पुनश् चेदं सगद्गदं जगाद, “अयि यशोदे, त्वम् अपि हठोत्तरतया कठोरासि, सुतरां तु स्वसुतस्थितचित्ताद्रोहिणी रोहिणी, यतः शयनतल एवेदृशसुकुमारं कुमारं निधाय चिन्ताम् अविधाय नातिकृतनिष्ठं तिष्ठथः, न तु हृदये । प्राणा अपि हृदय एव रक्षणीयाः, किम् उत प्राणाधिकोऽयं सुतः? तस्माद् धिग् वो राक्षसीतोऽपि रूक्षमानसा मानुषीः । अहं तु सम्पदधिष्ठातृदेवी त्वया प्रसूतं सुतं विश्वविलक्षणलक्षणं श्रुत्वा तत्क्षणम् एवागतानेन वसन्तेन वासन्तीम् इव दृष्टिं हृष्टां कृतवत्य् अस्मि । मम च स्तनौ सर्वश्रेयस्तननौ नित्यम् अमृतं क्षरतः, येन पीतेन सोऽयं निःसन्देहसिद्धदेहः स्यात् । तस्माद् अहम् अस्य सर्वसुखविधात्री धात्री च भविष्यामि” इति ।
punaś cedaṁ sagadgadaṁ jagāda, “ayi yaśode, tvam api haṭhottaratayā kaṭhorāsi, sutarāṁ tu sva-suta-sthita-cittādrohiṇī rohiṇī, yataḥ śayanatala evedṛśa-sukumāraṁ kumāraṁ nidhāya cintām avidhāya nātikṛta-niṣṭhaṁ tiṣṭhathaḥ, na tu hṛdaye | prāṇā api hṛdaya eva rakṣaṇīyāḥ, kim uta prāṇādhiko’yaṁ sutaḥ? tasmād dhig vo rākṣasīto’pi rūkṣa-mānasā mānuṣīḥ | ahaṁ tu sampad-adhiṣṭhātṛ-devī tvayā prasūtaṁ sutaṁ viśva-vilakṣaṇa-lakṣaṇaṁ śrutvā tat-kṣaṇam evāgatānena vasantena vāsantīm iva dṛṣṭiṁ hṛṣṭāṁ kṛtavaty asmi | mama ca stanau sarva-śreyastananau nityam amṛtaṁ kṣarataḥ, yena pītena so’yaṁ niḥsandeha-siddha-dehaḥ syāt | tasmād aham asya sarva-sukha-vidhātrī dhātrī ca bhaviṣyāmi” iti |
И ещё она сказала, запинаясь: „Ах, Яшода, ты слишком упряма и жестока, а Рохини и подавно недобра к твоему сыну: вы положили такого нежного мальчика прямо на постель и, не тревожась, не держите Его у сердца. Даже жизнь хранят в сердце — тем более сына, дороже жизни! Позор вам, женщины, жёстче ракшаси! А я — богиня богатства: услышав, что ты родила сына, отмеченного признаками, каких нет в мире, я тотчас пришла и обрадовала свой взор, как весна — жасмин. А мои груди, дарующие всякое благо, всегда источают нектар: кто его выпьет, станет несомненно совершенным телом. Поэтому я буду Ему кормилицей, дарующей всякое счастье“.
1574f760a27f · опубликовано 24 сент. 2026 г., 18:56:58 UTC
Доступно наRUЛистайте стихи клавишами