अथ तदानीम् एव मूढः, संज्ञया शङ्खचूडः, कंससपक्षः कश्चिद् यक्षः प्रतिकृष्टम् अतितयातिहृष्टः सङ्गम्य प्रणम्य च प्रोवाच—महेन्द्रदेव, द्रुमिलदानवनन्दनमहीन्द्रसदनाद् भवत्पदारविन्दं विन्दमानः सोऽयम् अस्मि । स हि परमहितसहिततया दुन्दुभिसन्दोहनिर्घोषं प्रतिदिशं जोषयित्वा भवन्तं प्रति प्रीतिपरिणामं प्रणामं निर्दिदेश सन्दिदेश च । तद् इदं भवद्भिर् यद् एतद् अनुष्ठितम्, तेन परमतुष्टिम् आपन्ना वयम् । यतः क्षुद्रतमनिर्मितगर्वकिर्मीरितमहदतिक्रमः समस्तस्य च दुःसहः सम्पद्यते । बलाद् उत्पतनलीलपिपीलिकावद् अमूदृशां तद्दिष्टतः प्राप्तदिष्टान्तता च दृष्टा । किं च, कियद् वाभीरजातीनां यजमानतया भवत्प्रयोजनं जनिता? वयम् एव हि नानायज्ञान् अनुज्ञाप्य भवत्सु सन्तर्पणम् अर्पयिष्यामः ।
atha tadānīm eva mūḍhaḥ, saṁjñayā śaṅkhacūḍaḥ, kaṁsa-sapakṣaḥ kaścid yakṣaḥ pratikṛṣṭam atitayātihṛṣṭaḥ saṅgamya praṇamya ca provāca—mahendradeva, drumila-dānava-nandana-mahīndra-sadanād bhavat-padāravindaṁ vindamānaḥ so’yam asmi | sa hi parama-hita-sahitatayā dundubhi-sandoha-nirghoṣaṁ pratidiśaṁ joṣayitvā bhavantaṁ prati prīti-pariṇāmaṁ praṇāmaṁ nirdideśa sandideśa ca | tad idaṁ bhavadbhir yad etad anuṣṭhitam, tena parama-tuṣṭim āpannā vayam | yataḥ kṣudratama-nirmita-garva-kirmīrita-mahad-atikramaḥ samastasya ca duḥsahaḥ sampadyate | balād utpatana-līla-pipīlikāvad amūdṛśāṁ tad-diṣṭataḥ prāpta-diṣṭāntatā ca dṛṣṭā | kiṁ ca, kiyad vābhīra-jātīnāṁ yajamānatayā bhavat-prayojanaṁ janitā? vayam eva hi nānā-yajñān anujñāpya bhavatsu santarpaṇam arpayiṣyāmaḥ |
В тот же миг некий глупый якша по имени Шанкхачуда, сторонник Камсы, очень довольный, пришёл, поклонился и сказал: «Великий Индра, я пришёл припасть к твоим лотосным стопам из дворца царя, сына данавы Друмилы. Он с великим дружелюбием велел грянуть во все стороны громом литавр, шлёт тебе поклон как плод любви и передаёт: „Тем, что ты сделал, мы весьма довольны. Ведь когда ничтожнейшие, пёстрые от спеси, оскорбляют великих, это невыносимо для всех. И мы видели, как по твоей воле такие, как они, нашли свой конец, как муравьи, что играючи взлетают на крыльях. Да и какая тебе польза от пастухов как жертвователей? Мы сами велим совершать всевозможные жертвы и насытим тебя“».
3a5c86e977d0 · publicado 24 sept 2026, 21:20:01 UTC
Disponible enRUPasa de verso en verso con
По одному из преданий, настоящим отцом Камсы был данава Друмила.