सर्वे ससान्त्वं ऊचुः—तर्हि मङ्गलम् अपि सङ्गतं भविष्यतीति ।
तद् एवं दिनकतिपयेषु लब्धदूतगतागतव्यत्ययेषु पुनर् अन्यौ कौचिद् आगम्य सम्यक् तद् इदं ऊचतुः—सम्प्रति किञ्चिद् अपूर्वं दृष्टपूर्वम् अकरवाव ।
व्रजराज उवाच—कीदृशं ?
दूताव् ऊचतुः— एकदा परमसुष्ठुधर्मायां सुधर्मायां श्रीगोविन्दः समकक्षैः स्वपक्षैः समम् अक्षैः क्रीडति स्म । क्रीडति तु तस्मिन् सर्वे सगर्वेहा नागराः कोलाहलबहलभयकुतूहलभयकुतूहलवलिताः सीमातिगामिसागरायमाणाः ससम्भ्रमम् इदं निवेदयामासुः । सर्वभाग्यसाक्षात्फलतया साक्षाद्भवन्तं भवन्तं वीक्षितुं त्वष्टायम् आयाति, किन्तु सर्वेषाम् अस्माकं चक्षूंषि तक्षन्न् इव लक्ष्यते । तस्माद् आदिश यथा सोम इव कोमलतां भजेत ।
sarve sa-sāntvaṁ ūcuḥ—tarhi maṅgalam api saṅgataṁ bhaviṣyatīti |
tad evaṁ dina-katipayeṣu labdha-dūta-gatāgata-vyatyayeṣu punar anyau kaucid āgamya samyak tad idaṁ ūcatuḥ—samprati kiñcid apūrvaṁ dṛṣṭa-pūrvam akaravāva |
vrajarāja uvāca—kīdṛśaṁ ?
dūtāv ūcatuḥ— ekadā parama-suṣṭhu-dharmāyāṁ sudharmāyāṁ śrī-govindaḥ sama-kakṣaiḥ sva-pakṣaiḥ samam akṣaiḥ krīḍati sma | krīḍati tu tasmin sarve sa-garvehā nāgarāḥ kolāhala-bahala-bhaya-kutūhala-bhaya-kutūhala-valitāḥ sīmātigāmi-sāgarāyamāṇāḥ sa-sambhramam idaṁ nivedayāmāsuḥ | sarva-bhāgya-sākṣāt-phalatayā sākṣād-bhavantaṁ bhavantaṁ vīkṣituṁ tvaṣṭāyam āyāti, kintu sarveṣām asmākaṁ cakṣūṁṣi takṣann iva lakṣyate | tasmād ādiśa yathā soma iva komalatāṁ bhajeta |
metre not identified
Все с утешением сказали: „Значит, придёт и радость“. И вот через несколько дней, пока вестники сменяли друг друга, пришли двое других и сказали вот что: „Недавно мы увидели нечто небывалое“. Царь Враджи сказал: „Что же?“ Вестники сказали: „Однажды в Судхарме, чей закон превосходен, Шри Говинда играл в кости с равными по рангу приближёнными. И пока Он играл, все горожане, полные гордости, шумя, в страхе и любопытстве, как океан, вышедший из берегов, в смятении сообщили: «Как явный плод всей нашей удачи, чтобы увидеть Тебя, явленного, идёт сам Тваштар — но, кажется, он будто выжигает нам глаза. Повели же, чтобы он стал мягок, как Сома»“.
398aca42400e · published Sep 25, 2026, 3:53:23 AM UTC
Available inRUPage between verses with
Тваштар здесь — солнце. Ср. «Бхагаватам», песнь 10, гл. 56, стихи 4–8.