अयं तु तव ज्यायान् प्रलम्बाद्यालम्भकर्मणा ज्यायान् एव ।
श्रीकृष्ण उवाच,— वृथास्मद् द्वेषाद् एव पापात् तेषाम् अन्यथापत्तिर् जाता, पर्वतश् च लब्धमखपर्वतया शतपर्वपाणेर् गर्वखर्वणार्थं स्वयम् एव तथा जातः । स्वयं तु वयं यथावद् एव सर्वथा वर्तामहे । धनुर् अपि पुरातनतया पुरा घुणाकीर्णम् इव जीर्णं वहद्भिर् दूराद् विकीर्णतया स्वयम् एव दीर्णं सत् स्पर्शमात्रात् विशीर्णं जातम् । कुवलयापीडश् च पीडयितुं द्रवन्न् अपद्रवन्तं माम् अनासद्य सद्यः पृथिव्यन्तर् दन्ताव् अवगाढाव् आचरंस् ताव् आक्रष्टुं न शशाक, परं तु प्रघट्यमानतया त्रुट्यन्ताव् एव घटयन् स्वप्राणान् अपि विघटयामासेति । तत्र तत्र शीघ्रताघ्रातालोकेन लोकेन पुनर् अहम् एव तत्र कारणतया घटयामासे । तथा हस्तिपा अपि तदधस्ताद् धस्तिम् आपन्ना एव विपन्ना
इति मान्यथा मन्यथाः ।
ayaṁ tu tava jyāyān pralambādyālambha-karmaṇā jyāyān eva |
śrī-kṛṣṇa uvāca,— vṛthāsmad dveṣād eva pāpāt teṣām anyathāpattir jātā, parvataś ca labdha-makha-parvatayā śataparva-pāṇer garva-kharvaṇārthaṁ svayam eva tathā jātaḥ | svayaṁ tu vayaṁ yathāvad eva sarvathā vartāmahe | dhanur api purātanatayā purā ghuṇākīrṇam iva jīrṇaṁ vahadbhir dūrād vikīrṇatayā svayam eva dīrṇaṁ sat sparśa-mātrāt viśīrṇaṁ jātam | kuvalayāpīḍaś ca pīḍayituṁ dravann apadravantaṁ mām anāsadya sadyaḥ pṛthivyantar dantāv avagāḍhāv ācaraṁs tāv ākraṣṭuṁ na śaśāka, paraṁ tu praghaṭyamānatayā truṭy-antāv eva ghaṭayan sva-prāṇān api vighaṭayāmāseti | tatra tatra śīghratāghrātālokena lokena punar aham eva tatra kāraṇatayā ghaṭayāmāse | tathā hastipā api tad-adhastād dhastim āpannā eva vipannā
iti mānyathā manyathāḥ |
metre not identified
А этот твой старший брат, убив Праламбу и прочих, и вовсе старший». Шри Кришна сказал: «Напрасно. Беда с ними случилась от их же греха — ненависти к нам. А гора, получив праздник жертвы, сама так вышла, чтобы сбить спесь с Держащего стосуставное оружие. Сами же мы во всём ведём себя как положено. И лук был старый, будто источенный червями, дряхлый; его несли издалека, он растрескался и сам собой рассыпался от одного прикосновения. А Кувалаяпида кинулся меня мять, я убежал, он меня не достал, тут же вонзил бивни глубоко в землю и не смог их вытащить, а дёргая, обломил их по концам и сам лишил себя жизни. А люди, глянув второпях, опять сочли причиной меня. И погонщики тоже попали под слона и погибли. Не думай иначе».
f1f392d827bc · published Sep 25, 2026, 2:28:45 AM UTC
Available inRUPage between verses with
Держащий стосуставное оружие — Индра с ваджрой.