अतः स्वयं भगवतोऽनुरूपत्वेन स्वयं लक्ष्मीत्वं प्रसिद्धम् एव । अथ श्रीवृन्दावने तदीयस्वरूपशक्तिप्रादुर्भावाः श्रीव्रजदेव्यः । यथा ब्रह्मसंहितायां —
आनन्दचिन्मयरसप्रतिभाविताभिस्
ताभिर् य एव निजरूपतया कलाभिः ।
गोलोक एव निवसत्य् अखिलात्मभूतो
गोविन्दम् आदिपुरुषं तम् अहं भजामि ॥71॥ इति ।
तत्र ताभिः श्रीगोपीभिर् मन्त्रे तच्छब्दप्रयोगात् । आनन्दचिन्मयरसेन प्रेमरसविशेषेण प्रैत्भाविताभिस् तत्प्रधानाभिर् इत्य् अर्थः । ह्लादिनीसारवृत्तिविशेषरूपत्वात् । कलात्वेनैव निजरूपत्वे सिद्धे पुनर् निजरूपतयोक्तिः प्रकटलीलायां परकीयाभासत्वस्य व्यवच्छेदार्थम् । यत उक्तं तत्रैव श्रियः कान्ताः कान्तः परमपुरुषः इति । श्रीपरमपुरुषयोर् औपपत्यं नास्तीति युक्तं च दर्शितवान् । एतद् अभिप्रायेणैव स्वायम्भुवागमेऽपि श्रीभूलीलाशब्दैः तत्प्रेयसीविशेषत्वम् उपदिष्टम् ।
अत एव गोपीजनाविद्याकलाप्रेरक इत्य् अत्र तापनीवाक्ये श्रीमद्दशाक्षरस्थनामनिरुक्तौ ये गोपीजनास् ते आ सम्यग् या विद्या परमप्रेमरूपा तस्याः कलावृत्तिरूपा इति व्याख्येयम् । राजविद्या राजगुह्यम् इत्य् आदि गीताप्रकरणात् भगवत्य् अविद्यासंश्लेषाभावात् । तद् उक्तं ह्लादिनी इत्य् आदि । ततस् तासां प्रेरकस् तत् क्रीडायां प्रवर्तकः । स च पतित्व एव विश्रान्त इति वल्लभशब्देनैकार्थ्यम् एव ।
जन्मजराभ्यां भिन्न इत्य् आदौ स वो हि स्वामी भवति इति तस्याम् एव श्रुतौ, ताः प्रति दुर्वासावाक्यात् । स्त्रीसम्बन्धे स्वामीशब्दः पत्याव् एव रूढः । स्वामिनो देवृदेवराव् इत्य् अमरकोषात् । पादन्यासैर् इत्य् आदौ कृष्णवध्व इति श्रीशुकवचनम् । ऋषभस्य जगुः कृत्यानि इत्य् अत्र टीका च ऋषभस्य पत्युः इति । सङ्गीतशास्त्रे च, गोपीपतिर् अनन्तोऽपि वंशध्वनिवशं गतः इति. श्रीमच्छङ्कराचार्यकृते यमुनास्तोत्रे च, विधेहि तस्य राधिकाधवाङ्घ्रिपङ्कजे रतिम् इति । उद्धवं प्रति श्रीभगवता च—बल्लव्यो मे मदात्मिकाः इति । तद् इदं गच्छोद्धव व्रजं सौम्य पित्रोर् नः प्रीतिम् आवह इति वल्लभाभिमानिताम् आत्मनि व्यज्य श्रीकृष्णस्य वचनं ब्राह्मणस्य मम ब्राह्मणीत्य् आदिवत् गोपरूपस्य मम गोपीरूपा इत्य् अर्थः । अतस् तासाम् अपि तथैवाभिमानं तत्रैवोक्तम्—अपि बत मधुपुर्यां आर्यपुत्रोऽधुनास्ते इति । तथैव च कुमारीणां सङ्कल्पवचनम्—नन्दगोपसुतं देवि पतिं मे कुरुते नमः इति ।
ataḥ svayaṁ bhagavato’nurūpatvena svayaṁ lakṣmītvaṁ prasiddham eva | atha śrī-vṛndāvane tadīya-svarūpa-śakti-prādurbhāvāḥ śrī-vraja-devyaḥ | yathā brahma-saṁhitāyāṁ —
ānandacinmayarasapratibhāvitābhis
tābhir ya eva nijarūpatayā kalābhiḥ |
goloka eva nivasaty akhilātmabhūto
govindam ādipuruṣaṁ tam ahaṁ bhajāmi ||71|| iti |
tatra tābhiḥ śrī-gopībhir mantre tac-chabda-prayogāt | ānanda-cin-maya-rasena prema-rasa-viśeṣeṇa praitbhāvitābhis tat-pradhānābhir ity arthaḥ | hlādinī-sāra-vṛtti-viśeṣa-rūpatvāt | kalātvenaiva nija-rūpatve siddhe punar nija-rūpatayoktiḥ prakaṭa-līlāyāṁ parakīyābhāsatvasya vyavacchedārtham | yata uktaṁ tatraiva śriyaḥ kāntāḥ kāntaḥ parama-puruṣaḥ iti | śrī-parama-puruṣayor aupapatyaṁ nāstīti yuktaṁ ca darśitavān | etad abhiprāyeṇaiva svāyambhuvāgame’pi śrī-bhū-līlā-śabdaiḥ tat-preyasī-viśeṣatvam upadiṣṭam |
ata eva gopījanā-vidyā-kalā-preraka ity atra tāpanī-vākye śrīmad-daśākṣarastha-nāma-niruktau ye gopī-janās te ā samyag yā vidyā parama-prema-rūpā tasyāḥ kalā-vṛtti-rūpā iti vyākhyeyam | rāja-vidyā rāja-guhyam ity ādi gītā-prakaraṇāt bhagavaty avidyā-saṁśleṣābhāvāt | tad uktaṁ hlādinī ity ādi | tatas tāsāṁ prerakas tat krīḍāyāṁ pravartakaḥ | sa ca patitva eva viśrānta iti vallabha-śabdenaikārthyam eva |
