तद् एवं बुद्ध्वा उद्धवश् चिन्तयामास—अहो! मम महाभाग्यम्, यद् ईदृशभृशकृष्णस्नेहावृतौ ताव् इमौ साक्षात्कृतौ । किन्तु तद् इदं परामृश्यते, तयोर् अनयोस् तं विना कालविघत्तनं खलु दुर्घतम् एव । तस्य मत्प्रभोर् आगमनम् अनयोश् च तत्र गमनम् अतीव दुःसङ्गमम् । तस्माद् यद्य् अप्यस्य नैसर्गिकेऽस्य स्नेहस्य हानिर् म्लानिश् च न सम्भवत्य् एव, तथापि यदि स्थगितता कर्तुं शक्यते, तदा केवलम् आभ्यां तर्तुं शक्यम् अशक्यम् अन्यदा । सा च तदीय परमतत्त्वताज्ञानात् तत्प्रेममाहात्म्यकृतात्मीयमहत्त्वज्ञानाद् वा घटेत । तत्तज्ज्ञापनं चाधुना परं लब्धावसरं जातम् अस्ति; यतः स्वयम् एव मां बोधयतानेन तत्प्रभावः सम्भावनविषयः सम्प्रति कृत इति ।
tad evaṁ buddhvā uddhavaś cintayāmāsa—aho! mama mahā-bhāgyam, yad īdṛśa-bhṛśa-kṛṣṇa-snehāvṛtau tāv imau sākṣātkṛtau | kintu tad idaṁ parāmṛśyate, tayor anayos taṁ vinā kāla-vighattanaṁ khalu durghatam eva | tasya mat-prabhor āgamanam anayoś ca tatra gamanam atīva duḥsaṅgamam | tasmād yady apyasya naisargike’sya snehasya hānir mlāniś ca na sambhavaty eva, tathāpi yadi sthagitatā kartuṁ śakyate, tadā kevalam ābhyāṁ tartuṁ śakyam aśakyam anyadā | sā ca tadīya- parama-tattvatā-jñānāt tat-prema-māhātmya-kṛtātmīya-mahattva-jñānād vā ghaṭeta | tat-taj-jñāpanaṁ cādhunā paraṁ labdhāvasaraṁ jātam asti; yataḥ svayam eva māṁ bodhayatānena tat-prabhāvaḥ sambhāvana-viṣayaḥ samprati kṛta iti |
Поняв это, Уддхава подумал: „О, какое мне выпало счастье — воочию увидеть этих двоих, окутанных такой сильной любовью к Кришне! Но вот о чём надо подумать: коротать время без Него им поистине тяжко. А Его, моего господина, приезд сюда и их поездка туда — очень трудны. Так что, хоть их природная любовь не может ни ослабнуть, ни поблёкнуть, если бы удалось хоть сдержать её — только так им и можно вынести, иначе никак. А это возможно либо через знание Его высшей сути, либо через знание своего величия, рождённого славой их любви к Нему. И сейчас как раз выпал случай дать им это знание: ведь он сам, наставляя меня, сделал Его могущество предметом размышления“.
ee1f18461b49 · опубликовано 25 сент. 2026 г., 02:56:52 UTC
Доступно наRUЛистайте стихи клавишами
Он — Нанда.