“किं कुर्महे? यया मर्मपीडया क्वचन च शर्म न लभामहे वयम्” इति ।
अथ पुनर् व्याकुलीभवन्ती सा शुभ्रदन्ती रसान्तरेण ताभिः सान्त्वितीक्रियते । तद्दिने तु तद् इदम् आचचक्षे: “अशेषमङ्गलसङ्गताचरणानां श्रीव्रजेशगृहिणीचरणानाम् आदेशप्रवेश आसीत्, ‘हन्त, सर्वा एवार्वाचीनवयसः समागताः, मत्प्राणाधिका राधिका कथम् अधुनापि नागता?ऽ इति ।” तद् एवम् अवधारितवती श्रीराधापि सावधानीभवन्ती, शीघ्रम् एव प्रातर् औचितीं विधाय, सर्वाभिर् एवोपशायविशायवलिताभिः कल्यम् आकल्य मिलिताभिर् ललिताविशाखादिसखिभिः सार्धं श्रीव्रजाधीश्वर्या धाम जगाम । गत्वा च, परमकान्तस्वकान्तिकन्दलीभिर् अन्तिमगताभीरकान्ताः समन्ताद् अप्य् अन्तर्बहिर् अपि देवयामास ।
“kiṁ kurmahe? yayā marma-pīḍayā kvacana ca śarma na labhāmahe vayam” iti |
atha punar vyākulī-bhavantī sā śubhra-dantī rasāntareṇa tābhiḥ sāntvitī-kriyate | tad-dine tu tad idam ācacakṣe: “aśeṣa-maṅgala-saṅgatācaraṇānāṁ śrī-vrajeśa-gṛhiṇī-caraṇānām ādeśa-praveśa āsīt, ‘hanta, sarvā evārvācīna-vayasaḥ samāgatāḥ, mat-prāṇādhikā rādhikā katham adhunāpi nāgatā?’ iti |” tad evam avadhāritavatī śrī-rādhāpi sāvadhānī-bhavantī, śīghram eva prātar aucitīṁ vidhāya, sarvābhir evopaśāya-viśāya-valitābhiḥ kalyam ākalya militābhir lalitā-viśākhādi-sakhibhiḥ sārdhaṁ śrī-vrajādhīśvaryā dhāma jagāma | gatvā ca, parama-kānta-sva-kānti-kandalībhir antima-gatābhīra-kāntāḥ samantād apy antar-bahir api devayāmāsa |
размер не определён
Что нам делать? Эта сердечная боль нигде не даёт нам покоя». И снова, когда белозубая начинает тревожиться, подруги утешают Её иным вкусом. В тот день они сказали так: «Пришло повеление стоп владычицы Враджа, чьи дела всегда полны благословения: „Ах, все молоденькие уже пришли — отчего же до сих пор нет Радхики, дороже мне жизни?“» Услышав это, Шри Радха собралась, быстро исполнила утренние дела и вместе с Лалитой, Вишакхой и другими подругами, что сошлись к ней на рассвете, спавшие рядом и поодаль, пошла в дом Шри владычицы Враджа. А придя, ростками своего несравненного сияния озарила вокруг — и внутри, и снаружи — пастушек, пришедших раньше.
9a334f131faa · опубликовано 24 сент. 2026 г., 18:36:37 UTC
Доступно наRUЛистайте стихи клавишами