तद् एवं विमृशन् स किल विलम्बम् अनवलम्बमानः श्रीव्रजम् आजगाम । आगम्य च निजम् उटजतटं सध्यानम् अध्यासीनां पौर्णमासीं प्रति जगाम । गत्वा च सर्वम् एवेदं निवेद्य पुनर् निवेदयामास, मयेदं तावत् कर्तव्यम्, भवत्या तु तासां यथान्यत्र पत्यादिव्यवहारः सत्याय न कल्पते, किन्तु लोकप्रत्यायनमात्राय तथा व्यवहर्तव्यम् इति ।
तद् एवं तां सम्भाष्य श्रीमद्व्रजराजसम्भाषणं निर्वाह्य, बाह्यावरणवासिनाम् आवासेषु बभ्राम । ते च तम् आगतम् अकस्मान् निशाम्य शाम्यच्चिन्तातमसः स्वस्वमनोरथलब्धये लुब्धमनसः प्रणामादिभिः परिपूज्य कुशलम् अनुयुज्य प्रच्छन्नतया तम् एवार्थं पप्रच्छुः, इदं तावच् छङ्कितं; तत्र किं कर्तव्यम्? इति ।
tad evaṁ vimṛśan sa kila vilambam anavalambamānaḥ śrī-vrajam ājagāma | āgamya ca nijam uṭaja-taṭaṁ sa-dhyānam adhyāsīnāṁ paurṇamāsīṁ prati jagāma | gatvā ca sarvam evedaṁ nivedya punar nivedayāmāsa, mayedaṁ tāvat kartavyam, bhavatyā tu tāsāṁ yathānyatra patyādi-vyavahāraḥ satyāya na kalpate, kintu loka-pratyāyana-mātrāya tathā vyavahartavyam iti |
tad evaṁ tāṁ sambhāṣya śrīmad-vrajarāja-sambhāṣaṇaṁ nirvāhya, bāhyāvaraṇa-vāsinām āvāseṣu babhrāma | te ca tam āgatam akasmān niśāmya śāmyac-cintā-tamasaḥ sva-sva-manoratha-labdhaye lubdha-manasaḥ praṇāmādibhiḥ paripūjya kuśalam anuyujya pracchannatayā tam evārthaṁ papracchuḥ, idaṁ tāvac chaṅkitaṁ; tatra kiṁ kartavyam? iti |
未能识别诗律
Рассудив так, он без промедления пришёл в Шри Врадж. Придя, он пошёл к Паурнамаси, сидевшей в размышлении у края своей хижины. Рассказав ей всё, он добавил: «Вот что должен сделать я; а ты позаботься, чтобы их отношения с мужьями и прочими не стали настоящими, а велись лишь для успокоения людей». Поговорив так с нею и закончив беседу со Шри царём Враджа, он обошёл жилища тех, кто жил во внешнем круге. А те, увидев его нежданный приход, — тьма их тревоги стала рассеиваться — жадно желая исполнения своих замыслов, почтили его поклонами и прочим, спросили о благополучии и тайком спросили о том самом деле: «Вот о чём мы тревожимся; что тут делать?»
a3dd60eb41a9 · 发布于 2026年9月24日 20:10:34 UTC
可用语言RU用方向键翻颂
Паурнамаси — почтенная отшельница, покровительница игр Кришны во Врадже.