अथ विरम्य पुनर् इदं सम्यग्गाढप्रणयमयविवर्तम् अविदुषाम् अरस्यम् आह—अहो ! यस्य मननं न क्रियते, तस्य तावन् मर्म न श्रियते । पश्य पश्य, श्यामजातिमात्रस्य दुरात्मता । तत्रास्तां तावत् पुष्पकीटपरपुष्टादीनां भवतां वल्लीवलिभुगादिषु कृतघ्नता; यः खलु दाशरथिः सर्वधर्मसारपारङ्गत इति परामृश्यते, तस्य च निरपराधशाखामृगदेवभूभृति कृताराधसाक्षाद्विश्रवःप्रभवयोषिति च तथा तथा कृतिः श्रूयते । अरे! रे! किम् उक्तम्? स खलु स्त्रीसम्बन्धहेतोर् भ्रातृविद्वेषं कृतवान्! सा च स्वैरिणीति तयोस् तन् नायुक्तम् इति । धिक् त्वाम्, सोऽपि स्त्रीजित एवेति चामीकरमृगमारणे लब्धप्रचारम् एव । तस्माद् वयम् असिता वाचा कथं सिता भवेमेति मा गर्वं कृथाः । एषा च व्याहृतिर् अद्य सोदाहृतिर् दृष्टा ।
atha viramya punar idaṁ samyag-gāḍha-praṇayamaya-vivartam aviduṣām arasyam āha—aho ! yasya mananaṁ na kriyate, tasya tāvan marma na śriyate | paśya paśya, śyāma-jāti-mātrasya durātmatā | tatrāstāṁ tāvat puṣpa-kīṭa-para-puṣṭādīnāṁ bhavatāṁ vallī-valibhugādiṣu kṛtaghnatā; yaḥ khalu dāśarathiḥ sarva-dharma-sāra-pāraṅgata iti parāmṛśyate, tasya ca niraparādha-śākhāmṛga-deva-bhū-bhṛti kṛtārādha-sākṣād-viśravaḥ-prabhava-yoṣiti ca tathā tathā kṛtiḥ śrūyate | are! re! kim uktam? sa khalu strī-sambandha-hetor bhrātṛ-vidveṣaṁ kṛtavān! sā ca svairiṇīti tayos tan nāyuktam iti | dhik tvām, so’pi strī-jita eveti cāmīkara-mṛga-māraṇe labdha-pracāram eva | tasmād vayam asitā vācā kathaṁ sitā bhavemeti mā garvaṁ kṛthāḥ | eṣā ca vyāhṛtir adya sodāhṛtir dṛṣṭā |
Затем, помолчав, она снова сказала — это поворот, полный глубокой любви, безвкусный для непосвящённых: «О! О ком не размышляют, того тайны не знают. Смотри, смотри, как злонравны все тёмные! Что уж говорить о вас, цветочных червях, о кукушках и прочих, — о вашей неблагодарности к лианам, воронам и прочим; но ведь и о сыне Дашаратхи, которого почитают постигшим суть всей дхармы, слышно, как он обошёлся с безвинным царём обезьян и с женщиной, рождённой от Вишраваса, пришедшей к нему с почтением. Эй-эй! Что ты сказала? „Тот из-за женщины враждовал с братом, а та была распутна — так что с ними это не было несправедливо“? Стыд тебе: он и сам был побеждён женщиной — это открылось, когда он погнался за золотым оленем. Так что не гордись: „Как нам, тёмным, стать белыми на словах?“ А вот и пример этой поговорки сегодня:
bf47d6fbea21 · published Sep 25, 2026, 3:06:03 AM UTC
Available inRUPage between verses with
Ср. «Бхагаватам», песнь 10, гл. 47: «Как охотник, он убил царя обезьян; покорённый женщиной, изуродовал другую, пришедшую с желанием». Речь о Раме, Валине и Шурпанакхе.