तद् एवं सच्चिदानन्दैकरूपः स्वरूपभूताचिन्त्यविचित्रानन्तशक्तियुक्तो धर्मत्व एव धर्मित्वं, निर्भेदत्व एव नानाभेदवत्त्वम्, अपरूपित्व एव रूपित्वं, व्यापकत्व एव मध्यमत्वं, सत्यम् एवेत्यादिपरस्परविरुद्धानन्तगुणनिधिः । स्थूलसूक्ष्मविलक्षणस्वप्रकाशाखण्डस्वस्वरूपभूतश्रीविग्रहस् तथाभूतभगवदाख्यामुख्यैकविग्रहव्यञ्जिततादृशानन्तविग्रहस् तादृशस्वानुरूपस्वरूपशक्त्याविर्भावलक्षणलक्ष्मीरञ्जितवामांशः स्वप्रभाविशेषाकारपरिच्छदपरिकरनिजधामसु विराजमानाकारः स्वरूपशक्तिविलासलक्षणाद्भुतगुणलीलादिचमत्कारितात्मारामादिगणो निजसामान्यप्रकाशाकारब्रह्मतत्त्वो निजाश्रयैकजीवनजीवाख्यतटस्थशक्तिर् अनन्तप्रपञ्चव्यञ्जितस्वाभासशक्तिगुणो भगवान् इति विद्वदुपलब्धार्थशब्दैर् व्यञ्जितम् । तत्र तत्स्वभावं वस्त्वन्तरम् अपश्यताम् अविदुषाम् असम्भावना न युक्तेति विविदिषून् श्रद्धापयितुं प्रक्रियते । तत्रैकेन श्लोकेन तस्याविदुषां ज्ञानागोचरत्वं, किन्तु वेदैकवेद्यत्वम् एवेत्य् आहुः— क इह नु वेद बतावरजन्मलयोऽग्रसरं यत उदगाद् ऋषिर् यम् अनु देवगणा उभये । तर्हि न सन् न चासद् उभयं न च कालजवः किम् अपि न तत्र शास्त्रम् अवकृष्य शयीत यदा ॥ बत अहो हे भगवन् इह जगति अग्रसरं पूर्वसिद्धं त्वां अवरजन्मलयः अर्वाचीनोत्पत्तिनाशवान् को नु पुमान् वेद जानाति । ईश्वरस्य पूर्वसिद्धाव् अन्यस्य चार्वाचीनत्वे कारणं वदन्त्यो ज्ञानकारणाभावम् आहुः—यत उदगाद् इति । यतस् त्वत्त एव ऋषिर् ब्रह्मा उत्पन्नः । अतोऽर्वाचीनाः सर्वे । यदा तु भवान् शास्त्रं स्वविज्ञापकं वेदम् अवकृष्य वैकुण्ठ एवाकृष्य शयीत जगत्कार्यं प्रति दृष्टिं निमीलयति, तर्हि तदा अनुशायिनां जीवानां ज्ञानसाधनं नास्ति । यतस् तदा न सत् स्थूलम् आकाशादि, न चासत् सूक्ष्मं महदादि, न चोभयं सदसद्भ्याम् आरब्धं शरीरम् । न च कालजवः तन्निमित्तीभूतं कालवैषम्यम् । एवं सति तत्र तदा किम् अपि इन्द्रियप्राणाद्य् अपि न । अयम् अर्थः—यदा सृष्टिसमये वेदप्रचारितं तादृशभगवज्ज्ञानं तदार्वाक्सृष्टिगतत्वात् देहाद्युपाधिकृतान्तरत्वात् कालकर्मवशेन मलिनसत्त्वात् तेषाम् तदवधारणे सामर्थ्यं नास्ति । यदा तु प्रलये समये न बह्वन्तरम् अपि, तदापि तेषां वेदान्तर्धानमहातमोमयसुषुप्तिभ्यां साधनाभावान् न तवानुभवसामर्थ्यम् इति । तथा श्रुतयः— न तं विदाथ य इमा जजानान्यद् युष्माकम् अन्तरं बभूव यतो वाचो निवर्तन्ते अप्राप्य मनसा सह । को अद्धा वेद क इह प्रवोचत् कुत आजाता कुत इयं विसृष्टिः । अर्वाग् देवा अस्य विसर्जनेनाथा को वेद यत आबभूव ॥ अनेजद् एकं मनसो जवीयो नैनं देवा आप्नुवन् पूर्वम् अर्षत् । तद्धावतोऽन्यान् अत्येति तिष्ठत् तस्मिन्न् अपो मातरिश्वा दधाति ॥ न चक्षुर् न श्रोत्रं न तर्को न स्मृतिर् वेदो ह्य् एवैनं वेदयति इत्य् आद्याः । ॥
