बालसहचरास्तु प्रागेव गृहाद्गृहादेव मिलितवन्तः । एवं सबलः सबालसहचरश्च सबालदासश्च धीसचिवैरुपलक्षणत्वेनैव वीक्ष्यमाणः प्रतिपुररथ्यं धूलिखेलाकौतुके करिवरकलभ इव चपलकरदण्डताण्डवसमुद्भूतधूलीपटलेनात्मानं परं च धूसरयन् सहसंवासतया शिशुतया च निःसङ्कोचमेव व्रजबालिका अपि सहखेलन्तीः सहचरबालकसाधारण्येनैव खेलया परितोषयन् कदाचिदपि ताभिस्तैरपि कलहायमानस्तास्तानपि ताडयंस्ताभिस्तैश्च ताडितः कदाचिद्धसति, कदाचित् कुप्यति न कुप्यति च ॥52॥
bālasahacarāstu prāgeva gṛhādgṛhādeva militavantaḥ | evaṁ sabalaḥ sabālasahacaraśca sabāladāsaśca dhīsacivairupalakṣaṇatvenaiva vīkṣyamāṇaḥ pratipurarathyaṁ dhūlikhelākautuke karivarakalabha iva capalakaradaṇḍa-tāṇḍava-samudbhūta-dhūlīpaṭalenātmānaṁ paraṁ ca dhūsarayan saha-saṁvāsatayā śiśutayā ca niḥsaṅkocameva vrajabālikā api sahakhelantīḥ sahacarabālakasādhāraṇyenaiva khelayā paritoṣayan kadācidapi tābhistairapi kalahāyamānastāstānapi tāḍayaṁstābhistaiśca tāḍitaḥ kadāciddhasati, kadācit kupyati na kupyati ca ||52||
А товарищи-мальчики и прежде сходились к ним из дома в дом. Так, с Балой, с друзьями-мальчиками и мальчиками-слугами, под присмотром мудрых советников, словно ради приличия, он на каждой улице селения играл в пыли: как детёныш лучшего слона, пылевым облаком, поднятым пляской резвых рук-хоботов, осыпал себя и других; и, живя бок о бок, по-детски, без стеснения радовал игрой и девочек Враджа, игравших с ним наравне с мальчиками; иногда ссорился и с ними, и с ними, колотил их и был колочен ими — то смеялся, то сердился, то нет.
0f1cb160547b · опубликовано 28 сент. 2026 г., 22:42:39 UTC
Доступно наRUЛистайте стихи клавишами
Детские игры в пыли — ШБ 10.8.22–24.