पौर्णमासी (सस्मितम्) नागर ! तवैव महोत्सवानाम् अवसरोऽयं प्रवृत्तः । यद् अत्र पुष्पाणां पल्लवानां च तृष्णया बल्लवानां विलासिन्यः समेष्यन्ति ।
कृष्णः (सस्मितं तिर्यग् अवेक्ष्य ।) आर्ये ! ततः किम् ?
पौर्णमासी (विहस्य) : विलासिन् ! स्ववासनानुसाराद् अन्यथा मा शङ्किष्ठाः । परम् एवम् अभिप्रायास्मि । ततस् तासां शून्येषु सद्मसु सखिभिस् ते सुखम् अपहर्तव्यानि गव्यानि ।
कृष्णः : धूर्ते ! किं परिहस्यते ? पश्य कोमलमञ्जरीम् अवचिन्वतीनां बल्लवीनां मण्डलेन खण्डितानि मे वृन्दाटवीशाखिविटपानि । तद् एतास् ते निवारणीयाः ।
पौर्णमासी : मोहन ! नव्यस्तवकोत्तंसिना भवतैव समुल्लासितोऽयं कुसुमेशुरागो बल्लवीनाम् । ताः कथम् इतो निवार्यताम् ?
paurṇamāsī (sa-smitam) nāgara ! tavaiva mahotsavānām avasaro’yaṁ pravṛttaḥ | yad atra puṣpāṇāṁ pallavānāṁ ca tṛṣṇayā ballavānāṁ vilāsinyaḥ sameṣyanti |
kṛṣṇaḥ (sa-smitaṁ tiryag avekṣya |) ārye ! tataḥ kim ?
paurṇamāsī (vihasya) : vilāsin ! sva-vāsanānusārād anyathā mā śaṅkiṣṭhāḥ | param evam abhiprāyāsmi | tatas tāsāṁ śūnyeṣu sadmasu sakhibhis te sukham apahartavyāni gavyāni |
kṛṣṇaḥ : dhūrte ! kiṁ parihasyate ? paśya komala-mañjarīm avacinvatīnāṁ ballavīnāṁ maṇḍalena khaṇḍitāni me vṛndāṭavī-śākhi-viṭapāni | tad etās te nivāraṇīyāḥ |
paurṇamāsī : mohana ! navya-stavakottaṁsinā bhavataiva samullāsito’yaṁ kusumeśu-rāgo ballavīnām | tāḥ katham ito nivāryatām ?
размер не определён
Паурнамаси (улыбнувшись): Щёголь! Это для тебя самого настала пора великих праздников: сюда придут за цветами и побегами игривые жёны пастухов. Кришна (улыбнувшись, глядя искоса): Благородная! И что же? Паурнамаси (засмеявшись): Повеса! Не подозревай иного по своим склонностям. Я хотела сказать лишь одно: тогда ты с друзьями легко утащишь молочное из их пустых домов. Кришна: Плутовка! Что ты насмехаешься? Смотри: круг пастушек, собирая нежные соцветия, обломал ветви деревьев моего Вриндавана. Вот их ты и удержи. Паурнамаси: Чаровник! Эту страсть пастушек к цветам — и к Цветострелому — разжёг ты сам, украсив себя свежими гроздьями. Как же их отсюда удержать?
16c38b7e2c5b · опубликовано 24 сент. 2026 г., 05:43:08 UTC
Доступно наRUЛистайте стихи клавишами
«Кусумешу-рага» — «любовь к цветам» и «любовь, внушённая Цветострелым», Камой.