tad evaṁ saccidānandaika-rūpaḥ svarūpa-bhūtācintya-vicitrānanta-śakti-yukto dharmatva eva dharmitvaṁ, nirbhedatva eva nānā-bhedavattvam, aparūpitva eva rūpitvaṁ, vyāpakatva eva madhyamatvaṁ, satyam evety-ādi-paraspara-viruddhānanta-guṇa-nidhiḥ | sthūla-sūkṣma-vilakṣaṇa-sva-prakāśākhaṇḍa-sva-svarūpa-bhūta-śrī-vigrahas tathābhūta-bhagavad-ākhyā-mukhyaika-vigraha-vyañjita-tādṛśānanta-vigrahas tādṛśa-svānurūpa-svarūpa-śaktyāvirbhāva-lakṣaṇa-lakṣmī-rañjita-vāmāṁśaḥ sva-prabhā-viśeṣākāra-paricchada-parikara-nija-dhāmasu virājamānākāraḥ svarūpa-śakti-vilāsa-lakṣaṇādbhuta-guṇa-līlādi-camatkāritātmārāmādi-gaṇo nija-sāmānya-prakāśākāra-brahma-tattvo nijāśrayaika-jīvana-jīvākhya-taṭastha-śaktir ananta-prapañca-vyañjita-svābhāsa-śakti-guṇo bhagavān iti vidvad-upalabdhārtha-śabdair vyañjitam | tatra tat-svabhāvaṁ vastv-antaram apaśyatām aviduṣām asambhāvanā na yukteti vividiṣūn śraddhāpayituṁ prakriyate | tatraikena ślokena tasyāviduṣāṁ jñānāgocaratvaṁ, kintu vedaika-vedyatvam evety āhuḥ— ka iha nu veda batāvara-janma-layo'gra-saraṁ yata udagād ṛṣir yam anu deva-gaṇā ubhaye | tarhi na san na cāsad ubhayaṁ na ca kāla-javaḥ kim api na tatra śāstram avakṛṣya śayīta yadā || bata aho he bhagavan iha jagati agra-saraṁ pūrva-siddhaṁ tvāṁ avara-janma-layaḥ arvācīnotpatti-nāśavān ko nu pumān veda jānāti | īśvarasya pūrva-siddhāv anyasya cārvācīnatve kāraṇaṁ vadantyo jñāna-kāraṇābhāvam āhuḥ—yata udagād iti | yatas tvatta eva ṛṣir brahmā utpannaḥ | ato'rvācīnāḥ sarve | yadā tu bhavān śāstraṁ sva-vijñāpakaṁ vedam avakṛṣya vaikuṇṭha evākṛṣya śayīta jagat-kāryaṁ prati dṛṣṭiṁ nimīlayati, tarhi tadā anuśāyināṁ jīvānāṁ jñāna-sādhanaṁ nāsti | yatas tadā na sat sthūlam ākāśādi, na cāsat sūkṣmaṁ mahad-ādi, na cobhayaṁ sad-asadbhyām ārabdhaṁ śarīram | na ca kāla-javaḥ tan-nimittī-bhūtaṁ kāla-vaiṣamyam | evaṁ sati tatra tadā kim api indriya-prāṇādy api na | ayam arthaḥ—yadā sṛṣṭi-samaye veda-pracāritaṁ tādṛśa-bhagavaj-jñānaṁ tadārvāk-sṛṣṭi-gatatvāt dehādy-upādhi-kṛtāntaratvāt kāla-karma-vaśena malina-sattvāt teṣām tad-avadhāraṇe sāmarthyaṁ nāsti | yadā tu pralaye samaye na bahv-antaram api, tadāpi teṣāṁ vedāntardhāna-mahā-tamo-maya-suṣuptibhyāṁ sādhanābhāvān na tavānubhava-sāmarthyam iti | tathā śrutayaḥ— na taṁ vidātha ya imā jajānānyad yuṣmākam antaraṁ babhūva yato vāco nivartante aprāpya manasā saha | ko addhā veda ka iha pravocat kuta ājātā kuta iyaṁ visṛṣṭiḥ | arvāg devā asya visarjanenāthā ko veda yata ābabhūva || anejad ekaṁ manaso javīyo nainaṁ devā āpnuvan pūrvam arṣat | tad-dhāvato'nyān atyeti tiṣṭhat tasminn apo mātariśvā dadhāti || na cakṣur na śrotraṁ na tarko na smṛtir vedo hy evainaṁ vedayati ity ādyāḥ | ||
Итак, Бхагаван — тот, чей единый облик есть сущее, сознание и блаженство; соединённый с непостижимыми, пёстрыми, бесконечными силами, присущими собственному облику; сокровищница бесконечных, взаимно противоречивых свойств: Он свойством обладает именно тем, что Сам есть свойство; множеством различий обладает именно тем, что неразличен; обликом обладает именно тем, что бесформен; срединен именно тем, что всепроникающ; истинен — и так далее.
