ततः सर्वासु हसन्तीष्व् अवनतमुख्यौ ते विशाखापृष्ठलग्ने बभूवतुः ।
नान्दीमुखी— मुक्ताफलवाणिज्यविलासिन् ! यूथेशयोर् अपि राधाविशाखयोर् मौक्तिकमूल्यनिर्णये यन् मनो न धत्से । तत्र किं कारणम् ?
ततोऽहं—सा यूथेशा मत्सविधम् आगत्य चेत् स्वयं निर्णयति । तदैव निर्णयनीयम् । तदगोचरे केन निर्णीयताम् ?
नान्दीमुखी—वीर! मूल्यं तावत् प्रकाशय । यथा तच्छ्रवणेन तन्मूल्यद्रव्याणां समाहृतिस् तया क्रियते ।
मयोक्तं—राधाविशाखयोर् अद्वैताद् द्वयोर् अपि मदतीवप्रिययोर् यत् किञ्चिन् मूल्यं कथ्यते तच् छ्रूयताम् । मत्पृष्ठमञ्जुलतरतमालसंवलितमसृणतर—दक्षिणसव्यभुजास्वर्णलतयोर् गान्धर्विकाविशाखयोर् ललितनतांसनिहितविलासोल्लसितपरिमिलितसुप्रचण्डदोर्दण्डयुगलस्य सुरभिकुसुमकुलपरिवासितवनविहारमाधुरीम् अनुसृतस्य परस्परम् अविषमनिरुपमप्रेमकलापावलोकनकौतुकेन मम गण्डरङ्गस्थले तन्मधुरवदनसुधाकरप्रवीणनटप्रवरौ युगपत् पृथग् वा मृदु मृदु ताण्डवं समुल्लासयन्तौ मदानन्दकन्दं कन्दलयताम् ।
tataḥ sarvāsu hasantīṣv avanata-mukhyau te viśākhā-pṛṣṭha-lagne babhūvatuḥ |
nāndīmukhī— muktāphala-vāṇijya-vilāsin ! yūtheśayor api rādhā-viśākhayor mauktika-mūlya-nirṇaye yan mano na dhatse | tatra kiṁ kāraṇam ?
tato’haṁ—sā yūtheśā mat-savidham āgatya cet svayaṁ nirṇayati | tadaiva nirṇayanīyam | tad-agocare kena nirṇīyatām ?
nāndīmukhī—vīra! mūlyaṁ tāvat prakāśaya | yathā tac-chravaṇena tan-mūlya-dravyāṇāṁ samāhṛtis tayā kriyate |
mayoktaṁ—rādhā-viśākhayor advaitād dvayor api mad-atīva-priyayor yat kiñcin mūlyaṁ kathyate tac chrūyatām | mat-pṛṣṭha-mañjulatara-tamāla-saṁvalita-masṛṇatara—dakṣiṇa-savya-bhujā-svarṇa-latayor gāndharvikā-viśākhayor lalita-natāṁsa-nihita-vilāsollasita-parimilita-supracaṇḍa-dor-daṇḍa-yugalasya surabhi-kusuma-kula-parivāsita-vana-vihāra-mādhurīm anusṛtasya parasparam aviṣama-nirupama-prema-kalāpāvalokana-kautukena mama gaṇḍa-raṅga-sthale tan-madhura-vadana-sudhākara-pravīṇa-naṭa-pravarau yugapat pṛthag vā mṛdu mṛdu tāṇḍavaṁ samullāsayantau mad-ānanda-kandaṁ kandalayatām |
metre not identified
Все засмеялись, а те две, опустив лица, спрятались за спиной Вишакхи. Нандимукхи: «Любитель жемчужной торговли! А почему ты не думаешь назначить цену жемчуга предводительницам — Радхе и Вишакхе? В чём причина?» Я: «Если та предводительница придёт ко мне и сама всё решит — тогда и решим. А без неё кто решит?» Нандимукхи: «Герой! Назови хотя бы цену — чтобы она, услышав, собрала плату». Я сказал: «Радха и Вишакха неотличны, обе мне очень дороги. Слушай же, какую цену я назову им обеим. Я гуляю по лесу, благоухающему цветами, упиваясь его сладостью; мои могучие руки игриво лежат на изящно склонённых плечах Гандхарвики и Вишакхи — золотых лианах, что обвивают прелестную тамалу моей спины справа и слева. И вот, с любопытством глядя друг на друга, на равное, несравненное убранство любви, пусть эти лучшие искусные актрисы — нектарные луны их сладких лиц — вместе или порознь исполняют на подмостках моих щёк нежную пляску и дают прорасти ростку моего блаженства.
e9f727aaabbc · published Sep 24, 2026, 8:35:51 AM UTC
Available inRUPage between verses with