतामेव घट्टदेयस्य प्रतिभवीभूत्वा स्वयमेव जनं प्रति यत्र यल्लगति तस्य निर्णयानुरूपं परिच्छेद्यं दत्त्वा याति, लोकाः सुखं गच्छन्ति, एवं गच्छत्सु सत्सु रेमुणाजनपदे घट्टपालानामधिकारी कश्चिद्गजपतेरमात्यो गजपतिमहाराजे दक्षिणां दिशमीयुषि स्वतन्त्रः सन् तत्रैवागतः । तेन दुरात्मना लङ्घितमर्यादेन करं वर्धयित्वा प्रत्येकं जनान्विगणय्य गतानामब्दानामपि तत्क्रमेणैव लेखयित्वा पुञ्जीभूतं शुल्कमादातुं शिवानन्दः काष्ठनिगडेन बद्धः, तद्बन्धने सर्व एव मदीश्वरादयः परमोद्विग्ना अकृताह्निका एव तस्थुः ।
वैदेशिकः—ततः ।
गन्धर्वनामा—ततो रात्रेर्यामद्वये गते तेनैव पामरेण शिवानन्दो यष्टिधारकेण केनचिदनुचरेणाजुहुवे । स तदानीं परमोद्विग्न आसीत्, कदाचिदयं प्रहरतीति चैतन्यचरणं स्मृत्वा वल्लभेन सह तत्पुरत ईयिवान् । अनन्तरं सुप्तोत्थितं दीपिकाधारिभिर्बहुभिः परिवृतं वीक्ष्य बिभयांचकार । अनन्तरममात्येन पृष्टः 'अये, त्वं सपरिकरः समायातोऽसि' अनेनोक्तम् 'अथ किम्' । पुनः स ऊचे 'त्वं कस्य लोकः' । अनेनोक्तम् 'श्रीकृष्णचैतन्यस्य' । पुनस्तेनोक्तम् 'त्वं चैतन्यस्य, अहं जगन्नाथस्य । जगन्नाथचैतन्ययोः को महान्' । अनेनोक्तम् 'मम तु कृष्णचैतन्य एव महान्' । इत्याकर्ण्य प्रीतिसुमुखो भूत्वा सापराध इव अये, मया स्वप्नो दृष्टः । श्रीकृष्णचैतन्यो मामुक्तवान् 'मदीयो लोकस्त्वया बद्धोऽतित्वरितमेव मुच्यताम्' इति । तदयमपराधो मे क्षन्तव्यः । तव किंचिदपि दातव्यं नास्ति सुखेन प्रातरुत्थाय सर्वैः सह गम्यतामित्युक्त्वा दीपिकाधारिणौ द्वावुक्तवान् अस्य परिकरो यत्र वर्तते तत्रायं स्थाप्यतामिति । तथा याते तदा सर्वेऽस्मदीश्वरादय आह्निकमारब्धवन्तः ।
वैदेशिकः—अहो, विचित्रैव चैतन्यदेवस्य करुणा, प्रभावः, ऐश्वर्यं च ।
गन्धर्वनामा—त्वं कुतोऽसि ।
वैदेशिकः—अहमुत्तरराढातः ।
गन्धर्वनामा—कथमेकाकी ।
वैदेशिकः—नरहरिदासादिभिरहं प्रेषितः ।
गन्धर्वनामा—किमर्थम् ।
वैदेशिकः—कदासौ पुरुषोत्तमं गन्तेति ज्ञातुम् ।
गन्धर्वनामा—तदिहैव मदीश्वरालयनिकटे तिष्ठ; यावदहं ज्ञात्वा समागच्छामि । अन्ये केचिद्देशजना भवानिव तत्र चलन्तो मदीश्वरेणैव स्थापिताः; मयैव सह यूयं यास्यथ इति ।
वैदेशिकः—कथं तेषु भवदीश्वरस्य तादृशानुग्रहो जातः ।
गन्धर्वनामा—तेष्वेकः परममधुरो लोकलोचनरसायनमिव नवीनवया रमणीयरूपः सहजावतीर्णश्रीकृष्णप्रेमरसबाह्यान्तरसरसः श्रीनाथनामा द्विजकुलचन्द्रः, तमतिलोभनीयं दृष्ट्वा मदीश्वरः परमं पिप्रिये । उक्तं च मया रहसि श्रीकृष्णचैतन्यं 'भवान् दर्शयिष्यते मान्यसङ्गे गन्तव्यम्' इति । गृहतस्तदनुरोधेन मासमारभ्य दशानामेव योगक्षेमं करोति ।
वैदेशिकः—भवत्वहमिहैव स्थित्वा भवन्तं प्रतीक्षे ।