janma-jarābhyāṁ bhinna ity ādau sa vo hi svāmī bhavati iti tasyām eva śrutau, tāḥ prati durvāsā-vākyāt | strī-sambandhe svāmī-śabdaḥ patyāv eva rūḍhaḥ | svāmino devṛ-devarāv ity amara-koṣāt | pāda-nyāsair ity ādau kṛṣṇa-vadhva iti śrī-śuka-vacanam | ṛṣabhasya jaguḥ kṛtyāni ity atra ṭīkā ca ṛṣabhasya patyuḥ iti | saṅgīta-śāstre ca, gopī-patir ananto’pi vaṁśa-dhvani-vaśaṁ gataḥ iti. śrīmac-chaṅkarācārya-kṛte yamunā-stotre ca, vidhehi tasya rādhikā-dhavāṅghri-paṅkaje ratim iti | uddhavaṁ prati śrī-bhagavatā ca—ballavyo me mad-ātmikāḥ iti | tad idaṁ gacchoddhava vrajaṁ saumya pitror naḥ prītim āvaha iti vallabhābhimānitām ātmani vyajya śrī-kṛṣṇasya vacanaṁ brāhmaṇasya mama brāhmaṇīty ādivat gopa-rūpasya mama gopī-rūpā ity arthaḥ | atas tāsām api tathaivābhimānaṁ tatraivoktam—api bata madhupuryāṁ āryaputro’dhunāste iti | tathaiva ca kumārīṇāṁ saṅkalpa-vacanam—nanda-gopa-sutaṁ devi patiṁ me kurute namaḥ iti |
metre not identified
Значит, то, что она — сама Лакшми, общеизвестно: ведь она подходит самому Бхагавану. А во Вриндаване проявления силы его природы — богини Враджа. Как в «Брахма-самхите»: Служу Говинде, изначальному Пуруше: он, душа всего, живёт на самой Голоке с этими долями, своим собственным обликом, проникнутыми расой из блаженства и сознания. «С теми» — со Шри Гопи, потому что в мантре употреблено это слово. «Проникнутыми расой из блаженства и сознания» — особой расой любви, то есть те, в ком она главное; ведь они — особое действие сути хладини. Раз то, что они — его облик, уже доказано тем, что они его доли, повторное «своим обликом» сказано, чтобы исключить мнимое «чужое замужество» в явленной игре. Ведь там же сказано: «Возлюбленные — Лакшми, возлюбленный — высший Пуруша», — и справедливо показано, что между Шри и высшим Пурушей не бывает отношений любовника. С той же мыслью и в «Сваямбхува-агаме» словами Шри, Бху, Лила названы его особые возлюбленные. Поэтому в словах «Тапани» — «побуждающий доли видьи — гопиджан» — в толковании имени из десятисложной мантры надо понимать так: гопиджаны — это «а», полностью, доли, то есть действия, той видьи, что есть высшая любовь. Ведь по «Гите» — «царственное знание, царственная тайна» — и потому что к Бхагавану неведение не пристаёт; об этом и сказано: «хладини…». «Побуждающий» — тот, кто вовлекает их в игру; а это находит завершение лишь в положении супруга, так что по смыслу это то же, что «валлабха». В той же шрути, в словах Дурвасы к ним, после «Он отличен от рождения и старости…» сказано: «Он — ваш свами». А в отношении женщины слово «свами» закреплено за мужем — по «Амара-коше». Шри Шука в стихе «Шагами…» называет их «жёнами Кришны». К словам «воспевали дела быка» толкование говорит: «быка — то есть мужа». В науке о музыке: «Даже Бесконечный, супруг гопи, покорился звуку флейты». В гимне Ямуне, сложенном Шри Шанкарачарьей: «Даруй ему любовь к стопам-лотосам супруга Радхики». И Бхагаван говорит Уддхаве: «Пастушки — сама моя душа». А его слова «Ступай во Врадж, милый Уддхава, порадуй наших родителей» открывают, что он считает себя их возлюбленным; как брахман говорит «моя брахмани», так и тут смысл: «гопи — мои, раз я в облике пастуха». Потому и они считают так же, как сказано там же: «Ах, живёт ли теперь наш супруг в Мадхупури?» Так же и обет девушек: «Богиня, сделай сына пастуха Нанды моим мужем — поклон тебе!»
bed6ac696531 · published Sep 24, 2026, 8:03:23 AM UTC
Available inRUPage between verses with
«Брахма-самхита» 5.37. Джива доказывает, что пастушки — не «чужие жёны», а вечные супруги Кришны: «чужое замужество» в земной игре — лишь видимость. Цитаты — из «Гопала-тапани», «Бхагаватам» (10.33, 10.46, 10.47, 10.22) и других писаний.