अथ तुमुलेषु दिवि दुन्दुभिदुङ्कारेषु, घनगभीरेषु भेरीभाङ्कारेषु, स्वभावसुखरेषु मुनिगणस्तवनेषु, निपतन्तीषु च नन्दनवनकुसुमवृष्टिषु, बहुविधमेधमानेषु च दिविषदां घोषवासिनां च प्रमोदेषु, विबुधद्रुहां च वैमनस्येषु, ताण्डवचण्डिमानमारब्धवतः श्रीवनमालिनो निर्दयनिर्भरविन्यस्यमानचरणकमलाघातखेदखिन्नतया प्रतिफणं वमदसृग्धारमाभुग्ननयनमतिशीर्यद्भोगमाकुलतया म्रियमाणमिव तमाशीविषपति पतिं विलोक्य विषण्णहृदो हृदोपनीयापत्यानि पत्या निधनं गच्छतेव सकातर्यं ममतया निरीक्षमाणास्तेन चातिशयदोदूयमानमानसाः “न साम्प्रतं भगवदनुग्रहमृते मृतेरस्य निरासकं वर्तते” इति मनसि विभाव्य भाव्यनुकम्पां भगवतोऽभिकाङ्क्षन्त्यस्तद्वनिता नितान्तशोककर्षितत्वेन त्यक्तसाध्वसं साध्वसंहितलज्जं भगवत्सविधमभ्यागत्य सशोककातर्यं कलमधुरं स्तुवन्ति स्म ॥29॥
atha tumuleṣu divi dundubhiduṅkāreṣu, ghanagabhīreṣu bherībhāṅkāreṣu, svabhāvasukhareṣu munigaṇastavaneṣu, nipatantīṣu ca nandanavanakusuma-vṛṣṭiṣu, bahuvidhamedhamāneṣu ca diviṣadāṁ ghoṣavāsināṁ ca pramodeṣu, vibudhadruhāṁ ca vaimanasyeṣu, tāṇḍavacaṇḍimānamārabdhavataḥ śrīvanamālino nirdayanirbharavinyasyamānacaraṇakamalāghātakhedakhinnatayā pratiphaṇaṁ vamadasṛgdhāramābhugnanayanamatiśīryadbhogamākulatayā mriyamāṇamiva tamāśīviṣapati patiṁ vilokya viṣaṇṇahṛdo hṛdopanīyāpatyāni patyā nidhanaṁ gacchateva sakātaryaṁ mamatayā nirīkṣamāṇāstena cātiśayadodūyamānamānasāḥ “na sāmprataṁ bhagavadanugrahamṛte mṛterasya nirāsakaṁ vartate” iti manasi vibhāvya bhāvyanukampāṁ bhagavato'bhikāṅkṣantyastadvanitā nitāntaśoka-karṣitatvena tyakta-sādhvasaṁ sādhvasaṁhitalajjaṁ bhagavatsavidhamabhyāgatya saśoka-kātaryaṁ kalamadhuraṁ stuvanti sma ||29||
И вот, когда в небе гремели «дум» литавр, глубоко, как тучи, гудели барабаны, звучали сладкие по природе хвалы мудрецов, падал дождь цветов рощи Нандана, по-разному росла радость небожителей и жителей пастушьей деревни, а враги богов пали духом, — жёны змея, увидев своего владыку, змеиного царя, — он истекал кровью из каждого капюшона, глаза закатились, кольца распадались, — словно умирающим от изнеможения под безжалостными ударами стоп-лотосов Шри Носящего лесную гирлянду, начавшего яростную тандаву, — с горем в сердце, прижимая детей, словно от гибели мужа, с жалостью, мучимые сердцем, подумали: «Сейчас ничто, кроме милости Господа, не отведёт от него смерти», — и, желая его сострадания, крайне истощённые горем, бросив страх, но сохранив стыд, подошли к Господу и с горем и робостью сладко вознесли хвалу:
9169b5391019 · опубликовано 28 сент. 2026 г., 23:10:19 UTC
Доступно наRUЛистайте стихи клавишами
Хвала нагапатни — ШБ 10.16.33–53.