गन्धर्वनामा—अहमपि शिवानन्दमनुसर्पामि । (इत्युभौ निष्क्रान्तौ ।)
(ततः प्रविशति शिवानन्दस्तत्सङ्गे यियासवः कियन्तोऽन्ये च ।)
शिवानन्दः—(तत्रैकं प्रति ।) अये, त्वं कुतोऽसि ।
सः—महात्मन्, गोवर्धनदासेनाहं त्वत्समीपं प्रेषितः ।
शिवानन्दः—आं ज्ञातम् । रघुनाथदासोद्देशार्थं गमिष्यति भवान् ।
सः—अथ किम् ।
शिवानन्दः—किं तदुद्देशेन ।
अन्यः—महाशय, स त्वया परिचीयते ।
शिवानन्दः—श्रूयताम् ।
gandharvanāmā—tathā kvacanābde kaṣṭaṃ ca bhavati |
vaideśikaḥ—kīdṛśaṃ tat |
gandharvanāmā—kvacanābde sarveṣu madīśvaraprabhṛtiṣu paraḥsahasreṣu janeṣu caliteṣu sakalajanābhibhāvakena śivānandenāpi saparikareṇa calitam | sa eva pratighaṭṭaṃ madīśvarādigaṇavarjaṃ yāvanto gacchanti tāvatāmeva ghaṭṭadeyasya pratibhavībhūtvā svayameva janaṃ prati yatra yallagati tasya nirṇayānurūpaṃ paricchedyaṃ dattvā yāti, lokāḥ sukhaṃ gacchanti, evaṃ gacchatsu satsu remuṇājanapade ghaṭṭapālānāmadhikārī kaścidgajapateramātyo gajapatimahārāje dakṣiṇāṃ diśamīyuṣi svatantraḥ san tatraivāgataḥ | tena durātmanā laṅghitamaryādena karaṃ vardhayitvā pratyekaṃ janānvigaṇayya gatānāmabdānāmapi tatkrameṇaiva lekhayitvā puñjībhūtaṃ śulkamādātuṃ śivānandaḥ kāṣṭhanigaḍena baddhaḥ, tadbandhane sarva eva madīśvarādayaḥ paramodvignā akṛtāhnikā eva tasthuḥ |
vaideśikaḥ—tataḥ |
gandharvanāmā—tato rātreryāmadvaye gate tenaiva pāmareṇa śivānando yaṣṭidhārakeṇa kenacidanucareṇājuhuve | sa tadānīṃ paramodvigna āsīt, kadācidayaṃ praharatīti caitanyacaraṇaṃ smṛtvā vallabhena saha tatpurata īyivān | anantaraṃ suptotthitaṃ dīpikādhāribhirbahubhiḥ parivṛtaṃ vīkṣya bibhayāṃcakāra | anantaramamātyena pṛṣṭaḥ 'aye, tvaṃ saparikaraḥ samāyāto'si' anenoktam 'atha kim' | punaḥ sa ūce 'tvaṃ kasya lokaḥ' | anenoktam 'śrīkṛṣṇacaitanyasya' | punastenoktam 'tvaṃ caitanyasya, ahaṃ jagannāthasya | jagannāthacaitanyayoḥ ko mahān' | anenoktam 'mama tu kṛṣṇacaitanya eva mahān' | ityākarṇya prītisumukho bhūtvā sāparādha iva aye, mayā svapno dṛṣṭaḥ | śrīkṛṣṇacaitanyo māmuktavān 'madīyo lokastvayā baddho'titvaritameva mucyatām' iti | tadayamaparādho me kṣantavyaḥ | tava kiṃcidapi dātavyaṃ nāsti sukhena prātarutthāya sarvaiḥ saha gamyatāmityuktvā dīpikādhāriṇau dvāvuktavān asya parikaro yatra vartate tatrāyaṃ sthāpyatāmiti | tathā yāte tadā sarve'smadīśvarādaya āhnikamārabdhavantaḥ |
