गोपीनाथाचार्यः—दृश्यतामधुना प्रातर्धूपाख्यः पूजाविशेषः ।
(भगवानानन्दस्तिमित एव सपुलकास्रं पश्यत्येव ।)
भो भो जगदानन्दादयः, पश्यत पश्यत । प्रातर्धूपस्य प्रसादान्नं कियदञ्जलौ कृत्वा कश्चिन्मालां च करयोः कृत्वा कश्चिद्युगपदेव समागच्छतः । किमेतौ महाप्रभवे श्रीकृष्णचैतन्याय दास्यतः । केन वा प्रेरितावेतौ । अथ वा श्रीजगन्नाथेनैव ।
(प्रविश्य पार्षदौ श्रीकृष्णचैतन्यमुपसर्पतः । भगवानुपसृत्य मूर्धानमवनमयति । एको मालां प्रयच्छति । भगवान्बहिर्वासोऽञ्चलं प्रसारयति । अपरः प्रसादान्नं प्रयच्छति । भगवानञ्चले कृत्वा श्रीजगन्नाथं प्रणम्यैव सिंहवत्त्वरितगतिर्निष्क्रान्तः ।)
सर्वे—अहो, किमिदम् । कथमकस्मादेव देवो निष्क्रान्तः । तदागच्छत । क्वायं गच्छति विलोकयाम । (इति पुरान्निष्क्रम्य कतिचित्पदानि गत्वा पुरतो विलोक्य ।) अहो, भगवान्स्वावासवर्त्म त्यक्तवान् ।
गोपीनाथाचार्यः—(निभाल्य ।) अये दामोदरादयः, सार्वभौमालयं प्रति देवः प्रस्थितवान् । तत्फलितं भट्टाचार्यस्य सुकृतद्रुमेण । तद्दामोदरजगदानन्दौ भगवत्सङ्गे प्रयातं मुकुन्देन सार्धमहमासन्नस्थल एव तिष्ठामि ।
उभौ—यथारुचितं भवते । (इति निष्क्रान्तौ ।)
गोपीनाथाचार्यः—एहि मुकुन्द, सार्वभौमस्य द्वितीयकक्षायां तिष्ठाव । (इति तथा कृत्वा पुरोऽवलोक्य ।) अये, एतौ सार्वभौमभृत्यौ सविस्मयस्मित एवोपसर्पतः । तदपवार्य तिष्ठाव ।
(इति द्वारोपान्ते तिष्ठतः ।)
(ततः प्रविशतो भृत्यौ ।)
एकः—अले, एसे सण्णासी कंपि मोहणमन्तं जाणादि । जदो भट्टाचालिए इमिणा गहग्गत्थे विअ किदे । (क)
अन्यः—अले, कीलिसे किदे । (क)
प्रथमः—अले, ण आणासि । सेज्जाए अणुत्थिदे ज्जेव भट्टाचालिए एसेअ अम्हादो सअणघरदुआले गदे । तदो बड्डुएण कहिअम्—'भट्टाचालिअ भट्टाचालिअ, उत्थेहि उत्थेहि । से सण्णासी आअदो'त्ति । तदो धसमसिअ भट्टाचालिए उत्थिअ इमस्स चलणे पडिए । तदो इमिणा जहण्णाहस्स पसाअभत्तं हत्थे कदुअ 'भुङ्क्ष्व'त्ति गदिदवन्तो । तदो अम्हाणं ईसले उम्मत्ते विअ अकिअविचाले तक्खणमेत्तेण तं भत्तं गिलिअवन्ते अकिदसिणाणे ज्जेव अकिअंमुहपक्खालणे ज्जेव । गिलिऊण उम्मत्ते विअ कण्टइदसअलङ्गे णअणजलत्थिमिदवसणे घग्घलकण्ठसद्दे अवम्हाललोअविवसे विअ भविअ महीदले लुण्ठदि । किं हुविस्सदि ण आणेम्ह । (ख)
गोपीनाथाचार्यः—(आकर्ण्य ।) मुकुन्द, श्रुतम् ।
मुकुन्दः—तवानुतापेनैव देवेनेदमध्यवसितम् ।
भृत्यौ—आअच्छ । अम्हे गोपीणाहाचालिअं मग्गेम । (ग) (इति निष्क्रान्तौ ।)
गोपीनाथाचार्यः—भद्रं भोः, भद्रम् । यदाभ्यामहं न दृष्टः, तदितः स्थित्वा दामोदरजगदानन्दौ प्रतिपालयाव ।
(इति तथा कुरुतः ।)
(ततः प्रविशति विस्मयं नाटयन्दामोदरः ।)
gopīnāthācāryaḥ—dṛśyatāmadhunā prātardhūpākhyaḥ pūjāviśeṣaḥ |
(bhagavānānandastimita eva sapulakāsraṃ paśyatyeva |)
