अथ मधुकण्ठ उवाच—वत्स, बालकेन महाशकटसमुच्चाटनम् असम्भाव्यम् इति सम्भाव्य भण्यताम्, अन्यथा हि कवेर् एवान्यथात्वम् आपद्येत ।
स्निग्धकण्ठ उवाच—आर्य, पूर्वम् एवात्रापूर्वता निवारितास्ति, यतो योगमाया खल्व् अस्य सम्भावितयोगं निर्मापयतीति पुनर् मा प्राक्षीः ।
मधुकण्ठः सस्मितम् उवाच—तदनन्तरम् उदन्तः कः?
स्निग्धकण्ठ उवाच—अथाग्रजानुजान् अनु व्रजस्य राजा विविवेच, "बालकयुगलम् इदम् अपृथगालयालम्बनताम् एव नितराम् अर्हति, यतस् तदीयजनन्योः स्वयम् एव तल्लालनाय लालसाधन्ययोस्, तत्र च परस्परतदासक्तयोर् नानास्पृहगृहकार्यपर्यापणव्यसनयोर् युगपत् तद्युगलस्य पृथगवकलनं दुर्बलम् इति केवलं सुदिनागमनविलम्बताम् अवलम्बे । यथा वा भवताम् इच्छा भवति" इति श्रुत्वा श्रुतज्ञाः श्रोत्रियान् आश्राव्य तदैव दैवानुकूल्यं निभाल्य समम् उद्यद्वाद्यपरीतगीतस्वस्तिवाचनादिप्रशस्तिपूर्वकं द्वयोर् अपूर्वमिलनम् आशु कलयामासुः । तच् च यथा—
atha madhukaṇṭha uvāca—vatsa, bālakena mahā-śakaṭa-samuccāṭanam asambhāvyam iti sambhāvya bhaṇyatām, anyathā hi kaver evānyathātvam āpadyeta |
snigdhakaṇṭha uvāca—ārya, pūrvam evātrāpūrvatā nivāritāsti, yato yogamāyā khalv asya sambhāvita-yogaṁ nirmāpayatīti punar mā prākṣīḥ |
madhukaṇṭhaḥ sa-smitam uvāca—tad-anantaram udantaḥ kaḥ?
snigdhakaṇṭha uvāca—athāgrajānujān anu vrajasya rājā viviveca, "bālaka-yugalam idam apṛthag-ālayālambanatām eva nitarām arhati, yatas tadīya-jananyoḥ svayam eva tal-lālanāya lālasā-dhanyayos, tatra ca paraspara-tad-āsaktayor nānā-spṛha-gṛha-kārya-paryāpaṇa-vyasanayor yugapat tad-yugalasya pṛthag-avakalanaṁ durbalam iti kevalaṁ sudināgamana-vilambatām avalambe | yathā vā bhavatām icchā bhavati" iti śrutvā śrutajñāḥ śrotriyān āśrāvya tadaiva daivānukūlyaṁ nibhālya samam udyad-vādya-parīta-gīta-svasti-vācanādi-praśasti-pūrvakaṁ dvayor apūrva-milanam āśu kalayāmāsuḥ | tac ca yathā—
размер не определён
Тут Мадхукантха сказал: «Милый, скажи, что немыслимо, чтобы младенец опрокинул огромную телегу, — а не то сам поэт окажется неправ». Снигдхакантха сказал: «Почтенный, небывалость здесь уже объяснена: Йогамайя устраивает то, что может случиться. Не спрашивай больше». Мадхукантха с улыбкой сказал: «А что было дальше?» Снигдхакантха сказал: «Затем царь Враджа рассудил со старшими и младшими братьями: „Эта пара мальчиков более всего достойна жить в одном доме: ведь их матери сами жаждут их нежить и привязаны друг к другу, а заняты множеством желанных домашних дел, — так что присматривать за парой порознь трудно. Я лишь жду наступления благого дня. Или как вы решите“. Выслушав это, знатоки писаний спросили у брахманов, сведущих в ведах, тотчас нашли благоприятное расположение судьбы и с музыкой, песнями, благословениями и прочим устроили первую встречу двоих. Вот как:
60c2756138a5 · опубликовано 24 сент. 2026 г., 19:04:02 UTC
Доступно наRUЛистайте стихи клавишами