अथ चतुरस्रम् अनु कमलात् पतयालुतया परितः स्रवन्तीर् मधुधाराः पिबन्त इव पुनर् उपरततत्पानाय वमन्त इव च दक्षिणपश्चिमयोः सर्वतः पर्वतः पर्वतषट्पदा दृश्यन्ते । यत्र च तत्रापि महामणिमयकूटघनः श्रीगोवर्धनः कुटीभूतमहानिधिवद् अखर्वम् आनन्दगर्वं सर्वाधिपतेर् अप्य् आविर्भावयति ।
श्रीगोवर्धननामा चायं रमणीयमणिशिलाभिः समासनम् आसनम्,
खगावलिकलितकाकलीभिः स्वागतं स्वागतम्,
श्यामाकदूर्वाब्जविष्णुक्रान्तापर्यगाक्रान्ततिर्यग्निर्झरिभिर् निष्पाद्यं पाद्यम्,
चञ्चन्मृगचरणन्यञ्चदक्षतदर्भानन्ताङ्कुरैः समर्घ्यम् अर्घ्यम्,
तीरसनीडजातीलवङ्गकक्कोलसङ्गतपल्ललैर् अलम् आचमनीयम् आचमनीयम्,
नवनवनवप्रसूतगवीनवीनस्नुतक्षीरपरिणतदधितत्प्रसृतघृतशबलनैस् तरूपहृतमधुपर्कं मधुपर्कम्,
शिखरशेखरशिलासरप्रखरधारापातैर् अनुकृतस्नपनपरिचर्याप्रीतिमज्जनं मज्जनम्,
दुकूलवदनुकूलसंश्लेषस्वर्णवर्णवृक्षविशेषवल्कलैः कलितसुखवसनं वसनम्,
स्वभावानुबन्धगन्धसुगन्धशिलाशतपरिणतहरिचन्दनगौरगैरिकैश् चर्चातिशयं चर्चातिशयम्,
प्रफुल्लमालमालतीलतादिभिर् नन्दितसुमनसः सुमनसः,
गव्याखुरव्याहतिजातागुरुदारुधूमैर् व्याहतसर्वधूपं धूपम्,
दिवापि विद्योतिमणिनिकरज्योतिभिः सर्वसम्पदुद्दीपं दीपम्,
मञ्जुलगुञ्जापिञ्छादिवि न्छोलीवाञ्छितनिर्माणैः कृतसुषमाभरणम् आभरणम्,
अभिलाषानुकूलफलमूलवलयैः सर्वसुखसमाहारं समाहारम्,
पुष्पवासितशीतलजलवलयितपुनराचमनम् अनु विमलपरिमलातुलतुलसिकापल्लवादिभिर् मुखवासनं मुखवासनम्,
मरुदुच्चलस्फुटपुष्पसम्पच्चम्पकदीपावल्या स्फुटम् आरात्रिकम् आरात्रिकम्,
घनकिसलयवलयसङ्कुलबकुलमुखशाखानिकरैः शोभान्तरतमातपत्रम् आतपत्रम्,
मलयमरुल्लवचलत्पल्लवविशालशालैर् नन्दितभव्यजनं व्याजनम्,
निजस्वरविवेकिनां केकिनाम् अनेकाङ्गकेकाभिः कलिलास्यं लास्यम्,
हरिवेणुध्वनिभ्रम्कीचककलक्रमक्ताकर्सवनितान्वितशय्यायमानपुस्पपातपर्यायैः क्तसर्वातिशयनं शयनम्,
काकलीकलिलकलकोकिलकुलैर् लब्धसङ्गानं सङ्गानम् अपि हरिं परिकलयन् पूर्वपूर्वसिद्धनिजहरिदासवर्यतां पर्यापयन्न् आस्ते ।
atha caturasram anu kamalāt patayālutayā paritaḥ sravantīr madhu-dhārāḥ pibanta iva punar uparata-tat-pānāya vamanta iva ca dakṣiṇa-paścimayoḥ sarvataḥ parvataḥ parvata-ṣaṭ-padā dṛśyante | yatra ca tatrāpi mahā-maṇi-maya-kūṭa-ghanaḥ śrī-govardhanaḥ kuṭī-bhūta-mahā-nidhivad akharvam ānanda-garvaṁ sarvādhipater apy āvirbhāvayati |
śrī-govardhana-nāmā cāyaṁ ramaṇīya-maṇi-śilābhiḥ samāsanam āsanam,
khagāvali-kalita-kākalībhiḥ svāgataṁ svāgatam,
śyāmāka-dūrvābja-viṣṇukrāntāparyag-ākrānta-tiryag-nirjharibhir niṣpādyaṁ pādyam,
cañcan-mṛga-caraṇa-nyañcad-akṣata-darbhānantāṅkuraiḥ samarghyam arghyam,
tīra-sanīḍa-jātī-lavaṅga-kakkola-saṅgata-pallalair alam ācamanīyam ācamanīyam,
nava-nava-nava-prasūta-gavī-navīna-snuta-kṣīra-pariṇata-dadhi-tat-prasṛta-ghṛta-śabalanais tarūpahṛta-madhuparkaṁ madhuparkam,
śikhara-śekhara-śilāsara-prakhara-dhārā-pātair anukṛta-snapana-paricaryā-prīti-majjanaṁ majjanam,
dukūlavad-anukūla-saṁśleṣa-svarṇa-varṇa-vṛkṣa-viśeṣa-valkalaiḥ kalita-sukha-vasanaṁ vasanam,
svabhāvānubandha-gandha-sugandha-śilā-śata-pariṇata-hari-candana-gaura-gairikaiś carcātiśayaṁ carcātiśayam,
praphulla-māla-mālatī-latādibhir nandita-sumanasaḥ sumanasaḥ,
gavyākhuravyāhati-jātāguru-dāru-dhūmair vyāhata-sarva-dhūpaṁ dhūpam,
divāpi vidyoti-maṇi-nikara-jyotibhiḥ sarva-sampad-uddīpaṁ dīpam,