bho bho jagadānandādayaḥ, paśyata paśyata | prātardhūpasya prasādānnaṃ kiyadañjalau kṛtvā kaścinmālāṃ ca karayoḥ kṛtvā kaścidyugapadeva samāgacchataḥ | kimetau mahāprabhave śrīkṛṣṇacaitanyāya dāsyataḥ | kena vā preritāvetau | atha vā śrījagannāthenaiva |
(praviśya pārṣadau śrīkṛṣṇacaitanyamupasarpataḥ | bhagavānupasṛtya mūrdhānamavanamayati | eko mālāṃ prayacchati | bhagavānbahirvāso'ñcalaṃ prasārayati | aparaḥ prasādānnaṃ prayacchati | bhagavānañcale kṛtvā śrījagannāthaṃ praṇamyaiva siṃhavattvaritagatirniṣkrāntaḥ |)
sarve—aho, kimidam | kathamakasmādeva devo niṣkrāntaḥ | tadāgacchata | kvāyaṃ gacchati vilokayāma | (iti purānniṣkramya katicitpadāni gatvā purato vilokya |) aho, bhagavānsvāvāsavartma tyaktavān |
gopīnāthācāryaḥ—(nibhālya |) aye dāmodarādayaḥ, sārvabhaumālayaṃ prati devaḥ prasthitavān | tatphalitaṃ bhaṭṭācāryasya sukṛtadrumeṇa | taddāmodarajagadānandau bhagavatsaṅge prayātaṃ mukundena sārdhamahamāsannasthala eva tiṣṭhāmi |
ubhau—yathārucitaṃ bhavate | (iti niṣkrāntau |)
gopīnāthācāryaḥ—ehi mukunda, sārvabhaumasya dvitīyakakṣāyāṃ tiṣṭhāva | (iti tathā kṛtvā puro'valokya |) aye, etau sārvabhaumabhṛtyau savismayasmita evopasarpataḥ | tadapavārya tiṣṭhāva |
(iti dvāropānte tiṣṭhataḥ |)
(tataḥ praviśato bhṛtyau |)
ekaḥ—ale, ese saṇṇāsī kaṃpi mohaṇamantaṃ jāṇādi | jado bhaṭṭācālie imiṇā gahaggatthe via kide | (ka)
anyaḥ—ale, kīlise kide | (ka)
prathamaḥ—ale, ṇa āṇāsi | sejjāe aṇutthide jjeva bhaṭṭācālie esea amhādo saaṇagharaduāle gade | tado baḍḍueṇa kahiam—'bhaṭṭācālia bhaṭṭācālia, utthehi utthehi | se saṇṇāsī āado'tti | tado dhasamasia bhaṭṭācālie utthia imassa calaṇe paḍie | tado imiṇā jahaṇṇāhassa pasāabhattaṃ hatthe kadua 'bhuṅkṣva'tti gadidavanto | tado amhāṇaṃ īsale ummatte via akiavicāle takkhaṇametteṇa taṃ bhattaṃ giliavante akidasiṇāṇe jjeva akiaṃmuhapakkhālaṇe jjeva | giliūṇa ummatte via kaṇṭaidasaalaṅge ṇaaṇajalatthimidavasaṇe ghagghalakaṇṭhasadde avamhālaloavivase via bhavia mahīdale luṇṭhadi | kiṃ huvissadi ṇa āṇemha | (kha)
gopīnāthācāryaḥ—(ākarṇya |) mukunda, śrutam |
mukundaḥ—tavānutāpenaiva devenedamadhyavasitam |
bhṛtyau—āaccha | amhe gopīṇāhācāliaṃ maggema | (ga) (iti niṣkrāntau |)
gopīnāthācāryaḥ—bhadraṃ bhoḥ, bhadram | yadābhyāmahaṃ na dṛṣṭaḥ, taditaḥ sthitvā dāmodarajagadānandau pratipālayāva |
(iti tathā kurutaḥ |)
(tataḥ praviśati vismayaṃ nāṭayandāmodaraḥ |)
Гопинатха Ачарья. Смотрите же теперь особое поклонение, что зовётся утренним воскурением.
