स तूवाच—वयम् इदं सर्वम् अपूर्वं पूर्वम् अपि जानीमहे । इदं च भवद्भिः सम्बद्ध्यम् अध्यवसितम्, किन्त्व् एका शङ्का शङ्कुर् इव मङ्क्षु हृदि परिवर्तते । यदा भवदङ्गजाताङ्गनानां व्रजराजाङ्गजवरकुमारेण सह सङ्गमः स्यात्, तदा नातिविलमबतः सर्वस्यापि व्रजस्य तदीयचिरविप्रलम्भलम्भनं भविता, किम् उतामूषाम्? किं च, प्रौढताम् ऊढवतीनां तु सहजतदनुरागस्वाभाव्येनादर्शनेऽप्य् उद्भवत्तत्स्फूर्तीनां न कोऽपि तस्माद् विनिवर्तनं कर्तुं समर्थः स्याद् इत्य् अपि कदर्थनान्तरं भविष्यति । तस्मान् नन्दकुलावतंसात् कंसाच् च वञ्चयितुं चञ्चलम् एवान्येभ्यः सम्प्रदातव्या नव्याः कन्यकाः ।
sa tūvāca—vayam idaṁ sarvam apūrvaṁ pūrvam api jānīmahe | idaṁ ca bhavadbhiḥ sambaddhyam adhyavasitam, kintv ekā śaṅkā śaṅkur iva maṅkṣu hṛdi parivartate | yadā bhavad-aṅga-jātāṅganānāṁ vraja-rājāṅgaja-vara-kumāreṇa saha saṅgamaḥ syāt, tadā nātivilamabataḥ sarvasyāpi vrajasya tadīya-cira-vipralambha-lambhanaṁ bhavitā, kim utāmūṣām? kiṁ ca, prauḍhatām ūḍhavatīnāṁ tu sahaja-tad-anurāga-svābhāvyenādarśane’py udbhavat-tat-sphūrtīnāṁ na ko’pi tasmād vinivartanaṁ kartuṁ samarthaḥ syād ity api kadarthanāntaraṁ bhaviṣyati | tasmān nanda-kulāvataṁsāt kaṁsāc ca vañcayituṁ cañcalam evānyebhyaḥ sampradātavyā navyāḥ kanyakāḥ |
Он ответил: «Всё это небывалое мы знаем и прежде вас. И вы решили их соединить; но одно сомнение, как шип, быстро поворачивается у меня в сердце: если ваши дочери соединятся с превосходным сыном царя Враджа, то вскоре весь Врадж испытает долгую разлуку с Ним — что же говорить о них? Кроме того, когда они подрастут, из-за природной страсти к Нему Его образ будет вставать перед ними даже без встреч, и никто не сможет их от Него отвратить — будет и другая мука. Поэтому, чтобы уберечь их и от венца рода Нанды, и от Камсы, скорее отдайте юных девушек другим».
acc4de23fd8e · опубликовано 24 сент. 2026 г., 20:10:34 UTC
Доступно наRUЛистайте стихи клавишами