इत्येवमामोदमानैर्बन्धुभिरामोद्यमाने विश्राम्यति भगवति व्रजवासरमणे वासरमणेरुपराममालोक्य व्रजराजो जराजोषमिव तं वासरस्य मन्यमानो “मा नोऽद्य वासगमनं भवितुमर्हति” इति विचार्य सर्वानेव निदिदेश देशकालोचितं किमपि, यथा—“भो भोः! समुपसन्नेयं शर्वरी शर्वरीतिरिव विषमदर्शना तमोबहुला उग्रा च, तदिहैवाद्य वस्तव्यम्, स्तव्यं चेदं ह्रदतटमुपपादितं दितं गरलानलज्वलितमनेन कल्याणिना वत्सेन । तदिदं ह्रदकूलमनुकूलमनुसृत्य यामिनीं यापयाम” इति तदुदितमाकलय्य सर्व एव मुमुदिरे, मुदिरेन्द्ररुचः कमनीयकिशोरस्य रस्यतमाभिलषणीयतमदर्शनसौलभ्यलभ्यमानमानसविकारकारणोत्कलिकाकण्डूकण्डूलताक्षणनिर्वापणकृते विशेषतोऽनुरागिण्यो मुग्धरमण्यः कन्यकाश्च ॥44॥
ityevamāmodamānairbandhubhirāmodyamāne viśrāmyati bhagavati vrajavāsaramaṇe vāsaramaṇeruparāmamālokya vrajarājo jarājoṣamiva taṁ vāsarasya manyamāno “mā no'dya vāsagamanaṁ bhavitumarhati” iti vicārya sarvāneva nidideśa deśa-kālocitaṁ kimapi, yathā—“bho bhoḥ! samupasanneyaṁ śarvarī śarvarītiriva viṣamadarśanā tamobahulā ugrā ca, tadihaivādya vastavyam, stavyaṁ cedaṁ hradataṭamupapāditaṁ ditaṁ garalānalajvalitamanena kalyāṇinā vatsena | tadidaṁ hradakūlamanukūlamanusṛtya yāminīṁ yāpayāma” iti taduditamākalayya sarva eva mumudire, mudirendrarucaḥ kamanīyakiśorasya rasyatamābhilaṣaṇīyatama-darśana-saulabhya-labhyamāna-mānasavikāra-kāraṇotkalikākaṇḍū-kaṇḍūlatākṣaṇanirvāpaṇakṛte viśeṣato'nurāgiṇyo mugdharamaṇyaḥ kanyakāśca ||44||
Когда Господь, радость жителей Враджа, так отдыхал, радуемый радостными родными, — владыка Враджа, видя, что солнце садится, и считая, что день будто состарился, подумал: «Не стоит нам сегодня возвращаться домой», — и дал всем подходящее месту и времени распоряжение: «Эй, эй! Подходит ночь — страшная на вид, как повадки Шарвы, полная тьмы и грозная; так что сегодня заночуем здесь. Этот берег озера, очищенный от огня яда нашим благим сыном, достоин хвалы; расположимся вдоль него и проведём ночь». Услышав это, все обрадовались — особенно влюблённые юные красавицы и девушки, чтобы унять зуд тоски, рождённый волнением сердца, которое снова получало лёгкий доступ к виду прелестнейшего юноши, сияющего, как лучший из тучи.
8e30a3445fa7 · published Sep 28, 2026, 11:10:19 PM UTC
Available inRUPage between verses with
Ночёвка у озера — ШБ 10.17.20.