तद् एवं लब्धतृष्णेन कृष्णेन परस्यां रात्राव् अचिराद् आचरितया निजविमानेन यात्र्या लब्धम् अब्धिपात्रान्तः कयाचिद् विद्यया सान्तःपुरं पुरं सद्य एव निर्माय तत्र सर्वान् एव माथुरपुरजनान् अन्तरीक्षवर्त्मना वर्तयामास; यत्र सर्व एव माथुरा मथुरायां शयाना एव प्रातर् अन्यत्र लब्धजागराः संशयाना बभूवुः—केयं परितः समुद्रमुद्रिता दिव्या पुरी दिव्यति, कथं वा वयम् अत्रागता इति; यत्र च श्रीकृष्णस् तस्यां रात्राव् एव कुत्राप्य् अगत इवात्रागत्य स्थितः । आवां पुनर् मथुरायाम् एव प्रत्यूषे तत्प्रत्युहमानाव् अत्यूनसंख्यजनलब्धसख्यतया रामरामानुजयोर् अवस्थानं निशामयामासिव ।
tad evaṁ labdha-tṛṣṇena kṛṣṇena parasyāṁ rātrāv acirād ācaritayā nija-vimānena yātryā labdham abdhi-pātrāntaḥ kayācid vidyayā sāntaḥpuraṁ puraṁ sadya eva nirmāya tatra sarvān eva māthura-pura-janān antarīkṣa-vartmanā vartayāmāsa; yatra sarva eva māthurā mathurāyāṁ śayānā eva prātar anyatra labdha-jāgarāḥ saṁśayānā babhūvuḥ—keyaṁ paritaḥ samudra-mudritā divyā purī divyati, kathaṁ vā vayam atrāgatā iti; yatra ca śrī-kṛṣṇas tasyāṁ rātrāv eva kutrāpy agata ivātrāgatya sthitaḥ | āvāṁ punar mathurāyām eva pratyūṣe tat-pratyuhamānāv atyūna-saṁkhya-jana-labdha-sakhyatayā rāma-rāmānujayor avasthānaṁ niśāmayāmāsiva |
И вот Кришна, загоревшись этим, в следующую ночь, быстро отправившись на своей небесной колеснице, какой-то чудесной наукой тотчас построил посреди чаши океана город с внутренними покоями и по небесному пути перенёс туда всех жителей Матхуры. И все матхурцы, уснув в Матхуре, утром проснулись в другом месте и недоумевали: „Что это за дивный город сияет тут, окружённый со всех сторон океаном? Как мы сюда попали?“ А Шри Кришна в ту же ночь, будто никуда и не уходил, пришёл туда и остался. А мы на рассвете, ещё в Матхуре, дивясь этому, от немногих людей, с которыми подружились, узнали, где остались Рама и Младший брат Рамы».
757138529acd · प्रकाशित 25 सित॰ 2026, 3:30:11 am UTC
उपलब्ध भाषाएँRUश्लोक बदलें इन कुंजियों से
Так была основана Дварака. Ср. «Бхагаватам», песнь 10, гл. 50.