वृन्दा सकाकु प्राह—तर्हि स्वयम् एवेदं रहस्यं प्रकाश्यताम्?
पौर्णमासी क्षणं हसित्वा नीचैर् उवाच—युगपद् एव, देवि, सर्वेषु तादृग्दुःस्वप्न एव केवलं जागरकल्पतया मया कल्पितः ।
वृन्दा विश्वस्य निश्वस्य च पुनर् उवाच—तथापि तासां तथा ख्यातिर् अपि न युक्ता ।
पौर्णमासी उवाच—सापि न भविष्यति, यतो मुनय एव पुनः पुनर् इदं गास्यन्ति, तत्र तपन्यां ताः पृच्छतीः प्रति दुर्वासाः, स वो हि स्वामी इति; रासप्रसङ्गे च भगवान् बादरायणिः, कृष्णवध्वः इति; उद्धवसन्देशे स्वयं श्रीकृष्ण एव च, बल्लव्यो मे मदात्मिकाः इति । तद् इदं गच्छोद्धव व्रजं सौम्य पित्रोर् नः प्रीतिम् आवह इति वल्लभाभिमानिताम् आत्मनि व्यज्य श्रीकृष्णस्य वचनं ब्राह्मणादीनां मम ब्राह्मणीत्य् आदिवत् । तथा, माम् एव दयितं प्रेष्ठम् आत्मानं मनसा गताः इति प्रचुरं प्रचुरतार्धपद्येन च ताभिर् अपि बहिर्दृष्ट्या परं तत्र क्वचिद् उपपतित्वं प्रतीयते, शश्वद् अन्तर्दृष्ट्या तु पतित्वम् एवानुभूयत इति सूच्यते, यथा च, अपि बत मधुपुर्यां आर्यपुत्रोऽधुनास्ते? इति ।
vṛndā sa-kāku prāha—tarhi svayam evedaṁ rahasyaṁ prakāśyatām?
paurṇamāsī kṣaṇaṁ hasitvā nīcair uvāca—yugapad eva, devi, sarveṣu tādṛg-duḥsvapna eva kevalaṁ jāgara-kalpatayā mayā kalpitaḥ |
vṛndā viśvasya niśvasya ca punar uvāca—tathāpi tāsāṁ tathā khyātir api na yuktā |
paurṇamāsī uvāca—sāpi na bhaviṣyati, yato munaya eva punaḥ punar idaṁ gāsyanti, tatra tapanyāṁ tāḥ pṛcchatīḥ prati durvāsāḥ, sa vo hi svāmī iti; rāsaprasaṅge ca bhagavān bādarāyaṇiḥ, kṛṣṇa-vadhvaḥ iti; uddhava-sandeśe svayaṁ śrī-kṛṣṇa eva ca, ballavyo me madātmikāḥ iti | tad idaṁ gacchoddhava vrajaṁ saumya pitror naḥ prītim āvaha iti vallabhābhimānitām ātmani vyajya śrī-kṛṣṇasya vacanaṁ brāhmaṇādīnāṁ mama brāhmaṇīty ādivat | tathā, mām eva dayitaṁ preṣṭham ātmānaṁ manasā gatāḥ iti pracuraṁ pracuratārdha-padyena ca tābhir api bahir-dṛṣṭyā paraṁ tatra kvacid upapatitvaṁ pratīyate, śaśvad antar-dṛṣṭyā tu patitvam evānubhūyata iti sūcyate, yathā ca, api bata madhu-puryāṁ ārya-putro’dhunāste? iti |
metre not identified
Вринда жалобно сказала: «Тогда открой эту тайну сама». Паурнамаси, миг посмеявшись, тихо сказала: «Богиня, я разом навела на всех них такой дурной сон — будто наяву». Вринда, поверив и вздохнув, снова сказала: «И всё же такая молва о них неуместна». Паурнамаси сказала: «Не будет и её: ведь мудрецы снова и снова будут петь об этом. В «Тапани» Дурваса отвечает спрашивающим гопи: „Он ваш супруг“; в рассказе о расе почтенный Бадараяни говорит: „жёны Кришны“; в послании с Уддхавой Сам Шри Кришна говорит: „пастушки, чья душа — Я“. И Его слова: „Ступай, Уддхава, во Врадж, милый, порадуй наших родителей“ — являют в Нём сознание, что Он их возлюбленный, как брахманы говорят „моя брахмани“. И обильная полустрока „они умом пришли ко Мне, милому, дражайшему, их душе“ показывает, что внешним взором им иногда видится в Нём возлюбленный на стороне, а внутренним взором они всегда ощущают Его супругом. Как и слова: „Ах, неужели сын благородного теперь в Мадхупури?“
6f0682b668e9 · published Sep 24, 2026, 8:10:34 PM UTC
Available inRUPage between verses with
«Тапани» — «Гопала-тапани-упанишада». Цитаты — «Бхагаватам», песнь 10, гл. 33, 46 и 47. «Сын благородного» (арья-путра) — обращение жены к мужу. Перевод приблизителен.