mañjula-guñjāpiñchā-divi ncholīvāñchita-nirmāṇaiḥ kṛta-suṣamā-bharaṇam ābharaṇam,
abhilāṣānukūla-phala-mūla-valayaiḥ sarva-sukha-samāhāraṁ samāhāram,
puṣpa-vāsita-śītala-jala-valayita-punar-ācamanam anu vimala-parimalātula-tulasikā-pallavādibhir mukha-vāsanaṁ mukha-vāsanam,
marud-uccala-sphuṭa-puṣpa-sampac-campaka-dīpāvalyā sphuṭam ārātrikam ārātrikam,
ghana-kisalaya-valaya-saṅkula-bakula-mukha-śākhā-nikaraiḥ śobhāntaratamātapatram ātapatram,
malaya-marul-lava-calat-pallava-viśāla-śālair nandita-bhavya-janaṁ vyājanam,
nija-svara-vivekināṁ kekinām anekāṅga-kekābhiḥ kalilāsyaṁ lāsyam,
hari-veṇu-dhvani-bhram-kīcaka-kala-krama-ktākarsa-vanitānvita-śayyāyamāna-puspa-pāta-paryāyaiḥ kta-sarvātiśayanaṁ śayanam,
kākalī-kalila-kala-kokila-kulair labdha-saṅgānaṁ saṅgānam api hariṁ parikalayan pūrva-pūrva-siddha-nija-hari-dāsa-varyatāṁ paryāpayann āste |
размер не определён
Далее, вдоль четырёхугольника, с юга и запада, со всех сторон видны горы, словно пчёлы, что пьют потоки мёда, стекающие с лотоса, и, напившись, будто изливают их обратно. И среди них Шри Говардхана, густой пиками из великих самоцветов, словно сокровищница, ставшая хижиной, являет безмерную гордость блаженства даже перед Владыкой всего. Этот Шри Говардхана непрестанно служит Хари, утверждая своё давнее первенство среди Его слуг: сиденье — прекрасные самоцветные плиты; привет — щебет стай птиц; вода для стоп — потоки, бегущие наискось по зарослям проса, травы дурва, лотосов и вишнукранты; подношение — бесчисленные целые ростки травы, склонённые под ногами резвых оленей; вода для рта — пруды у берегов, где растут жасмин, гвоздика и каккола; медовое питьё — смесь простокваши и масла из только что надоенного молока новотёльных коров, с мёдом, принесённым деревьями; омовение — струи, бьющие со скал на вершинах, словно в подражание обряду; одежда — мягкая, как шёлк, золотая кора особых деревьев; умащение — жёлтый сандал и охра из сотен благоуханных камней; цветы — гирлянды распустившейся малати и других лиан; благовоние — дым алоэ, вспыхнувшего от ударов копыт коров; светильник — самоцветы, сияющие и днём; украшения — гирлянды из прекрасных ягод гунджи и павлиньих перьев; угощение — плоды и коренья по желанию; после нового омовения рта прохладной, надушенной цветами водой — освежение для рта листьями несравненно душистой туласи; арати — вереница светильников-чампак, раскрытых ветром; зонт — ветви бакулы в гуще листвы; опахало — шала с листьями, колеблемыми ветерком с Малайи; танец — павлины, знающие свой голос; ложе — дождь цветов, осыпающихся, когда женщины, влекомые звуком бамбука, похожим на флейту Хари, ищут его; и пение — стаи сладкоголосых кукушек.
e3bec4b5b023 · опубликовано 24 сент. 2026 г., 18:27:42 UTC
Доступно наRUЛистайте стихи клавишами
Говардхана совершает перед Кришной полную пуджу из шестнадцати служений, и каждое из них — сама природа холма. В «Бхагаватам» (10.21.18) гопи называют Говардхану «лучшим из слуг Хари» (хари-даса-варья) — отсюда «давнее первенство».