यथा—“प्रियसख! केयं वलभीतलविद्योतिनी निर्मुदिरा विद्युदिव, नन्दनवनतो निपत्य वडभीतलमालम्बमाना बालकल्पलतिकेव, त्रिलोकीलोकसम्मोहकारिणी मदनैन्द्रजालिकस्य कुहककनकपाञ्चालिकेव, गोकुलपुराधिष्ठातृदेवतेव, केनापि परमकलावता चित्रकारेण चित्रिता निभित्तिचित्रलेखेव, गगनसरसो लम्बमाना हेमहंसीव, आकाशकनककेतकीव, कुसुमधनुषो निष्कृपा कृपाणीव, अद्वितीया द्वितीया चन्द्रलेखेव, सम्मोहस्य महिमवल्लीव, लावण्यस्य दर्पणिकेव, माधुर्यस्य पताकिकेव, गुणमणीन्द्रवृन्दतेजोमञ्जुमञ्जरीव, सौरूप्यविहङ्गपुरटपञ्जरिकेव, क्षणमेवाविर्भूय तिरोभवति । किमयं मे स्वप्नः, किमुत भ्रम एव वा, किमुत मदीयमनसो विभ्रामिका कापि दैवी माया” ॥28॥
yathā—“priyasakha! keyaṁ valabhītalavidyotinī nirmudirā vidyudiva, nandanavanato nipatya vaḍabhītalamālambamānā bālakalpalatikeva, trilokīloka-sammohakāriṇī madanaindrajālikasya kuhakakanakapāñcālikeva, gokulapurādhiṣṭhātṛdevateva, kenāpi paramakalāvatā citrakāreṇa citritā nibhitticitra-lekheva, gaganasaraso lambamānā hemahaṁsīva, ākāśakanakaketakīva, kusumadhanuṣo niṣkṛpā kṛpāṇīva, advitīyā dvitīyā candralekheva, sammohasya mahimavallīva, lāvaṇyasya darpaṇikeva, mādhuryasya patākikeva, guṇamaṇīndravṛndatejomañjumañjarīva, saurūpyavihaṅgapuraṭapañjarikeva, kṣaṇamevāvirbhūya tirobhavati | kimayaṁ me svapnaḥ, kimuta bhrama eva vā, kimuta madīyamanaso vibhrāmikā kāpi daivī māyā” ||28||
Вот как: «Милый друг! Кто это сияет на балконе — как молния без тучи; как юная лиана желаний, упавшая из рощи Нандана и прильнувшая к балкону; как золотая кукла-обманка чародея Мадана, чарующая мир трёх миров; как богиня-хранительница города Гокулы; как узор, нарисованный искуснейшим художником без стены; как золотая лебёдка, свесившаяся с озера неба; как золотая кетаки неба; как безжалостный меч Цветочнолукого; как несравненный второй месяц; как лиана величия чар; как зеркальце прелести; как знамя сладости; как соцветие сияния сонма лучших самоцветов-достоинств; как золотая клетка для птицы красоты, — на миг является и исчезает? Сон ли это, или обман, или какая-то божественная майя, кружащая мне ум?»
cf1a35e38bbb · опубликовано 28 сент. 2026 г., 23:05:28 UTC
Доступно наRUЛистайте стихи клавишами
Слова Кришны при виде Радхи.