अथ भगवन्निलयलयनार्थमिव गगनचत्वरत्वरमाणे चरमदिग्वनितानितान्तपरभागभागतिशयप्रणयमहिम्नेव तद्भवनमालम्बितुमुपक्रान्तेऽपक्रान्ते च सकललोकतापतोऽपतोषतया कमलिनीमलिनीभावभावयितरि तरिमिव गगनपारावारपारावारयोः स्वमण्डलीमण्डलीनामिव चिकीर्षति भगवति गभस्तिमालिनि वेणुविषाणध्वनिध्वनितदिग्वलया निलयाय निभृतहृदया हृदयाधिनाथेन तेन सह सहचराः सर्व एव सर्वतो वत्सान् समवहारयन्तो रयं तोषस्यासाद्य व्रजन्तो व्रजं तोयदेन सह नभोदिवसा इव भोगिनस्तस्यैव पूर्णाभोगं भोगं वीक्ष्य सकौतुकं “अहो! महोज्ज्वलं नः खेलागह्वरमिदं जातम्” इति परस्परं गदन्तोऽगदं तोदहरमिव श्रीकृष्णं निधाय पुरः पुरः समीपं समुपसीदन्ति स्म ॥93॥
atha bhagavannilaya-layanārthamiva gaganacatvaratvaramāṇe carama-digvanitā-nitāntaparabhāgabhāgatiśaya-praṇaya-mahimneva tadbhavanamālambitumupakrānte'pakrānte ca sakalalokatāpato'patoṣatayā kamalinīmalinībhāvabhāvayitari tarimiva gaganapārāvārapārāvārayoḥ svamaṇḍalīmaṇḍalīnāmiva cikīrṣati bhagavati gabhastimālini veṇuviṣāṇadhvanidhvanita-digvalayā nilayāya nibhṛtahṛdayā hṛdayādhināthena tena saha sahacarāḥ sarva eva sarvato vatsān samavahārayanto rayaṁ toṣasyāsādya vrajanto vrajaṁ toyadena saha nabhodivasā iva bhoginastasyaiva pūrṇābhogaṁ bhogaṁ vīkṣya sakautukaṁ “aho! mahojjvalaṁ naḥ khelāgahvaramidaṁ jātam” iti parasparaṁ gadanto'gadaṁ todaharamiva śrīkṛṣṇaṁ nidhāya puraḥ puraḥ samīpaṁ samupasīdanti sma ||93||
И вот, когда солнце, словно торопясь по двору неба к дому Господа, будто из великой любви к деве западной стороны начало спускаться к её дому, ушло от зноя всего мира, повергая лотосы в уныние, будто, как лодку, собираясь сделать свой круг плотом по небесному океану, — друзья, наполнив стороны света звуками флейт и рогов, в сокровенном сердце, со своим владыкой сердца собрали со всех сторон телят и, радостные, пошли во Врадж. Увидев огромное тело змея, лежавшего, как ночь с тучей, они весело говорили друг другу: «Ах, какая у нас сверкающая пещера для игр!» — и, поставив впереди Шри Кришну, как лекарство от боли, подошли к городу.
c049429eed39 · опубликовано 28 сент. 2026 г., 22:59:32 UTC
Доступно наRUЛистайте стихи клавишами
Мальчики видят высохшее тело Агхи — оно стало их игровой пещерой (ШБ 10.12.35–36).