अथ तां सर्वे सानन्दं वन्दमानास् तया समम् इन्दीवररुचिनिन्दीहितकालिन्दीं विन्दमानाः पर्णमन्दिरं पूर्णयन्तस् तत्र वासयामासुः ।
तस्मिन्न् एव दिवसेऽपगतदोषे प्रदोषे समुद्भटकंसरोषेण जातचित्तशोषेण कृतपरिदेवेन वसुदेवेन प्रहिता व्रजहिता बडवारोहिणी रोहिणी गुप्तम् आजगाम । यस्याम् आगतायां परमपतिव्रतायां सर्व एव व्रजराजराजसमाजः शुभशकुनसङ्कुलशकुनादिसमजेन समम् उल्ललास । तत्र चानन्दमोहिन्यौ श्रीयशोदारोहिण्यौ यमुनागङ्गे इव सङ्गतसङ्गे परस्परं परेभ्यश् च सुखसमूहम् ऊहतुः ।
atha tāṁ sarve sānandaṁ vandamānās tayā samam indīvara-ruci-nindīhita-kālindīṁ vindamānāḥ parṇa-mandiraṁ pūrṇayantas tatra vāsayāmāsuḥ |
tasminn eva divase’pagata-doṣe pradoṣe samudbhaṭa-kaṁsa-roṣeṇa jāta-citta-śoṣeṇa kṛta-paridevena vasudevena prahitā vraja-hitā baḍavārohiṇī rohiṇī guptam ājagāma | yasyām āgatāyāṁ parama-pativratāyāṁ sarva eva vraja-rāja-rāja-samājaḥ śubha-śakuna-saṅkula-śakunādi-samajena samam ullalāsa | tatra cānanda-mohinyau śrī-yaśodā-rohiṇyau yamunā-gaṅge iva saṅgata-saṅge parasparaṁ parebhyaś ca sukha-samūham ūhatuḥ |
未能识别诗律
Тогда все радостно поклонились ей и, найдя вместе с нею Калинди, чей блеск посрамлял голубой лотос, поставили хижину из листьев и поселили её там. В тот же день, в благоприятный вечер, тайно пришла Рохини, благо Враджа, верхом на кобылице: её послал Васудева, скорбевший, с иссушенным сердцем, от грозного гнева Камсы. Когда пришла эта верная жена, всё собрание царя Враджа возликовало вместе с сонмом добрых знамений. А Шри Яшода и Рохини, упоённые радостью, сошлись, как Ямуна и Ганга, и дарили друг другу и другим множество счастья.
e34dc74e4496 · 发布于 2026年9月24日 18:46:20 UTC
可用语言RU用方向键翻颂