तद् एवम् अत्र प्रस्तावे लब्धावस्थाने, तत्र शक्रस् तु दुष्टक्रमम् अनुष्ठितवान्—
प्रथमं तावत् प्रथमानेन वातेन वातेन ते प्रलयं गता इति सन्दिह्य, तदैव तद्दैवतशतम् एव तत्र प्रभूतदूततया प्रस्थापितवान् । तत् तु तस्माद् अतिसत्वरम् आगत्वरतया तद् अभीष्टं प्रत्याचष्ट । ततश् च बलारातिर् बलात् प्रवर्तितप्रसारेण जलासारेण तद्विलापनं प्रतीत्य च सत्यताप्रतिपत्तये जलददेवान् एव तद्वार्तायां वर्तयामास । वर्तिताश् च ते तद्वीक्षितेन पथा प्रत्यागत्य यथापूर्वं तत् प्रत्याशापदं प्रत्याख्याय स्थितवन्तः । ततश् च परमम् अपूर्वं मत्वा, मनस्य् अतीव धूर्वणं गत्वा, घनाघनबृंहणः स घनाघनः स्ववाहनं घनाघनं क्रोधाद् अङ्कुशेन मङ्क्षु जघान । हत्वा च किञ्चिद् अग्रतो गत्वा सत्वरम् ऐरावतीयवह्निम् अह्नि चापह्नुतनेत्रवीर्यं विकीर्य दूत्याय तद्देवताम् अवतारयामास । सा च ततो निवृत्य प्रवृत्त्यन्तरं निवेदयामास—देव, परमाश्चर्यचर्येयम् अवधार्यताम्, यत् खलु स एव बलिभोजनवलितबलः सन्न् अचलः सम्यग् उत्पतन्न् इवावलोक्यते ।
tad evam atra prastāve labdhāvasthāne, tatra śakras tu duṣṭa-kramam anuṣṭhitavān—
prathamaṁ tāvat prathamānena vātena vātena te pralayaṁ gatā iti sandihya, tadaiva tad-daivata-śatam eva tatra prabhūta-dūtatayā prasthāpitavān | tat tu tasmād atisatvaram āgatvaratayā tad abhīṣṭaṁ pratyācaṣṭa | tataś ca balārātir balāt pravartita-prasāreṇa jalāsāreṇa tad-vilāpanaṁ pratītya ca satyatā-pratipattaye jalada-devān eva tad-vārtāyāṁ vartayāmāsa | vartitāś ca te tad-vīkṣitena pathā pratyāgatya yathā-pūrvaṁ tat pratyāśā-padaṁ pratyākhyāya sthitavantaḥ | tataś ca paramam apūrvaṁ matvā, manasy atīva dhūrvaṇaṁ gatvā, ghanāghana-bṛṁhaṇaḥ sa ghanāghanaḥ sva-vāhanaṁ ghanāghanaṁ krodhād aṅkuśena maṅkṣu jaghāna | hatvā ca kiñcid agrato gatvā satvaram airāvatīya-vahnim ahni cāpahnuta-netra-vīryaṁ vikīrya dūtyāya tad-devatām avatārayāmāsa | sā ca tato nivṛtya pravṛtty-antaraṁ nivedayāmāsa—deva, paramāścarya-caryeyam avadhāryatām, yat khalu sa eva bali-bhojana-valita-balaḥ sann acalaḥ samyag utpatann ivāvalokyate |
未能识别诗律
Пока здесь всё было так, Шакра там творил дурное. Сначала, подозревая, что они погибли от разгулявшегося ветра, он послал туда сотню божеств ветра гонцами. Но те очень скоро вернулись и сообщили обратное его желанию. Тогда Враг Балы, решив, что их погубил ливень, который он силой разлил, и желая удостовериться, отправил за вестью самих божеств туч. Те вернулись тем же путём и, как и прежде, сказали, что надежда его не сбылась. Тогда, сочтя это небывалым и в сердце сильно помрачившись, гремящий тучами владыка в гневе стукнул анкусом своего слона-тучу. Ударив и двинувшись чуть вперёд, он быстро рассыпал огонь Айраваты — молнию, что и днём ослепляет глаза, — и послал её божество гонцом. Та вернулась и сообщила иную новость: «Государь, вот диво: та самая гора, окрепнув от съеденной жертвы, будто взлетела ввысь».
6c7f9f0aeca3 · 发布于 2026年9月24日 21:20:01 UTC
可用语言RU用方向键翻颂
Враг Балы (асуры) — Индра; Айравата — его слон. Перевод приблизителен.