ततस् तद् अपूर्वं श्रुत्वा सविशेषश्रवणोत्कण्ठितया तया बाढम् आम्रेडितः कृष्णः पुनर् आह—एकदा कार्त्तिके मासि गोकुले गोवर्धनगिरौ दीपमालिकामहोत्सव आसीत् । तत्र सर्वो जनो विचित्रनेपथ्यसामग्रीणां संस्काराय साधनाय च परमासक्तो बभूव । गोपास् तु स्वं स्वं भूषयन्तोऽपि विशेषतः गवादिपशूनां प्रसाधनार्थम् उद्युक्ता आसन् । गोप्यः किल प्रसाधितसदना आत्मनां भूषणार्थं नानालङ्कारसंस्कारसाधनपरा बभूवुः । राधा तु माल्यहरणाख्यसरस्तीरोपान्तमाधवीचतुःशालिकायां स्वसखीसमुदयेन परमोत्तममुक्ताभिर् विविधभूषणानि रचयितुम् आरेभे ।
tatas tad apūrvaṁ śrutvā sa-viśeṣa-śravaṇotkaṇṭhitayā tayā bāḍham āmreḍitaḥ kṛṣṇaḥ punar āha—ekadā kārttike māsi gokule govardhana-girau dīpa-mālikā-mahotsava āsīt | tatra sarvo jano vicitra-nepathya-sāmagrīṇāṁ saṁskārāya sādhanāya ca paramāsakto babhūva | gopās tu svaṁ svaṁ bhūṣayanto’pi viśeṣataḥ gavādi-paśūnāṁ prasādhanārtham udyuktā āsan | gopyaḥ kila prasādhita-sadanā ātmanāṁ bhūṣaṇārthaṁ nānālaṅkāra-saṁskāra-sādhana-parā babhūvuḥ | rādhā tu mālya-haraṇākhya-saras-tīropānta-mādhavī-catuḥ-śālikāyāṁ sva-sakhī-samudayena paramottama-muktābhir vividha-bhūṣaṇāni racayitum ārebhe |
Услышав это невиданное, Сатьябхама загорелась желанием узнать подробнее и стала настойчиво его упрашивать; и Кришна снова заговорил: Однажды в месяц картика в Гокуле, на горе Говардхане, был великий праздник светильников. Все были заняты тем, что готовили и добывали всевозможные наряды и убранства. Пастухи, наряжаясь сами, особенно усердно украшали коров и прочий скот. Пастушки, убрав дома, были заняты тем, что подбирали для себя разные украшения. А Радха со своими подругами, в беседке из мадхави у берега пруда, что зовётся Малья-харана, начала делать из лучшего жемчуга разные украшения.
b6fa300fc979 · опубликовано 24 сент. 2026 г., 08:35:51 UTC
Доступно наRUЛистайте стихи клавишами
Малья-харана — «Похищение гирлянды», пруд у Говардханы.