“भो भो राम! भो भोः कृष्ण! महाप्रभाव! प्रभावधूतनिविडतमस्काण्डप्रकाण्ड! बुभुक्षयाक्षयाजनि नो जठरयातना या तनावपि नो माति । मातिदूरे दूरे सरीसृप्यमाणैः सौरभ्यैरभ्येधितघ्राणामोदमतिपाकमेदुरदुरवापफलानां मोदं जनयति नस्तालवनं लवनं विनापि केवलान्दोलेनैव फलानि निपतिष्यन्ति । तैरस्मानाप्याययितुमर्हतं भवन्तौ” इति गदितौ दितौत्कण्ठ्यान् विधातुमेतान् समेतान् लालसया तद्धेनुककृतावनं वनं समुपव्रज्य तच्छोभालोभालोलनयनौ नयनौत्कण्ठ्यमवतारयामासतुः ॥73॥
“bho bho rāma! bho bhoḥ kṛṣṇa! mahāprabhāva! prabhāvadhūtaniviḍatamaskāṇḍaprakāṇḍa! bubhukṣayākṣayājani no jaṭharayātanā yā tanāvapi no māti | mātidūre dūre sarīsṛpyamāṇaiḥ saurabhyairabhyedhitaghrāṇāmodamatipākameduraduravāpaphalānāṁ modaṁ janayati nastālavanaṁ lavanaṁ vināpi kevalāndolenaiva phalāni nipatiṣyanti | tairasmānāpyāyayitumarhataṁ bhavantau” iti gaditau ditautkaṇṭhyān vidhātumetān sametān lālasayā taddhenukakṛtāvanaṁ vanaṁ samupavrajya tacchobhālobhālolanayanau nayanautkaṇṭhyamavatārayāmāsatuḥ ||73||
«Эй, Рама! Эй, Кришна, великий могуществом, могуществом разгоняющий густую тьму! Голод устроил нам неистощимую муку в животе, такую, что и в теле не помещается. Недалеко отсюда пальмовая роща — она будит нам радость ароматом, ползущим издалека, веселящим обоняние: там плоды, налитые спелостью, недоступные; даже без срезания, одним встряхиванием они попадают. Насытьте нас ими». Сказанные так, чтобы утолить тоску этих, собравшихся, они с охотой пошли в тот лес, охраняемый Дхенукой, и с глазами, жадными до его красы, обратили туда нетерпеливые взоры.
41fa8c500f20 · published Sep 28, 2026, 11:05:28 PM UTC
Available inRUPage between verses with
Талавана и Дхенукасура — ШБ 10.15.20–26.