पौर्णमासी उवाच—पङ्कजाक्षि, न काचिद् अपि शङ्का मनसि शङ्कनीया ।
वृन्दा सरूक्षहासम् आह—भगवति, कथम् इव?
पौर्णमासी उवाच—यद् अद्याप्य् असिद्धनिर्वाह एव तासां विवाहः ।
वृन्दाह—विचक्षणे, तम् एतं चाक्षुषम् एव विधाय सर्वेऽप्य् आचक्षते ।
पौर्णमासी उवाच—सम्प्रति ता बालिकाः कुत्र?
वृन्दाह—तद् इदम् अपि श्रुतम्, यद् अतिबालकतयावगताः पितृगेह एव ता निधाय ते गता इति ।
पौर्णमासी सप्रणयरोषम् उवाच—अथ कथं मत्कथनं न प्रत्येषि यत् किंवदन्तीम् एव मुहुर् वदन्ती वर्तसे?
paurṇamāsī uvāca—paṅkajākṣi, na kācid api śaṅkā manasi śaṅkanīyā |
vṛndā sa-rūkṣa-hāsam āha—bhagavati, katham iva?
paurṇamāsī uvāca—yad adyāpy asiddha-nirvāha eva tāsāṁ vivāhaḥ |
vṛndāha—vicakṣaṇe, tam etaṁ cākṣuṣam eva vidhāya sarve’py ācakṣate |
paurṇamāsī uvāca—samprati tā bālikāḥ kutra?
vṛndāha—tad idam api śrutam, yad atibālakatayāvagatāḥ pitṛ-geha eva tā nidhāya te gatā iti |
paurṇamāsī sa-praṇaya-roṣam uvāca—atha kathaṁ mat-kathanaṁ na pratyeṣi yat kiṁvadantīm eva muhur vadantī vartase?
未能识别诗律
Паурнамаси сказала: «Лотосоокая, не держи в сердце никакого сомнения». Вринда, сухо усмехнувшись, спросила: «Почтенная, как же так?» Паурнамаси ответила: «Да ведь их свадьба до сих пор не свершилась». Вринда сказала: «Мудрая, все говорят, что видели её своими глазами». Паурнамаси спросила: «А где сейчас эти девочки?» Вринда ответила: «Я слышала и это: сочтя их слишком юными, мужья оставили их в отцовском доме и ушли». Паурнамаси с любовным гневом сказала: «Так почему же ты не веришь моему слову и всё повторяешь молву?»
40bcd26753f6 · 发布于 2026年9月24日 20:10:34 UTC
可用语言RU用方向键翻颂