vaideśikaḥ—aho, vicitraiva caitanyadevasya karuṇā, prabhāvaḥ, aiśvaryaṃ ca |
gandharvanāmā—tvaṃ kuto'si |
vaideśikaḥ—ahamuttararāḍhātaḥ |
gandharvanāmā—kathamekākī |
vaideśikaḥ—naraharidāsādibhirahaṃ preṣitaḥ |
gandharvanāmā—kimartham |
vaideśikaḥ—kadāsau puruṣottamaṃ ganteti jñātum |
gandharvanāmā—tadihaiva madīśvarālayanikaṭe tiṣṭha; yāvadahaṃ jñātvā samāgacchāmi | anye keciddeśajanā bhavāniva tatra calanto madīśvareṇaiva sthāpitāḥ; mayaiva saha yūyaṃ yāsyatha iti |
vaideśikaḥ—kathaṃ teṣu bhavadīśvarasya tādṛśānugraho jātaḥ |
gandharvanāmā—teṣvekaḥ paramamadhuro lokalocanarasāyanamiva navīnavayā ramaṇīyarūpaḥ sahajāvatīrṇaśrīkṛṣṇapremarasabāhyāntarasarasaḥ śrīnāthanāmā dvijakulacandraḥ, tamatilobhanīyaṃ dṛṣṭvā madīśvaraḥ paramaṃ pipriye | uktaṃ ca mayā rahasi śrīkṛṣṇacaitanyaṃ 'bhavān darśayiṣyate mānyasaṅge gantavyam' iti | gṛhatastadanurodhena māsamārabhya daśānāmeva yogakṣemaṃ karoti |
vaideśikaḥ—bhavatvahamihaiva sthitvā bhavantaṃ pratīkṣe |
gandharvanāmā—ahamapi śivānandamanusarpāmi | (ityubhau niṣkrāntau |)
(tataḥ praviśati śivānandastatsaṅge yiyāsavaḥ kiyanto'nye ca |)
śivānandaḥ—(tatraikaṃ prati |) aye, tvaṃ kuto'si |
saḥ—mahātman, govardhanadāsenāhaṃ tvatsamīpaṃ preṣitaḥ |
śivānandaḥ—āṃ jñātam | raghunāthadāsoddeśārthaṃ gamiṣyati bhavān |
saḥ—atha kim |
śivānandaḥ—kiṃ taduddeśena |
anyaḥ—mahāśaya, sa tvayā paricīyate |
śivānandaḥ—śrūyatām |
Гандхарва. Но в иной год бывает и тяжко.
Чужеземец. Как же?
Гандхарва. Как-то раз, когда пошли многие тысячи людей во главе с моим господином, пошёл и Шивананда, старший над всеми, со своими домашними. На каждой переправе он, кроме нашего господина с его людьми, сам ручается за пошлину за всех, сколько бы ни шло, и платит, сколько положено с каждого по расчёту, — и люди идут спокойно. Когда так шли, в земле Ремуны объявился один министр Гаджапати, начальник над сборщиками: великий царь ушёл на юг, и тот сделался сам себе хозяин. Этот злодей, преступив всякую меру, поднял сбор, пересчитал всех поимённо, велел записать в том же порядке и за прошлые годы — и, чтобы взять всю накопленную пошлину, заковал Шивананду в деревянные колодки. Из-за его оков все, начиная с нашего господина, в великом смятении даже не совершили дневных обрядов.
