तद् एतद् अधिगत्य शीघ्रम् एव नामकरणं कर्तव्यम् इति सम्मत्य श्रीमन्तं वसुदेवं प्रति यदा श्रीव्रजनरदेवस् तन् निजम् इष्टं सन्दिष्टवान्, तदा परमार्थविचारेण मित्रपुत्रतार्हसमधिकबहिर्व्यवहारेण चानुजस्य शततमं वासरम् एव तदवसरं निश्चिन्वन्, श्रीवसुदेवः श्रीव्रजराजं प्रति यथावसरं तन् निवेदयिष्याम इत्य् अनिश्चिन्वन्न् इव सन्दिदेश । अथ तपोधामानं गर्गनामानम् आत्मनः परमहितं कुलपुरोहितं मनसि सम्मत्य रहसि सङ्गत्य निजतनयविनिमयमयं वृत्तं वितत्य निवेदयामास । स च सहासम् आह स्म, "तद् एतद् अपरम् अप्य् अहं नानावृत्तं जानाम्य् एव । सम्प्रत्य् अत्र मत्कृत्यं त्व् आज्ञाप्यताम् ।"
tad etad adhigatya śīghram eva nāma-karaṇaṁ kartavyam iti sammatya śrīmantaṁ vasudevaṁ prati yadā śrī-vraja-naradevas tan nijam iṣṭaṁ sandiṣṭavān, tadā paramārtha-vicāreṇa mitra-putratārha-samadhika-bahir-vyavahāreṇa cānujasya śatatamaṁ vāsaram eva tad-avasaraṁ niścinvan, śrī-vasudevaḥ śrī-vrajarājaṁ prati yathāvasaraṁ tan nivedayiṣyāma ity aniścinvann iva sandideśa | atha tapo-dhāmānaṁ garga-nāmānam ātmanaḥ parama-hitaṁ kula-purohitaṁ manasi sammatya rahasi saṅgatya nija-tanaya-vinimaya-mayaṁ vṛttaṁ vitatya nivedayāmāsa | sa ca sahāsam āha sma, "tad etad aparam apy ahaṁ nānā-vṛttaṁ jānāmy eva | sampraty atra mat-kṛtyaṁ tv ājñāpyatām |"
Узнав об этом и решив, что скорее нужно совершить обряд наречения имени, Шри божество людей Враджа сообщило Шри Васудеве своё желание. А Васудева, по высшему соображению и по внешнему обычаю — ведь сын друга достоин большего, — выбрал для этого сотый день младшего; но, будто не решив, передал Шри царю Враджа: „Мы сообщим, когда придёт время“. Затем, одобрив в уме подвижника по имени Гарга, своего высшего доброжелателя и родового жреца, он встретился с ним наедине и рассказал о том, как обменял сына. А тот со смехом сказал: „Это и много другого я уже знаю. Прикажи, что мне теперь делать“.
52339d736389 · опубликовано 24 сент. 2026 г., 19:04:02 UTC
Доступно наRUЛистайте стихи клавишами