यत्र च कुत्रापि यदा सदा परमानन्दस्यन्दसन्दोहदोहनकान्तिकन्दलीलम्भितसुखतन्द्रः श्रीमन्नन्दकुलचन्द्रः स्वयम् आलोकसुधया लोकचक्षुश्चकोरवारपाराणाम् आपूरयति, तदा तूत्सवानाम् अपि महान् उत्सवः स्फुरति ।
अथ सभावलयम् अन्तरा च कक्ष्यापञ्चकतया लब्धबोधः सर्वचित्तावरोधः स तु व्रजनृपावरोधः समुद्भ्राजते । तत्र तम् एव हि सहमातरपितरादिवृन्दः श्रीगोविन्दः स्वयम् आवसति । यत्र सभावलयान्तरन्तः परितः परीतश् चतस्रोऽप्य् अन्तः पृथगवरोधलक्षाः कक्ष्या लक्ष्यन्ते । अन्या च पञ्चमी धन्या सर्वमध्यलब्धन्यासतया यत्र चित्रीयते, यस्यां तु महाप्राङ्गणसङ्गिन्यां प्रतीचीम् अनु स्वान्तरअङ्गम् अङ्गणम् अङ्गणं परितो निकायानां निकायः सर्वतोऽपि श्रेयस्या श्रीमद्व्रजनरदेवप्रेयस्या समाश्रियते । उदीचीम् अनु सुखमयूखरोहिण्या रोहिण्या । प्राचीम् अनु समस्तकृतसेवेन श्रीमद्व्रजनरदेवेन । अवाचीम् अनु स्वजनसभाजनभोजनापवर्जनप्रयोजनसामग्र्या ।
yatra ca kutrāpi yadā sadā paramānanda-syanda-sandoha-dohana-kānti-kandalī-lambhita-sukha-tandraḥ śrīman-nanda-kula-candraḥ svayam āloka-sudhayā loka-cakṣuś-cakora-vārapārāṇām āpūrayati, tadā tūtsavānām api mahān utsavaḥ sphurati |
atha sabhā-valayam antarā ca kakṣyā-pañcakatayā labdha-bodhaḥ sarva-cittāvarodhaḥ sa tu vraja-nṛpāvarodhaḥ samudbhrājate | tatra tam eva hi saha-mātara-pitarādi-vṛndaḥ śrī-govindaḥ svayam āvasati | yatra sabhā-valayāntar-antaḥ paritaḥ parītaś catasro’py antaḥ pṛthag-avarodha-lakṣāḥ kakṣyā lakṣyante | anyā ca pañcamī dhanyā sarva-madhya-labdha-nyāsatayā yatra citrīyate, yasyāṁ tu mahā-prāṅgaṇa-saṅginyāṁ pratīcīm anu svāntara-aṅgam aṅgaṇam aṅgaṇaṁ parito nikāyānāṁ nikāyaḥ sarvato’pi śreyasyā śrīmad-vraja-nara-deva-preyasyā samāśriyate | udīcīm anu sukha-mayūkha-rohiṇyā rohiṇyā | prācīm anu samasta-kṛta-sevena śrīmad-vraja-naradevena | avācīm anu svajana-sabhājana-bhojanāpavarjana-prayojana-sāmagryā |
размер не определён
и там, где бы ни было, когда Сам Шри Луна рода Нанды, в сладкой истоме от ростков сияния, льющегося потоками высшего блаженства, наполняет нектаром Своего вида стаи чакор — глаза людей, тогда вспыхивает великий праздник даже для праздников. А внутри круга собраний сияют покои царя Враджа, известные как пять оград, которые держат в себе все сердца. Там живёт Сам Шри Говинда вместе с матерью, отцом и всеми. Внутри круга собраний видны четыре ограды, каждая — с сотнями тысяч покоев. А пятая, счастливая, стоит в самой середине и дивно украшена: в ней, при большом дворе, с запада, вокруг внутреннего двора живёт лучшая из всех Шри — любимая супруга царя Враджа со своим многолюдным домом; с севера — Рохини, в лучах счастья; с востока — Шри царь Враджа, которому служат все; с юга — всё, что нужно для приёма и угощения родни.
9625b1118ae8 · опубликовано 24 сент. 2026 г., 18:27:42 UTC
Доступно наRUЛистайте стихи клавишами