ततश् च सा स्मितवती स्मितदिग्धतन्मुखमाधुरीसाधुरीतिभिः स्निग्धहृदया व्यञ्जितस्पृहावलीं तदञ्जलिं फलवलयेन भिक्षयन्ती दूरत एव सङ्कलनमुद्राम् अपि शिक्षयन्ती सकलेन तु पूरयितुं शशाक ।
निजभाजनं फलरिक्तं बभूव वा न वा किम् इति तु न विविक्तुं चकार । गृहाभ्यन्तरेणान्तरिते तु तस्मिन् निजं पत्रजम् अमत्रम् अयत्नतया रत्नपूरितम् अप्य् अनिभाल्य भारम् अप्य् असम्भाल्य तन्माधुर्यावेशाभिनिवेशवती स्वजनानाम् अपि शर्मजननाय बहुलफलावलिबलिसमानयनाय च निजनिलयम् एव जगाम । किन्तु गृहं गत्वा ज्ञातमणितत्त्वाप्य् अकुण्ठासकृदुत्कण्ठावहेन तन्मुखशोभाभरविरहेण सा धन्या हारितमहाधनंमन्या बभूव, यत एव सा कृष्णदृश्वरी विश्वम् अपि विसस्मार ।
tataś ca sā smitavatī smita-digdha-tan-mukha-mādhurī-sādhu-rītibhiḥ snigdha-hṛdayā vyañjita-spṛhāvalīṁ tad-añjaliṁ phala-valayena bhikṣayantī dūrata eva saṅkalana-mudrām api śikṣayantī sakalena tu pūrayituṁ śaśāka |
nija-bhājanaṁ phala-riktaṁ babhūva vā na vā kim iti tu na viviktuṁ cakāra | gṛhābhyantareṇāntarite tu tasmin nijaṁ patrajam amatram ayatnatayā ratna-pūritam apy anibhālya bhāram apy asambhālya tan-mādhuryāveśābhiniveśavatī svajanānām api śarma-jananāya bahula-phalāvali-bali-samānayanāya ca nija-nilayam eva jagāma | kintu gṛhaṁ gatvā jñāta-maṇi-tattvāpy akuṇṭhāsakṛd-utkaṇṭhāvahena tan-mukha-śobhābhara-viraheṇa sā dhanyā hārita-mahā-dhanaṁ-manyā babhūva, yata eva sā kṛṣṇa-dṛśvarī viśvam api visasmāra |
未能识别诗律
Тогда она, улыбаясь, с сердцем, растопленным прекрасной сладостью Его улыбающегося лица, насыпала фруктов в Его пригоршню, выражавшую столько желаний, и издали учила Его, как складывать ладошки, — но так и не смогла её наполнить. Опустела ли её корзина, она не разобрала. А когда Он скрылся в доме, она, не заметив, что её корзина без усилия наполнилась самоцветами, не ощутив и тяжести, погружённая в Его сладость, пошла домой — принести побольше фруктов на радость и своим. Но и дома, узнав о самоцветах, она из-за разлуки с красотой Его лица, нёсшей неудержимую тоску, считала себя счастливицей, потерявшей великое богатство: ведь, увидев Кришну, она забыла весь мир.
afbee499ed8a · 发布于 2026年9月24日 19:09:31 UTC
可用语言RU用方向键翻颂