अथ स्फुटम् ऊचे—ततस् ततः ?
मधुकण्ठ उवाच—स च श्रीमान् पर्जन्यः सौजन्यवर्येणार्जितेन निजैश्वर्येणापि वैश्यान्तरसाधारण्यम् अतीयाय, तच् च नाश्चर्यम् । यतः स्वाश्रितदेशपालकतामान्यतया वदान्यतया क्षीरवैभवप्लावितसर्वजनतालब्धप्राधान्यतया च पर्जन्यसामान्यताम् आप ; यः खलु प्रह्लादः श्रवसि, ध्रुवः प्रतिश्रुति, पृथुर् महिमणि, भीष्मो दुर्हृदि, शङ्करः सुहृदि, स्वयम्भूर् गरिमणि, हरिस् तेजसि बभूव । यस्य च सर्वैर् अपि कृतगुणनेन गुणगणने वशिताः सहस्रसङ्ख्याभिर् अप्य् अनवसिता मातामहमहावंशप्रभवाः सर्वथा प्रभवन्ते गोपाः सोपाध्यायाः स्वयम् एव समाश्रिता बभूवुः । तत्सम्बन्धानि च वृन्दशः यं खलु श्रीमदुग्रसेनाग्रीययदुसंसदग्रण्यस् ते समग्रगुणगरिमण्य् अग्रगण्यम् अवलोकयन्तः सकलगोपलोकराजराजतासम्बलकेन तिलकेन सम्भावयामासुः । यस्य च प्रेयसी सकलगुणवरीयसी वरीयसीनाम् आसीत् । यस्य च श्रीमदुपनन्दादयः पञ्चनन्दना जगद् एवानन्दयामासुः ।
atha sphuṭam ūce—tatas tataḥ ?
madhukaṇṭha uvāca—sa ca śrīmān parjanyaḥ saujanya-varyeṇārjitena nijaiśvaryeṇāpi vaiśyāntara-sādhāraṇyam atīyāya, tac ca nāścaryam | yataḥ svāśrita-deśa-pālakatā-mānyatayā vadānyatayā kṣīra-vaibhava-plāvita-sarva-janatā-labdha-prādhānyatayā ca parjanya-sāmānyatām āpa ; yaḥ khalu prahlādaḥ śravasi, dhruvaḥ pratiśruti, pṛthur mahimaṇi, bhīṣmo durhṛdi, śaṅkaraḥ suhṛdi, svayambhūr garimaṇi, haris tejasi babhūva | yasya ca sarvair api kṛta-guṇanena guṇa-gaṇane vaśitāḥ sahasra-saṅkhyābhir apy anavasitā mātāmaha-mahā-vaṁśa-prabhavāḥ sarvathā prabhavante gopāḥ sopādhyāyāḥ svayam eva samāśritā babhūvuḥ | tat-sambandhāni ca vṛndaśaḥ yaṁ khalu śrīmad-ugrasenāgrīya-yadu-saṁsad-agraṇyas te samagra-guṇa-garimaṇy agragaṇyam avalokayantaḥ sakala-gopa-loka-rāja-rājatā-sambalakena tilakena sambhāvayāmāsuḥ | yasya ca preyasī sakala-guṇa-varīyasī varīyasīnām āsīt | yasya ca śrīmad-upanandādayaḥ pañca-nandanā jagad evānandayāmāsuḥ |
metre not identified
Затем он вслух спросил: «А дальше?» Мадхукантха сказал: «Шри Парджанья своим богатством, добытым высшей добротой, превзошёл обычных вайшьев, — и это не удивительно. Ведь, почитаемый как хранитель подвластной ему земли, щедрый и первенствующий оттого, что заливал всех людей изобилием молока, он стал подобен туче (парджанья). Славой он был Прахлада, верностью слову — Дхрува, величием — Притху, для врагов — Бхишма, для друзей — Шанкара, весом — Самбху, сиянием — Хари. Весь перечень его достоинств бесчисленна, и сами к нему прибегли пастухи — тысячи, из великого рода его деда по матери, могущественные во всём, вместе с учителями, и их родичи толпами. Первые в собрании Ядавов во главе с Уграсеной, видя его первенство во всех достоинствах, почтили его тилаком — знаком власти над всеми пастухами. Его жена была лучшей из лучших по всем достоинствам. А его пять сыновей во главе с Упанандой радовали весь мир.
f4246bc31e62 · published Sep 24, 2026, 6:46:20 PM UTC
Available inRUPage between verses with
Каждое сравнение — с героем, прославленным этим качеством: Дхрува — верностью, Бхишма — грозностью для врагов.