निष्क्रान्ते च तस्मिन् सद्य एव पीयूषयूषवदतिमधुरसाधुरसा बभूव सा ह्रदपयःपटली, पटलीलयावधीरिततडिद्वलयो वलयोज्ज्वलकरः स च व्रजराजकुमारः कूलमुत्तीर्य तीर्यमाणभयकौतुकचमत्कारानन्दशाबल्यसमुद्रं समुद्रंहसा पितरं मातरं मान्यानन्यानपि घोषवृद्धानृद्धानृतेन तेन परमादरेण प्रणम्य मातापितृभ्यां तैरपि व्रजपुरन्ध्रीभिः परमकुतूहलिना हलिना चालिङ्गितः, परमानुरागिणीभिर्वधूभिः कन्याभिश्च सानुरागपरभागपरभागधेयमधुरमीक्ष्यमाण ईक्षमाणश्च ताः, तथैव चिरमभितोऽभितोषवशंवदाभिर्धेनुभिरपि सास्रैरेव नयनपुटैः पीयमान इव, प्रफुल्लाभिर्घ्रायमाण इव, रसज्ञाभी रसज्ञाभी रभसेन लिह्यमान इव, कलगद्गदेन हम्बारवेण सप्रणयमनामयं पृच्छ्यमान इव, प्रत्येकमेव सखीनालिलिङ्ग ॥43॥
niṣkrānte ca tasmin sadya eva pīyūṣayūṣavadatimadhurasādhurasā babhūva sā hradapayaḥpaṭalī, paṭalīlayāvadhīrita-taḍidvalayo valayojjvalakaraḥ sa ca vrajarājakumāraḥ kūlamuttīrya tīryamāṇa-bhayakautukacamatkārānandaśābalyasamudraṁ samudraṁhasā pitaraṁ mātaraṁ mānyānanyānapi ghoṣavṛddhānṛddhānṛtena tena paramādareṇa praṇamya mātāpitṛbhyāṁ tairapi vrajapurandhrībhiḥ paramakutūhalinā halinā cāliṅgitaḥ, paramānurāgiṇībhirvadhūbhiḥ kanyābhiśca sānurāgaparabhāga-parabhāgadheya-madhuramīkṣyamāṇa īkṣamāṇaśca tāḥ, tathaiva ciramabhito'bhitoṣavaśaṁvadābhirdhenubhirapi sāsraireva nayanapuṭaiḥ pīyamāna iva, praphullābhirghrāyamāṇa iva, rasajñābhī rasajñābhī rabhasena lihyamāna iva, kalagadgadena hambāraveṇa sapraṇayamanāmayaṁ pṛcchyamāna iva, pratyekameva sakhīnāliliṅga ||43||
Когда он вышел, вода озера тотчас стала сладкой, как нектар; а царевич Враджа — с прелестной рукой в браслетах, посрамляющий молнию игрой одежд, — вышел на берег и с великим почтением поклонился отцу, матери, почтенным и старейшинам пастушьей деревни — погружённым в океан смешения страха, любопытства, изумления и радости, — а мать и отец, горожанки Враджа и Халин, полный любопытства, обнимали его; невесты и девушки, полные любви, смотрели на него сладко, с высшей удачей любви, и он смотрел на них; коровы, покорные радости, словно пили его глазами, полными слёз, словно нюхали раздутыми ноздрями, словно облизывали языками, знающими вкус, и нежным, запинающимся мычанием словно с любовью спрашивали о здоровье; — и он обнял каждого из друзей.
24d61e3b289d · published Sep 28, 2026, 11:10:19 PM UTC
Available inRUPage between verses with
По ШБ 10.17.13–17.