“किन्तु युवयोर् वधूनां चाज्ञाम् आज्ञाय परं विज्ञापनीयं तासु, तन् न चेन् न ।”
कृष्ण उवाच, “उन्मत्त, प्रथमम् आवयोर् आवेदय ।”
मधुमङ्गल उवाच, “यदि न खिद्याथे ।”
उभाव् ऊचतुः, “नहि नहि ।”
मधुमङ्गल उवाच, “एवम् उच्चैःकारम् अपि विवक्षामि, तयोर् अनयोर् यथास्वं प्रेयसीभिः सह सा सा श्रेयसी विद्या नाद्यापि विच्छिद्यमाना विद्यते, यन् मुहुर् आरभ्यत एव वनाभ्यन्तरे केलिकलहप्रलापकलापः” इति ।
ततश् च कृष्णः सव्येन पाणिना तदपसव्यं बाहुं गृहीत्वा दक्षिणाङ्गुष्ठमध्यमाभ्यां तदधरपुटं मृदु निष्पीड्य स्मयमान उवाच, “सुष्ठु घुष्टपट्टडोरकेण तद् इदं सीव्यते चेन्, मुनिताम् आपद्यते विप्रकीर्णबुद्धिर् अयं यन् मित्रविप्रः ।” मधुमङ्गलस् तु तद्वन् मुद्रितमुख एवाम्बूकृतनिरस्तग्रस्तवचनतया व्यक्तवान्, “तथा चेद् अन्तर्लोभनम् अन्यत्र तु दुर्लभं निजगृहान् मत्स्यण्डीखण्डचयम् आदायाखण्डकालम् एव मन्मुखं पूरयथः । ततः कथं वा किमर्थं वा वाणीव्ययं करवाणि? तद् एतद् अपि सेवनम् एव भण्यते ।”
“kintu yuvayor vadhūnāṁ cājñām ājñāya paraṁ vijñāpanīyaṁ tāsu, tan na cen na |”
kṛṣṇa uvāca, “unmatta, prathamam āvayor āvedaya |”
madhumaṅgala uvāca, “yadi na khidyāthe |”
ubhāv ūcatuḥ, “nahi nahi |”
madhumaṅgala uvāca, “evam uccaiḥkāram api vivakṣāmi, tayor anayor yathāsvaṁ preyasībhiḥ saha sā sā śreyasī vidyā nādyāpi vicchidyamānā vidyate, yan muhur ārabhyata eva vanābhyantare keli-kalaha-pralāpa-kalāpaḥ” iti |
tataś ca kṛṣṇaḥ savyena pāṇinā tad-apasavyaṁ bāhuṁ gṛhītvā dakṣiṇāṅguṣṭha-madhyamābhyāṁ tad-adhara-puṭaṁ mṛdu niṣpīḍya smayamāna uvāca, “suṣṭhu ghuṣṭa-paṭṭa-ḍorakeṇa tad idaṁ sīvyate cen, munitām āpadyate viprakīrṇa-buddhir ayaṁ yan mitra-vipraḥ |” madhumaṅgalas tu tadvan mudrita-mukha evāmbū-kṛta-nirasta-grasta-vacanatayā vyaktavān, “tathā ced antar-lobhanam anyatra tu durlabhaṁ nija-gṛhān matsyaṇḍī-khaṇḍa-cayam ādāyākhaṇḍa-kālam eva man-mukhaṁ pūrayathaḥ | tataḥ kathaṁ vā kim-arthaṁ vā vāṇī-vyayaṁ karavāṇi? tad etad api sevanam eva bhaṇyate |”
未能识别诗律
Но об этом можно сообщить только им, узнав волю ваших невест; а не то — нет». Кришна сказал: «Безумный, сначала скажи нам». Мадхумангала сказал: «Если не обидитесь». Оба сказали: «Нет, нет». Мадхумангала сказал: «Ну, так я скажу громко: у вас обоих со своими возлюбленными до сих пор не прерывается то дивное учение, что в лесу снова и снова начинается — ворох игривых ссор и болтовни». Тогда Кришна, взяв его правую руку левой, большим и средним пальцами правой руки мягко сжал ему губы и с улыбкой сказал: «Если это зашить хорошенько кручёной шёлковой ниткой, то мой друг-брахман с рассеянным умом станет мудрецом-молчальником!» А Мадхумангала с так же закрытым ртом, проглатывая слова, будто набрал в рот воды, объяснил: «Коли так, вы двое всегда набивайте мне рот кусками сахара из своих домов — лакомством, что для души, а в другом месте его не достать. Тогда как и зачем мне тратить слова? Это ведь тоже будет называться служением».
f37a20d55038 · 发布于 2026年9月24日 18:36:37 UTC
可用语言RU用方向键翻颂
Игра слов: «муни» (молчальник) и «мудра» (сжатые губы). Мадхумангала, как положено видушаке, думает только о сладостях.