तद् एतद् दूतवचनान्ते निशान्ते स्वपत्न्या सम्मन्त्र्य सभायां सभावजनतया च व्रजेशिता मन्त्रयामास—अस्माकं तदेकतृष्णजाम् अपि तत्सन्निधिनिधिं गन्तुम् उद्यतानां विधिर् विरोधी वर्तते । तस्य पुनर् आगमनं मनसापि दुर्गमम् इति भवद्भिर् अनुभवद्भिर् एव स्थीयते । सम्प्रति श्रूयते—सूर्यग्रहणम् अनु पूर्यमाणकुतुकतया कुरुक्षेत्रागमनाय कृताग्रहचयः स सम्भृतभवत्प्रणयस् तत्र विराजत इति । तत्र च तीर्थयात्रायां जगन्मात्रागमनपात्रतां गतायां नास्माकं गमनं विस्मायकं भवतीति तद् उक्तः स खल्व् अस्मासु तदीयसुहृद्बुद्ध्या दुष्टद्वेषदोषस् तु न पोषं लभते इति ।
tad etad dūta-vacanānte niśānte sva-patnyā sammantrya sabhāyāṁ sa-bhāva-janatayā ca vrajeśitā mantrayāmāsa—asmākaṁ tad-eka-tṛṣṇajām api tat-sannidhi-nidhiṁ gantum udyatānāṁ vidhir virodhī vartate | tasya punar āgamanaṁ manasāpi durgamam iti bhavadbhir anubhavadbhir eva sthīyate | samprati śrūyate—sūrya-grahaṇam anu pūryamāṇa-kutukatayā kurukṣetrāgamanāya kṛtāgraha-cayaḥ sa sambhṛta-bhavat-praṇayas tatra virājata iti | tatra ca tīrtha-yātrāyāṁ jagan-mātrāgamana-pātratāṁ gatāyāṁ nāsmākaṁ gamanaṁ vismāyakaṁ bhavatīti tad uktaḥ sa khalv asmāsu tadīya-suhṛd-buddhyā duṣṭa-dveṣa-doṣas tu na poṣaṁ labhate iti |
Выслушав слова вестников, на исходе ночи владыка Враджи посовещался с женой, а в собрании — с народом, полным чувства: „Хоть мы и рождены жаждой Его одного, судьба противится нашему стремлению к сокровищу Его близости. Что Его возвращение недоступно даже мысли — вы и сами знаете по опыту. А ныне слышно: ради солнечного затмения, в растущем нетерпении, Он настоял на том, чтобы прийти на Курукшетру, и, полный вашей любви, сияет там. А раз это паломничество собирает весь мир, то и наш приход никого не удивит; и злая вражда к Нему за то, что мы Ему друзья, не разрастётся“.
0c0323909a7b · опубликовано 25 сент. 2026 г., 04:31:56 UTC
Доступно наRUЛистайте стихи клавишами
Перевод приблизителен.