कृष्ण उवाच—उद्धवस् तु किं मां वक्ष्यते ?
ऋषिर् उवाच—
विना चन्द्रं शरल्लक्ष्मीर् विना पुष्पं मधून्नतिः ।
विना पयोदं वर्षाश्रीर् विना त्वां का व्रजस्थितिः ॥ इति ।
कृष्णः सास्रम् उवाच—यद् व्रजे मम विलम्बसंवलनकारणं विशेषेण च वर्णय ।
ऋषिर् उवाच—तत्र भक्तं भजमानस्य कवचं बिभ्राणस्य शत्रून् निघ्नानस्य तव व्यासङ्गान्तरम् अपि लब्धान्तरताम् आप्स्यति ।
कृष्णः सोद्वेगम् उवाच—हन्त किं तत् ?
ऋषिर् उवाच—यत् खलु वसुदेवस्वस्रीयाणां युधिष्ठिरादीनां धृतराष्ट्रेण दुष्टभ्रष्टराष्ट्रीकृतानां पक्षस्य पुष्टीकरणाय भविता । ते च त्वाम् एव परमातिष्ठमाना भक्तवश्यतां वावश्यमानस्य तव कैतवरहितभक्तिभाज इति । यदर्थं प्रथमतस् तावद् अभिजातम् अभिजातं चाक्रूरं दूततया दूरम् आपयिष्यसि ।
kṛṣṇa uvāca—uddhavas tu kiṁ māṁ vakṣyate ?
ṛṣir uvāca—
vinā candraṁ śaral-lakṣmīr vinā puṣpaṁ madhūnnatiḥ |
vinā payodaṁ varṣā-śrīr vinā tvāṁ kā vraja-sthitiḥ || iti |
kṛṣṇaḥ sāsram uvāca—yad vraje mama vilamba-saṁvalana-kāraṇaṁ viśeṣeṇa ca varṇaya |
ṛṣir uvāca—tatra bhaktaṁ bhajamānasya kavacaṁ bibhrāṇasya śatrūn nighnānasya tava vyāsaṅgāntaram api labdhāntaratām āpsyati |
kṛṣṇaḥ sodvegam uvāca—hanta kiṁ tat ?
ṛṣir uvāca—yat khalu vasudeva-svasrīyāṇāṁ yudhiṣṭhirādīnāṁ dhṛtarāṣṭreṇa duṣṭa-bhraṣṭa-rāṣṭrī-kṛtānāṁ pakṣasya puṣṭīkaraṇāya bhavitā | te ca tvām eva paramātiṣṭhamānā bhakta-vaśyatāṁ vāvaśyamānasya tava kaitava-rahita-bhakti-bhāja iti | yad-arthaṁ prathamatas tāvad abhijātam abhijātaṁ cākrūraṁ dūtatayā dūram āpayiṣyasi |
metre not identified
Кришна сказал: «А что скажет Мне Уддхава?» Мудрец сказал: «„Что осенняя краса без луны, что весна без цветов, что пора дождей без тучи — то и Враджа без Тебя“». Кришна со слезами сказал: «Расскажи подробнее, что задержит Меня вдали от Враджи». Мудрец сказал: «Там, пока Ты будешь служить преданным, носить доспехи и убивать врагов, придёт ещё одна забота». Кришна тревожно сказал: «Ах, какая?» Мудрец сказал: «Надо будет укрепить сторону Юдхиштхиры и прочих, сыновей сестры Васудевы, которых злой Дхритараштра лишил царства. Они держатся одного Тебя, а Ты подвластен преданным и любишь их бесхитростную преданность. Ради этого Ты прежде всего пошлёшь вестником вдаль благородного Акруру.
be3e3d6117d2 · published Sep 25, 2026, 1:47:18 AM UTC
Available inRUPage between verses with
Ср. там же, гл. 48–49: Кришна посылает Акруру в Хастинапуру.