(Господь, застыв от блаженства, в дрожи и слезах, всё смотрит.)
Гопинатха Ачарья. Эй, Джагадананда и прочие, смотрите, смотрите! Один несёт в пригоршне прасад утреннего воскурения, другой держит в руках гирлянду, — и оба разом подходят. Не Махапрабху ли Шри Кришна Чайтанье они это отдадут? Кто их послал? Или Сам Шри Джаганнатха?
(Входят двое служителей и подходят к Шри Кришна Чайтанье. Господь, подойдя, склоняет голову. Один подаёт гирлянду. Господь протягивает край верхней одежды. Другой подаёт прасад. Господь, приняв его в край одежды, кланяется Шри Джаганнатхе и, как лев, стремительно уходит.)
Все. Ах, что это? Отчего Господь вдруг ушёл? Идёмте, посмотрим, куда Он идёт. (Выйдя из храма и пройдя несколько шагов, глядя вперёд.) Ах, Господь свернул с дороги к своему жилью.
Гопинатха Ачарья. (Всмотревшись.) Эй, Дамодара и прочие, Господь пошёл к дому Сарвабхаумы. Значит, древо заслуг Бхаттачарьи дало плод. Пусть Дамодара и Джагадананда идут с Господом, а я с Мукундой останусь поблизости.
Оба. Как тебе угодно. (Уходят.)
Гопинатха Ачарья. Пойдём, Мукунда, постоим во втором дворе у Сарвабхаумы. (Так и сделав, глядя вперёд.) Ах, вот двое слуг Сарвабхаумы идут, изумлённо улыбаясь. Отойдём в сторону.
(Становятся у двери.)
(Входят двое слуг.)
Первый. Эй, этот санньяси знает какую-то чарующую мантру: Бхаттачарью он сделал будто одержимым.
Другой. Эй, каким сделал?
Первый. Эй, не знаешь? Бхаттачарья ещё не вставал с постели, а тот вдруг подошёл к двери его спальни. Ученик сказал: «Бхаттачарья, Бхаттачарья, вставай, вставай! Пришёл тот санньяси». Бхаттачарья вскочил и пал к его стопам. Тогда тот положил ему в руку прасад Джаганнатхи и сказал: «Ешь». И наш господин, словно безумный, не рассуждая, в тот же миг проглотил — не совершив омовения, даже не умыв лица. А проглотив, словно безумный, весь в мурашках, в одежде, промокшей от слёз, с хрипом в горле, будто в припадке, катается по земле. Что будет — не знаем.
Гопинатха Ачарья. (Прислушавшись.) Мукунда, слышал?
Мукунда. Господь сделал это из-за твоего огорчения.
Слуги. Пойдём, поищем Гопинатху Ачарью. (Уходят.)
Гопинатха Ачарья. Хорошо, хорошо: они меня не заметили. Постоим здесь и подождём Дамодару и Джагадананду. (Так и делают.)
(Входит Дамодара, изображая изумление.)
Дамодара.
a18f3159b945 · опубликовано 14 сент. 2026 г., 14:00:00 UTC
Доступно наRUЛистайте стихи клавишами
Милость приходит к Сарвабхауме без спора: Махапрабху приносит ему на рассвете прасад Джаганнатхи и говорит одно слово — «ешь». И великий знаток смрити ест, не умывшись и не совершив омовения.
Всё, что вчера говорилось о «блеске ашрама» и правилах, отменено одним поступком. Прасад оказался выше правила о чистоте, и учёный понял это не рассудком, а телом — мурашками и слезами.
И рассказывают об этом слуги, растерянно и простодушно, — так событие выглядит достоверней любого описания.