इन्द्र उवाच—लक्षयामि । मया पूर्वं छिन्नपक्षतिर् अप्य् असौ पुनः किं सपक्षः सम्पन्नः, यत एव गर्ववान् स पर्वतः सर्वतस् तेषाम् अक्षयाय पक्षपातम् आचचार? भवतु नाम, तम् एनं पुनर् निह्रादिह्रादिनीवह्निप्रहारेण संहारे योजयामि, येन तदीयतले वलमानतया लब्धावलेपास् तेऽपि तूर्णम् एव चूर्णताम् आसादयन्ति इति ।
तथा च, तद्वज्रेण बिद्धं विधाय प्रणिधानद्वारा तद् अन्यथा प्रणिधाय, मनसि कोपप्रकोपम् आधाय, मुहुर् अपि तद् एव सन्धाय, व्यर्थताकदर्थितपुरुषार्थः पुनर् नूतनदूतगणं प्रहापयन्न् आह स्म—अरे, निरूप्यतां तिरोभूय, भूयः किं तत्र चित्रम् इव वर्तते, येनाशनेर् अपि प्रचारः स्वव्यवहाराद् व्यभिचारं सञ्चचार ।
indra uvāca—lakṣayāmi | mayā pūrvaṁ chinna-pakṣatir apy asau punaḥ kiṁ sa-pakṣaḥ sampannaḥ, yata eva garvavān sa parvataḥ sarvatas teṣām akṣayāya pakṣapātam ācacāra? bhavatu nāma, tam enaṁ punar nihrādi-hrādinī-vahni-prahāreṇa saṁhāre yojayāmi, yena tadīya-tale valamānatayā labdhāvalepās te’pi tūrṇam eva cūrṇatām āsādayanti iti |
tathā ca, tad-vajreṇa biddhaṁ vidhāya praṇidhāna-dvārā tad anyathā praṇidhāya, manasi kopa-prakopam ādhāya, muhur api tad eva sandhāya, vyarthatā-kadarthita-puruṣārthaḥ punar nūtana-dūta-gaṇaṁ prahāpayann āha sma—are, nirūpyatāṁ tirobhūya, bhūyaḥ kiṁ tatra citram iva vartate, yenāśaner api pracāraḥ sva-vyavahārād vyabhicāraṁ sañcacāra |
未能识别诗律
Индра сказал: «Понимаю. Я когда-то обрубил ей крылья — неужели она снова окрылилась, раз эта надменная гора держит их сторону, чтобы они не погибли? Ну что ж, снова предам её гибели ударом огня громовой молнии — и те, кто возгордился, укрывшись под ней, тотчас обратятся в прах». И вот, пронзив её своей ваджрой, прицелившись, но промахнувшись, в сердце распаляясь гневом, снова и снова целясь и видя, что все старания напрасны, он послал новый отряд гонцов и сказал: «Эй, пойдите невидимо и посмотрите, что там за диво, раз даже удар молнии сбился со своего дела?»
33e048482193 · 发布于 2026年9月24日 21:20:01 UTC
可用语言RU用方向键翻颂
Игра слов: пакша — «крыло» и «сторона». По преданию, Индра отрубил горам крылья.