अथ यः खलु मथुरागारः परमसुभगाचारः कश्चिन् मालाकारः सुदुष्प्रापपुष्पाय प्रायशः श्रीवृन्दावनं मुहुर् विन्दति स्म । विन्दन्न् अपि स खलु धन्यः श्रीमद्वन्यवेशं केशवम् अपि पश्यति स्म ।
पश्यन्न् अपि तत्राविश्य पुष्पाहरणम् अपदिश्य तत्र चाभिनिविश्य यत्र यत्र यदासौ हरिर् विहरति, तत्र तत्र च पुष्पहारम् उपहारम् उपहारं रचयति स्म ।
तद् अप्य् आस्ताम् अहो! तत्रात्मीयसख्यसुखधाम्नः सुदाम्नः समनाम्नि मित्रताम् अपि सोऽयं तोयदसुन्दरः स्वयम् उरीकरोति स्म । तथा च सति स खल्व् अत्र वसतीति सम्प्रति सहसा सह सहचारिभिर् विचारितवता परमसच्चरितवतानेन नागरान् पृच्छता तेभ्यः सुखमुखरतां यच्छता तस्य गृहम् एवानुजगृहे ।
atha yaḥ khalu mathurāgāraḥ parama-subhagācāraḥ kaścin mālākāraḥ su-duṣprāpa-puṣpāya prāyaśaḥ śrī-vṛndāvanaṁ muhur vindati sma | vindann api sa khalu dhanyaḥ śrīmad-vanya-veśaṁ keśavam api paśyati sma |
paśyann api tatrāviśya puṣpāharaṇam apadiśya tatra cābhiniviśya yatra yatra yadāsau harir viharati, tatra tatra ca puṣpa-hāram upahāram upahāraṁ racayati sma |
tad apy āstām aho! tatrātmīya-sakhya-sukha-dhāmnaḥ sudāmnaḥ sama-nāmni mitratām api so’yaṁ toyada-sundaraḥ svayam urīkaroti sma | tathā ca sati sa khalv atra vasatīti samprati sahasā saha sahacāribhir vicāritavatā parama-sac-caritavatānena nāgarān pṛcchatā tebhyaḥ sukha-mukharatāṁ yacchatā tasya gṛham evānujagṛhe |
размер не определён
И был один цветочник, живший в Матхуре, человек благочестивейший, который часто ходил во Вриндавану за редкими цветами. И, бывая там, этот счастливец видел и Кешаву в прекрасном лесном наряде. Видя Его, он, под предлогом сбора цветов, приходил туда и оставался, и всюду, где играл Хари, плёл цветочные гирлянды Ему в подарок. Но и это пусть; о! этот Прекрасный, как туча, сам принял дружбу с ним, тёзкой Судамы — обители счастья Его дружбы. И вот теперь, раз он живёт здесь, Он, чьё поведение превыше всего, вдруг посоветовался с товарищами, расспросил горожан, порадовав их приветливой беседой, и милостиво пришёл прямо к его дому.
a3e2fc4fe79f · опубликовано 25 сент. 2026 г., 02:16:51 UTC
Доступно наRUЛистайте стихи клавишами
Судама — один из друзей-пастушков Кришны; цветочник носит то же имя.