अथ मातराव् अपि जाताव् अमू कुत्र याताव् इति कातरायमाणनयने निर्जनताजनितस्वैरताभागयने व्रजनीवृदयने रुषा निन्दिताभिर् उपमातृभिर् मुदा वन्दिताभिर् अपि तदभिधातृयातृभिः समम् एव गृहतः कृतनिर्याणे स्वयम् एव सम्यग् मृगयमाणे दरसरसिजनिजचिह्नविगतनिह्नवचरणलक्षणविलक्षणवर्त्मवलनेन महिलानां कुतूहलकोलाहलावकलनेन च समया समयाञ्चक्राते । तदा च निजागमनवर्जनीं तर्जनीम् अभिचाल्य प्रच्छन्नतया निभाल्य तस्माद् अकस्माद् अनयोर् बाहू जगृहतुः । बालकास् तु सर्वतः सर्व एव दुद्रुवुः, महिलाश् च काश्चनानुकूल्यतः काश्चन प्रातिकूल्यत इव च तयोश् चापल्यं लपन्त्यः समम् एव मातृभ्याम् अभ्याययुः । धात्र्यस् तु बालयोर् अतीव स्नेहपात्र्यस् तर्णकान् आदाय तदभ्यर्णम् आजग्मुः ।
atha mātarāv api jātāv amū kutra yātāv iti kātarāyamāṇa-nayane nirjanatā-janita-svairatā-bhāg-ayane vraja-nīvṛd-ayane ruṣā ninditābhir upamātṛbhir mudā vanditābhir api tad-abhidhātṛ-yātṛbhiḥ samam eva gṛhataḥ kṛta-niryāṇe svayam eva samyag mṛgayamāṇe dara-sarasi-janija-cihna-vigata-nihnava-caraṇa-lakṣaṇa-vilakṣaṇa-vartma-valanena mahilānāṁ kutūhala-kolāha-lāva-kalanena ca samayā samayāñcakrāte | tadā ca nijāgamana-varjanīṁ tarjanīm abhicālya pracchannatayā nibhālya tasmād akasmād anayor bāhū jagṛhatuḥ | bālakās tu sarvataḥ sarva eva dudruvuḥ, mahilāś ca kāścanānukūlyataḥ kāścana prātikūlyata iva ca tayoś cāpalyaṁ lapantyaḥ samam eva mātṛbhyām abhyāyayuḥ | dhātryas tu bālayor atīva sneha-pātryas tarṇakān ādāya tad-abhyarṇam ājagmuḥ |
Тогда и обе матери, с тревожными глазами: «Куда же Они ушли?», — выйдя из дома, где безлюдье даёт свободу, вместе с другими матерями, которых они в гневе бранили, и невестками, которые, радуясь, им кланялись и рассказывали о Них, сами старательно искали Их — по дорожке следов стоп с ясными знаками, будто лотосами в пруду, и по радостному шуму женщин — и подошли к Ним. Тогда, погрозив пальцем, запрещающим приходить, и тайком подкравшись, они вдруг схватили Их за руки. А мальчики разбежались во все стороны; женщины же — одни с одобрением, другие будто с упрёком, — рассказывая об Их шалостях, пришли вместе с матерями. А кормилицы, полные нежности к детям, забрав телят, подошли к ним.
4a9656ad274e · опубликовано 24 сент. 2026 г., 19:09:31 UTC
Доступно наRUЛистайте стихи клавишами