इति ।
तद् एवं सम्यङ् निशम्य स गोपाधिपतिर् उवाच—दिष्ट्या तादृशं दुर्गम् अधिष्ठानम् अनुष्ठितम्, यद् गोकुलम् इव माथुरं पुरम् अपि भयाकुलं भाति । भवतु, पश्चाद् विशेषं प्रक्ष्यामः, सम्प्रति तु भोजनाय ताव् इमौ योजयथ ।
अथ भोजनानन्तरं सर्वैः सहोपविश्य कृष्णवृत्तान्तश्रवणायाविश्य तौ स महेच्छः पप्रच्छ—कथ्यतां कथं कथं द्वारकापथं ताव् आश्रितौ इति ।
दूताव् ऊचतुः—आवां खल्व् इमौ श्रीमदुद्धवदासताम् अध्यास्वहे । आश्रितयदुपत्यादेशात् तदुपदेशाद् एव च सन्देशं वः सदेशं प्रवेशयितास्वहे । यदा म्लेच्छानां धनानि न स्वेच्छाविषयीकृतानि, किन्तु राजद्रव्याणीति रक्षितानि, तदा पूर्ववद् अन्धताकल्पसन्धस्य जरासन्धस्यागमनं लक्ष्यं विधाय तानि त्यक्ष्यद्भ्यां सम्प्रति तु द्वाभ्याम् अपि ताभ्यां पलायनकुतूहलम् आरब्धम् । आरभ्यमाणे च तस्मिन्न् असौ सदेशम् एवाविवेश । आविष्टे च तस्मिन्न् अनिष्टे श्रीकृष्णस् त्व् इदम् आबभाषे—
iti |
tad evaṁ samyaṅ niśamya sa gopādhipatir uvāca—diṣṭyā tādṛśaṁ durgam adhiṣṭhānam anuṣṭhitam, yad gokulam iva māthuraṁ puram api bhayākulaṁ bhāti | bhavatu, paścād viśeṣaṁ prakṣyāmaḥ, samprati tu bhojanāya tāv imau yojayatha |
atha bhojanānantaraṁ sarvaiḥ sahopaviśya kṛṣṇa-vṛttānta-śravaṇāyāviśya tau sa mahecchaḥ papraccha—kathyatāṁ kathaṁ kathaṁ dvārakā-pathaṁ tāv āśritau iti |
dūtāv ūcatuḥ—āvāṁ khalv imau śrīmad-uddhava-dāsatām adhyāsvahe | āśrita-yadupaty-ādeśāt tad-upadeśād eva ca sandeśaṁ vaḥ sa-deśaṁ praveśayitāsvahe | yadā mlecchānāṁ dhanāni na svecchā-viṣayīkṛtāni, kintu rāja-dravyāṇīti rakṣitāni, tadā pūrvavad andhatā-kalpa-sandhasya jarāsandhasyāgamanaṁ lakṣyaṁ vidhāya tāni tyakṣyadbhyāṁ samprati tu dvābhyām api tābhyāṁ palāyana-kutūhalam ārabdham | ārabhyamāṇe ca tasminn asau sa-deśam evāviveśa | āviṣṭe ca tasminn aniṣṭe śrī-kṛṣṇas tv idam ābabhāṣe—
размер не определён
Так. Выслушав это, владыка пастухов сказал: «К счастью, Он поселился в такой неприступной крепости: ведь и город Матхура, как Гокула, казался полным страха. Ну, подробности спросим потом, а сейчас накормите этих двоих». После еды, сев со всеми и погрузившись в слушание о Кришне, великодушный спросил их: «Расскажите, как Они вышли на дорогу в Двараку». Вестники сказали: «Мы — слуги Шримана Уддхавы. По приказу владыки ядавов, которому мы служим, и по его наставлению мы подробно передадим вам весть. Когда богатства млеччхей не взяли по своей воле, а сберегли как царское имущество, тогда, наметив целью приход Джарасандхи, почти слепого, как и прежде, Они, собираясь это имущество бросить, затеяли забаву бегства. А когда затеяли, он и вступил в тот край. И когда этот нежеланный вступил, Шри Кришна сказал ему:
5b1609a522fc · опубликовано 25 сент. 2026 г., 03:30:11 UTC
Доступно наRUЛистайте стихи клавишами