प्रकाशम् अपि सहासाभासम् आह स्म,—
देह्य् आवयोः समुचितान्य् अङ्ग वासांसि चार्हतोः ।
भविष्यति परं श्रेयो दातुस् ते नात्र संशयः ॥ इति ।
रजकः स तु रजसा तमसा च मनसि व्याप्तः सर्वत्र लब्धख्यातेस् तस्य दानवारातेः प्रभावं शृण्वन्न् अपि न हृदि स्पृष्टवान् । तत्पर्यवसायिवस्त्राणाम् अमीषां तत्प्रभावाद् एव तत्र समागमं कंसप्रभावाद् एवेति परामृष्टवान् । तेन तेन दृशि व्याप्तश् च फणधारीन्द्रवारीन्द्रनाकचारीन्द्रप्रभृत्य् उपहारीकृतदीव्यद्दिव्यवस्त्रसंवस्त्रणम् अपि तस्य न दृष्टवान् । ततश् चासाव् उद्भासुरासुरभावस् तदनुभावम् अननुभूय दूयमानतया बहु जहास—
prakāśam api sa-hāsābhāsam āha sma,—
dehy āvayoḥ samucitāny aṅga vāsāṁsi cārhatoḥ |
bhaviṣyati paraṁ śreyo dātus te nātra saṁśayaḥ || iti |
rajakaḥ sa tu rajasā tamasā ca manasi vyāptaḥ sarvatra labdha-khyātes tasya dānavārāteḥ prabhāvaṁ śṛṇvann api na hṛdi spṛṣṭavān | tat-paryavasāyi-vastrāṇām amīṣāṁ tat-prabhāvād eva tatra samāgamaṁ kaṁsa-prabhāvād eveti parāmṛṣṭavān | tena tena dṛśi vyāptaś ca phaṇa-dhārīndra-vārīndra-nāka-cārīndra-prabhṛty upahārī-kṛta-dīvyad-divya-vastra-saṁvastraṇam api tasya na dṛṣṭavān | tataś cāsāv udbhāsurāsura-bhāvas tad-anubhāvam ananubhūya dūyamānatayā bahu jahāsa—
размер не определён
И вслух с видимой усмешкой сказал: «Дай, милый, нам подходящие одежды — мы их достойны. Высшее благо будет тебе как дарителю, в этом нет сомнения». Но прачка, чей ум был полон страсти и тьмы, хоть и слышал о могуществе Врага данавов, прославленного повсюду, не принял этого к сердцу. Он счёл, что эти одежды, которым суждено достаться Ему, оказались здесь по могуществу Камсы, а не Его. Ослеплённый этим, он не разглядел даже того, что на Нём одежды, сияющие небесной красой, поднесённые владыкой змей, владыкой вод, владыкой небожителей и прочими. И вот он, сияющий демонской природой, не постигнув Его величия, в обиде громко расхохотался:
ddc4a7d561e4 · опубликовано 25 сент. 2026 г., 02:16:51 UTC
Доступно наRUЛистайте стихи клавишами
Слова Кришны — «Бхагаватам», песнь 10, гл. 41.