सुबलेनोक्तम्—वयस्य रहस्यतया बहुमूल्यत्वं कियत् काञ्चनलतया प्रकटीक्रियते । आत्मनोऽभीष्टमूल्यं स्वयम् एव स्फुटं निगद्य न कथं गृह्यते ।
ततोऽहम् अब्रूवम्—सखे सुबल ! चन्द्रमुख्या अभिप्रायो ज्ञातः । मुक्ताफलानि ग्रहीतुं काञ्चनलतैव विचार्यानर्घमूल्यत्वेन परिकल्प्य राधादिभिः प्रहित्य मम दत्तास्तीति । किन्तु काञ्चनसञ्चयतोऽपि मुक्ताफलानाम् अधिकं मूल्यं जगति प्रसिद्धम् । तस्माद् एकयैव काञ्चनलतया कथम् एतासां मूल्यपर्याप्तिः । यदि वा अस्या वक्षसि स्वर्णसम्पूटरूपफलद्वये बहवश् चिन्तामणयोऽपि सन्तीति चन्द्रमुखी वक्ष्यति तथापि न । यतो वैकुण्ठनाथकण्ठस्थितकौस्तुभतोऽपि ममैतद् एकं मुक्ताफलं परमपरार्ध्यम् ।
subalenoktam—vayasya rahasyatayā bahu-mūlyatvaṁ kiyat kāñcanalatayā prakaṭīkriyate | ātmano’bhīṣṭa-mūlyaṁ svayam eva sphuṭaṁ nigadya na kathaṁ gṛhyate |
tato’ham abrūvam—sakhe subala ! candramukhyā abhiprāyo jñātaḥ | muktā-phalāni grahītuṁ kāñcanalataiva vicāryānargha-mūlyatvena parikalpya rādhādibhiḥ prahitya mama dattāstīti | kintu kāñcana-sañcayato’pi muktā-phalānām adhikaṁ mūlyaṁ jagati prasiddham | tasmād ekayaiva kāñcanalatayā katham etāsāṁ mūlya-paryāptiḥ | yadi vā asyā vakṣasi svarṇa-sampūṭa-rūpa-phala-dvaye bahavaś cintāmaṇayo’pi santīti candramukhī vakṣyati tathāpi na | yato vaikuṇṭha-nātha-kaṇṭha-sthita-kaustubhato’pi mamaitad ekaṁ muktā-phalaṁ parama-parārdhyam |
metre not identified
Субала: «Друг, как много Канчаналата выдаёт своей скрытностью о высокой цене! Отчего бы тебе прямо не назвать желанную цену и не получить её?» Тогда я сказал: «Друг Субала! Я понял, что задумала Чандрамукхи: чтобы получить жемчуг, Радха и прочие рассудили, что Канчаналата бесценна, и прислали её — отдали мне. Но всем на свете известно, что жемчуг ценнее груды золота. Как же одной Канчаналате — „золотой лиане“ — хватить на их цену? Даже если Чандрамукхи скажет, что в двух плодах — золотых шкатулках у неё на груди — много камней-чинтамани, всё равно нет. Ведь одна эта моя жемчужина дороже даже Каустубхи на шее владыки Вайкунтхи».
bdbf2d2837f5 · published Sep 24, 2026, 8:35:51 AM UTC
Available inRUPage between verses with
«Канчаналата» значит «золотая лиана»: Кришна делает вид, что подругу прислали ему в уплату вместо золота.