अथ परेद्यवि कुर्वन् धेनूनामवनं वनं गतो व्रजराजकुमारः कुमारयन् सह सहचरैः कुसुमकन्दुकखेलामाततान । तत्र सहचरकरावचितकुसुमनिकरनिर्मितैरमितैरतिरुचिरचिरविलासरसोपयोगिभिरिन्दुपललपिण्डैरिव कुन्दकन्दुकैरितरेतरतरलतापन्नसम्पन्नसंहननसंहननकौतुकेन केनचिदतिसन्मोदमोदमानः, कदाचिदूर्ध्वोधननेन द्युरमणीरमणीयभावभावनामिव जनयन्, कदाचन तिर्यगसनेन दिग्वधूवृन्दस्य कर्णपूररचनामिव विदधानोऽनुचरैः सह धावमानो मानोन्नतमना मनागपि न विशश्राम ॥66॥
atha paredyavi kurvan dhenūnāmavanaṁ vanaṁ gato vrajarājakumāraḥ kumārayan saha sahacaraiḥ kusumakandukakhelāmātatāna | tatra sahacara-karāvacita-kusumanikara-nirmitairamitairatirucira-ciravilāsarasopayogibhirindupalalapiṇḍairiva kundakandukairitaretara-taralatāpannasampannasaṁhananasaṁhananakautukena kenacidatisanmodamodamānaḥ, kadācidūrdhvodhananena dyuramaṇīramaṇīyabhāvabhāvanāmiva janayan, kadācana tiryagasanena digvadhūvṛndasya karṇapūraracanāmiva vidadhāno'nucaraiḥ saha dhāvamāno mānonnatamanā manāgapi na viśaśrāma ||66||
На другой день царевич Враджа, выйдя в лес пасти коров, затеял с друзьями игру в мяч из цветов. Там, с бесчисленными, очень прелестными мячами из жасмина, сделанными из цветов, что нарвали друзья, — как комочки лунной мякоти, годные для долгой игры, — он с неописуемой радостью играл в перебрасывание и столкновение мячей; то, подбрасывая вверх, словно рождал у небесных красавиц чувство прелести; то, бросая вбок, словно украшал серьгами уши дев сторон света; и, бегая со спутниками, гордый, ни на миг не отдыхал.
6428693fe94f · publicado 28 sept 2026, 23:05:28 UTC
Disponible enRUPasa de verso en verso con
Игра в мяч из цветов.