Чужеземец. А потом?
Гандхарва. Когда прошли две стражи ночи, этот негодяй велел привести Шивананду человеку с палкой. Тот был в великом смятении — вдруг его станут бить, — вспомнил стопы Чайтаньи и пошёл к нему с Валлабхой. А увидев, что тот только что встал ото сна и окружён множеством людей с факелами, испугался. Министр спросил: «Эй, ты пришёл со свитой?» Он ответил: «Да». Тот снова: «Ты чей человек?» Он ответил: «Шри Кришна Чайтаньи». Тот снова: «Ты — Чайтаньи, я — Джаганнатхи. Кто больше, Джаганнатха или Чайтанья?» Он ответил: «Для меня больше Кришна Чайтанья». Услышав это, тот подобрел и, будто виноватый, сказал: «Послушай, я видел сон. Шри Кришна Чайтанья сказал мне: „Ты заковал моего человека — отпусти его немедля“. Так прости мою вину. Ты ничего не должен. Утром встань спокойно и иди со всеми». И велел двоим факельщикам: «Отведите его туда, где его люди». Когда он вернулся, все, начиная с нашего господина, взялись за дневные обряды.
Чужеземец. Ах, дивны милость Господа Чайтаньи, и Его сила, и Его величие!
Гандхарва. А ты откуда?
Чужеземец. Я из Северной Радхи.
Гандхарва. Почему один?
Чужеземец. Меня послали Нарахари Дас и другие.
Гандхарва. Зачем?
Чужеземец. Узнать, когда он пойдёт в Пурушоттаму.
Гандхарва. Тогда постой здесь, у дома моего господина, пока я не разузнаю и не вернусь. Другие земляки, что шли туда, как ты, уже устроены самим моим господином: пойдёте со мной.
Чужеземец. Отчего твой господин так к ним милостив?
Гандхарва. Среди них есть один — сладчайший, как эликсир для людских глаз, молодой, прекрасный, от природы сочный изнутри и снаружи расой любви к Кришне, луна брахманского рода по имени Шринатха. Увидев такого пленительного, мой господин очень обрадовался. А я сказал ему по секрету: «Тебе покажут Шри Кришна Чайтанью; иди с почтенными людьми». По его просьбе он уже месяц, как вышли из дому, заботится о десятерых.
Чужеземец. Хорошо, подожду тебя здесь.
Гандхарва. А я пойду к Шивананде. (Оба уходят.)
Конец вводной сцены.
(Входит Шивананда, а с ним несколько человек, желающих идти с ним.)
Шивананда. (Одному из них.) Эй, ты откуда?
Тот. Почтенный, меня прислал к тебе Говардхан Дас.
Шивананда. А, понял. Ты пойдёшь разыскивать Рагхунатха Даса.
Тот. Да.
Шивананда. К чему его разыскивать?
Другой. Почтенный, ты его знаешь?
Шивананда. Слушайте.
8512a5b6b134 · 发布于 2026年9月15日 18:00:00 UTC
可用语言RU用方向键翻颂
Второй рассказ Гандхарвы — о том, как сборщик заковал Шивананду. В нём звучит вопрос, который задавали и в шестом акте: кто больше, Джаганнатха или Чайтанья. Ответ Шивананды прост: «для меня — Кришна Чайтанья».
И спасает его не довод, а сон мытаря. Милость здесь опять идёт мимо правил: ни царь, ни храм не освобождают узника, освобождает Господь, приснившийся его тюремщику.
В конце появляется Говардхан Дас, отец Рагхунатха Даса, — через него пьеса подходит к последнему из великих спутников.