अत्र च प्रथमं ताभिर् अन्तरे विचारयामासे—ननु योगाङ्गम् इवेदम् उपदिश्यते; तच् चात्र मनोनिरोधलक्षणम् । तथा हि—उत्थितः पुमान् यथा मिथ्याभूतम् एव स्वप्नं ध्यायत्य् एवं वाधितान् अपीन्द्रियार्थान् येन मनसा ध्यायेत्, द्यायंश् च येनेन्द्रियाणि प्रत्य् अपद्यत प्राप, तन् मनो विनिद्रोऽनलसः सन् निरुन्ध्याद् इति । तत् किं स्वस्मन् मनो निरोद्धुम् उपदिष्टम्? इति क्षणं विभाव्य द्वितीये विचारितम्—नहि नहि; यतः,
पुरापि ते ते बहवोऽपि योगिनस्
त्वद् अर्पितेहा निजकर्मलब्धया ।
विबुध्य भक्त्यैव कथोपनीतया
प्रपेदिरे कृष्णगतिं परात्पराम् ॥
atra ca prathamaṁ tābhir antare vicārayāmāse—nanu yogāṅgam ivedam upadiśyate; tac cātra mano-nirodha-lakṣaṇam | tathā hi—utthitaḥ pumān yathā mithyā-bhūtam eva svapnaṁ dhyāyaty evaṁ vādhitān apīndriyārthān yena manasā dhyāyet, dyāyaṁś ca yenendriyāṇi praty apadyata prāpa, tan mano vinidro’nalasaḥ san nirundhyād iti | tat kiṁ svasman mano niroddhum upadiṣṭam? iti kṣaṇaṁ vibhāvya dvitīye vicāritam—nahi nahi; yataḥ,
purāpi te te bahavo’pi yoginas
tvad arpitehā nija-karma-labdhayā |
vibudhya bhaktyaiva kathopanītayā
prapedire kṛṣṇa-gatiṁ parātparām ||
И сначала они подумали про себя: „Верно, Он учит будто ступени йоги — обузданию ума. Ведь: как проснувшийся человек думает о ложном сне, так надо обуздать тот ум, которым думают даже об опровергнутых предметах чувств и через который обретают чувства, — бодрствуя. Неужели Он учит обуздать ум, отвратив его от себя?“ — и, подумав миг, во второй раз рассудили: „Нет-нет! Ведь „И прежде многие йоги, посвятив Тебе свои старания, пробуждённые преданностью, принесённой рассказами о Тебе, достигли пути Кришны, высшего из высших“.
2c9f26b7e918 · published Sep 25, 2026, 3:16:48 AM UTC
Available inRUPage between verses with
Ср. «Бхагаватам», песнь 10, гл. 14.