У Него прекрасный облик, отличный от грубого и тонкого, самосветящийся, нераздельный, присущий Его собственному облику; таким главным единым обликом, именуемым «Бхагаван», явлены бесконечные такие же облики; левая сторона Его украшена Лакшми, чей признак — явление силы собственного облика, Ему соответственной; Он сияет образом в особых образах Своего сияния, в убранстве, в свите, в Своих обителях; Его дивные свойства, игры и прочее, чей признак — игра силы собственного облика, изумляют сонм тех, кто радуется в себе, и прочих; сущность Его — Брахман, что есть образ Его общего проявления; сила Его пограничная — та, что именуется «дживой» и у которой жизнь одна: Он сам ей прибежище; и свойство Его — сила своего отблеска, явленная бесконечным проявленным миром. Так явлено словами, чей смысл постигнут знатоками.
И там, поскольку незнающим, не видевшим иной вещи такой природы, немыслимость эта неуместна, — начинается речь, чтобы укрепить в вере желающих узнать. И там одним стихом они говорят, что Он недоступен знанию незнающих, но познаваем одною лишь Ведой:
«Кто здесь знает Тебя, идущего прежде, — он, у кого рождение и гибель позднейшие? О! От Тебя возник риши, а за ним — оба сонма богов. Когда же Ты возлежишь, втянув писание, тогда нет ни сущего, ни не-сущего, ни обоих, ни бега времени, — там нет ничего».
«О!» — о Бхагаван! «Здесь», то есть в мире, Тебя, «идущего прежде», то есть достигнутого прежде, — «кто же» человек, «у кого рождение и гибель позднейшие», «знает», то есть ведает?
Называя причину того, что Владыка достигнут прежде, а иное позднейшее, они говорят и об отсутствии средства знания: «от которого возник» и далее. Ибо именно от Тебя возник «риши», то есть Брахма; потому все позднейшие.
«Когда» же Ты, «втянув» «писание», то есть Веду, извещающую о Тебе, — притянув её именно на Вайкунтху, — «возлежишь», то есть смыкаешь взгляд к делу мира, — «тогда» у джив, возлежащих в Тебе, нет средства знания. Ибо тогда «не сущее», то есть грубое — пространство и прочее; «и не не-сущее», то есть тонкое — махат и прочее; «и не оба», то есть тело, составленное из сущего и не-сущего; «и не бег времени», то есть неравномерность времени, что им причина. А раз так, «там» тогда нет «ничего» — ни чувств, ни жизненных сил, ни прочего.
Смысл такой: когда во время творения Ведою распространено такое знание о Бхагаване, у них нет способности его удержать — ибо они охвачены позднейшим творением, отделены облачением тела и прочего, и сущность их замутнена властью времени и дела. А когда во время разрушения нет и многого иного, — и тогда, за отсутствием средства, у них нет способности пережить Тебя: ведь Веда сокрыта, а сон их глубок и состоит из великой тьмы.
Так и шрути: «Не знаете вы Того, кто породил это; иное стало у вас внутри»; «от которого речи отступают, не достигнув, вместе с умом»; «кто воистину знает, кто здесь возвестил, откуда родилось, откуда это творение? Боги позднее творения его; так кто же знает, откуда оно возникло?»; «недвижимое, одно, быстрее ума; не достигли Его боги, ибо ушло оно прежде; стоя, оно превосходит иных, бегущих; в Нём Матаришван полагает воды»; «ни глаз, ни ухо, ни рассуждение, ни память — Веда ведь именно Его даёт познать» и прочие.
197158e50e7e · published Sep 20, 2026, 11:13:10 AM UTC
Available inRUPage between verses with
Свод здесь стоит на парах, которые звучат как противоречия: обликом обладает тем, что бесформен, срединен тем, что всепроникающ, — и это не оговорка, а способ сказать о непостижимой силе.
Возражение незнающего снято по-честному: у него и правда нет средства — ни во время творения, ни во время разрушения.
И ответ не «постарайся лучше», а «есть одно средство»: Веда, которую Он же и выдыхает.