स तु सलज्जतां सज्जन् क्षणं तूष्णीकां पुष्णाति स्म । पश्चात् तु जगाद—विदर्भदेशनरेशः कुण्डिनकृतनिवेशः खलु भीष्मकनामा विस्तृतकीर्तिधामा भवता ज्ञायत एव । अमुष्य चामुष्यकुलिकाकलितस्य दनुजप्रकृतीनां रुक्मिप्रभृतीनाम् अनुजा रुक्मिणी नाम तनुजा चावगम्यते । सा च ज्ञाततत्तातहृद्भिः सुहृद्भिर् भवते दातुं विभाविता । रुक्मिणा तु तान् विप्रलब्धान् विधाय शिशुपालाय दातुम् आरब्धोऽस्ति । धन्या सा तु कन्या तव श्रुतिं श्रुतिम् इव प्रमाणीकृत्य स्वानुभववर्त्मनि त्वाम् एव वरीयस्तया वरीकृत्य च वरीतुम् इच्छति । वरीतुम् इच्छतीति किं वाच्यं ? अपि तु मनसावारीद् एव । तद् अनु चान्येन पाणिपीडनं पीडनम् अव्यवहितं पर्यालोच्य लज्जाम् अप्य् असज्जन्ती मां तव स्थानं प्रस्थापितवती । उक्तवती च—
sa tu salajjatāṁ sajjan kṣaṇaṁ tūṣṇīkāṁ puṣṇāti sma | paścāt tu jagāda—vidarbha-deśa-nareśaḥ kuṇḍina-kṛta-niveśaḥ khalu bhīṣmaka-nāmā vistṛta-kīrti-dhāmā bhavatā jñāyata eva | amuṣya cāmuṣya-kulikā-kalitasya danuja-prakṛtīnāṁ rukmi-prabhṛtīnām anujā rukmiṇī nāma tanujā cāvagamyate | sā ca jñāta-tat-tāta-hṛdbhiḥ suhṛdbhir bhavate dātuṁ vibhāvitā | rukmiṇā tu tān vipralabdhān vidhāya śiśupālāya dātum ārabdho’sti | dhanyā sā tu kanyā tava śrutiṁ śrutim iva pramāṇīkṛtya svānubhava-vartmani tvām eva varīyastayā varīkṛtya ca varītum icchati | varītum icchatīti kiṁ vācyaṁ ? api tu manasāvārīd eva | tad anu cānyena pāṇi-pīḍanaṁ pīḍanam avyavahitaṁ paryālocya lajjām apy asajjantī māṁ tava sthānaṁ prasthāpitavatī | uktavatī ca—
А тот, смутившись, на миг замолчал; а потом сказал: „Царь страны Видарбхи, живущий в Кундине, по имени Бхишмака, обитель широкой славы, Тебе, конечно, известен. У него, в том роду, есть дочь по имени Рукмини, младшая сестра Рукми и прочих, чья природа — как у данавов. Её доброжелатели, знающие сердце её отца, решили отдать её Тебе. Но Рукми, обманув их, взялся отдать её Шишупале. А эта благословенная девушка, приняв молву о Тебе за истину, как Веду, и на пути собственного опыта избрав Тебя как лучшего, желает выбрать Тебя. Да что говорить „желает выбрать“ — она уже выбрала умом. И вот, рассудив, что взятие её руки другим — прямая пытка, она, отбросив даже стыд, послала меня к Тебе. И сказала:
782c65f94e5f · опубликовано 25 сент. 2026 г., 03:40:29 UTC
Доступно наRUЛистайте стихи клавишами