ततः प्रस्तुतम् एव मूल्यं दत्त्वा मौक्तिकानि नयन्तु ।
तच् छ्रुत्वा सक्रोधम् इव सुबलं निभाल्य—“अये ! कौटिल्यपारङ्गत सुबल ! सर्वैर् एव मिलित्वा विडम्बयितुम् एव वयम् अत्रानीता भवता । तद् यूयं मौक्तिकवाणिज्यव्यवसायेन राज्यं कुरुत । वयं चलिताः स्म” इत्य् उक्त्वा चलन्तीनां तासां सविधम् आसाद्य सौहार्दम् अभिव्यञ्जयन् सुबलो ललितां नीचैः प्राह—“सखि ललिते ! आदानप्रदानव्यवहारस्य स्नेहभङ्गकारित्वात् केवलं तद्भयेनैव प्रियवयस्येन मूल्यनिर्णयं प्रस्तुतवित्तलाभं च विना सर्वथैव मौक्तिकानि न देयानीति सर्वप्रकारेणावधारितम् । तस्मात् समागत्य प्रथमं तावन् मूल्यम् एव निर्णीयताम् । तद्दानोपायः पश्चाच् चिन्तनीयः” इत्य् अनुनयेन ताः परावृत्य मत्समीपम् आनीय मां प्रत्य् उवाच—“वयस्य ! नर्म हित्वा मूल्यम् एव तावत् कथ्यताम् ।
tataḥ prastutam eva mūlyaṁ dattvā mauktikāni nayantu |
tac chrutvā sa-krodham iva subalaṁ nibhālya—“aye ! kauṭilya-pāraṅgata subala ! sarvair eva militvā viḍambayitum eva vayam atrānītā bhavatā | tad yūyaṁ mauktika-vāṇijya-vyavasāyena rājyaṁ kuruta | vayaṁ calitāḥ sma” ity uktvā calantīnāṁ tāsāṁ savidham āsādya sauhārdam abhivyañjayan subalo lalitāṁ nīcaiḥ prāha—“sakhi lalite ! ādāna-pradāna-vyavahārasya sneha-bhaṅga-kāritvāt kevalaṁ tad-bhayenaiva priya-vayasyena mūlya-nirṇayaṁ prastuta-vitta-lābhaṁ ca vinā sarvathaiva mauktikāni na deyānīti sarva-prakāreṇāvadhāritam | tasmāt samāgatya prathamaṁ tāvan mūlyam eva nirṇīyatām | tad-dānopāyaḥ paścāc cintanīyaḥ” ity anunayena tāḥ parāvṛtya mat-samīpam ānīya māṁ praty uvāca—“vayasya ! narma hitvā mūlyam eva tāvat kathyatām |
metro no identificado
Так что пусть заплатят названную цену и забирают жемчуг». Услышав это, они будто сердито взглянули на Субалу: «Ах, Субала, мастер кривых путей! Вы все вместе привели нас сюда, только чтобы поиздеваться. Царствуйте же своей жемчужной торговлей, а мы уходим». С этими словами они пошли. Субала подошёл к ним, выказывая дружбу, и тихо сказал Лалите: «Подруга Лалита! Раз „дать и взять“ рушит дружбу, мой милый друг из одного этого страха твёрдо решил не отдавать жемчуга, пока не решена цена и не получены деньги. Так вернитесь и сперва договоритесь о цене, а как заплатить — подумаем после». Уговорив, он вернул их, привёл ко мне и сказал: «Друг! Оставь шутки и назови наконец цену».
dd00ceb939d2 · publicado 24 sept 2026, 8:35:51 UTC
Disponible enRUPasa de verso en verso con