अथ मधुकण्ठस्य स्पष्टकथा—अथ कृष्णस् तेषां तदिष्टं सुश्लिष्टं वेदयन् निवेदयामास—
तात ! तत्र वृन्दावन एव तादृग् अवकाशतां ब्रह्मह्रदमज्जनाद् उन्मज्जन्तः स्वस्थानं सज्जन्तश् च भवन्तः सर्व एवानुभवन्तः सन्ति स्म । तादृशदुर्निर्देशदेशप्रवेशनादिविद्या च मया विद्यातीर्थादाव् अन्त्याद् अधीतास्ति । तस्मान् न पूर्ववत् तीर्थान्तरावगाहनाद्यपेक्षा वीक्ष्यते, किं तु सोऽयं मम रथ एव सर्वम् एव मनोरथं प्रथयिष्यति ।
अथ सर्वेऽपि प्रोचुः—यद्य् एवं सर्वे जानीयुर् अत्रैव वृन्दावने निजजनवृन्दानुगततया गुप्तः स वृन्दावनपुरन्दरः सर्वदा वर्वर्तीति, तदा कश्चित् कश्चित् त्वं दीनदयाधीन इति विपश्चिद् अत्रागत्य त्वाम् उद्दिश्य विक्रुश्य स्वार्थसाधनाय यत्र कुत्रापि नेष्यति । ततश् च पूर्ववद् अस्माकं कदर्थना स्यात् ।
atha madhukaṇṭhasya spaṣṭa-kathā—atha kṛṣṇas teṣāṁ tad-iṣṭaṁ suśliṣṭaṁ vedayan nivedayāmāsa—
tāta ! tatra vṛndāvana eva tādṛg avakāśatāṁ brahma-hrada-majjanād unmajjantaḥ sva-sthānaṁ sajjantaś ca bhavantaḥ sarva evānubhavantaḥ santi sma | tādṛśa-durnirdeśa-deśa-praveśanādi-vidyā ca mayā vidyā-tīrthādāv antyād adhītāsti | tasmān na pūrvavat tīrthāntarāvagāhanādy-apekṣā vīkṣyate, kiṁ tu so’yaṁ mama ratha eva sarvam eva manorathaṁ prathayiṣyati |
atha sarve’pi procuḥ—yady evaṁ sarve jānīyur atraiva vṛndāvane nija-jana-vṛndānugatatayā guptaḥ sa vṛndāvana-purandaraḥ sarvadā varvartīti, tadā kaścit kaścit tvaṁ dīna-dayādhīna iti vipaścid atrāgatya tvām uddiśya vikruśya svārtha-sādhanāya yatra kutrāpi neṣyati | tataś ca pūrvavad asmākaṁ kadarthanā syāt |
metre not identified
„А вот что Мадхукантха сказал вслух. Кришна, давая понять, что Его замысел отвечает их желанию, сказал: «Отец! Там, во Вриндаване, вы все, окунувшись в Брахма-храду и вынырнув, уже видели такую обитель и потом были возвращены на своё место. А искусству входить в такие неописуемые края Я выучился последним в обители знания. Потому теперь не нужно, как прежде, окунаться в иные святые воды: эта Моя колесница сама исполнит всякое желание». Тогда все сказали: «Но если все узнают, что Владыка Вриндаваны всегда тайно живёт здесь, во Вриндаване, среди своих, — какой-нибудь мудрец, зная, что Ты покорен состраданию к несчастным, придёт сюда, взмолится к Тебе ради своей цели и уведёт Тебя куда-нибудь. И снова будет нам, как прежде, мука»“.
f7789ae3583e · published Sep 25, 2026, 6:52:06 AM UTC
Available inRUPage between verses with
Ср. «Бхагаватам», песнь 10, гл. 28: Кришна показал пастухам Свою обитель, погрузив их в озеро Брахма-храда.