कृतवान् किल कर्माणि सह रामेण केशवः । अतिमर्त्यानि भगवान् गूढः कपटमानुषः ॥ टीका च—अतः श्रीकृष्णचरितानि कथयेत्य् आशयेनाहुः कृतवान् इति । अतिमर्त्यानि मर्त्यान् अतिक्रान्तानि गोवर्धनोद्धरणादीनि । मनुष्येष्व् असम्भावितानीत्य् अर्थः इत्य् एषा । ननु कथं मानुषः सन्न् अतिमर्त्यानि कृतवान्? तत्राह—कपटमानुषः । पार्थिवदेहविशेष एव मानुषशब्दः प्रतीतिः । तस्मात् कपटेनैवासौ तथा भातीत्य् अर्थः । वस्तुतस् तु नराकृतेर् एव परब्रह्मत्वेनासत्य् अपि प्रसिद्धमानुषत्वे नराकृतिनरलीलात्वेन लब्धम् अप्रसिद्धमानुषत्वम् अस्त्य् एव । तत् पुनर् ऐश्वर्याव्याघातकत्वान् न प्रत्याख्यायत इति भावः । अत एव स्यमन्तकाहरणे पुरुषं प्राकृतं मत्वा इत्य् अनेन जाम्बवतोऽन्यथाज्ञानव्यञ्जकेन वाक्येन तस्य प्राकृतत्वं निषिध्य पुरुषत्वं स्थाप्यते । एवं मायामनुष्यस्य वदस्व विद्वन् इत्य् आदिष्व् अपि ज्ञेयम् । यस्मात् कपटमानुषस् तस्माद् एव गूढः, स्वतस् तु तद्रूपतयैव भगवान् इति ॥ ॥
kṛtavān kila karmāṇi saha rāmeṇa keśavaḥ | atimartyāni bhagavān gūḍhaḥ kapaṭa-mānuṣaḥ || ṭīkā ca—ataḥ śrī-kṛṣṇa-caritāni kathayety āśayenāhuḥ kṛtavān iti | atimartyāni martyān atikrāntāni govardhanoddharaṇādīni | manuṣyeṣv asambhāvitānīty arthaḥ ity eṣā | nanu kathaṁ mānuṣaḥ sann atimartyāni kṛtavān? tatrāha—kapaṭa-mānuṣaḥ | pārthiva-deha-viśeṣa eva mānuṣa-śabdaḥ pratītiḥ | tasmāt kapaṭenaivāsau tathā bhātīty arthaḥ | vastutas tu narākṛter eva para-brahmatvenāsaty api prasiddha-mānuṣatve narākṛti-nara-līlātvena labdham aprasiddha-mānuṣatvam asty eva | tat punar aiśvaryāvyāghātakatvān na pratyākhyāyata iti bhāvaḥ | ata eva syamantakāharaṇe puruṣaṁ prākṛtaṁ matvā ity anena jāmbavato'nyathā-jñāna-vyañjakena vākyena tasya prākṛtatvaṁ niṣidhya puruṣatvaṁ sthāpyate | evaṁ māyā-manuṣyasya vadasva vidvan ity ādiṣv api jñeyam | yasmāt kapaṭa-mānuṣas tasmād eva gūḍhaḥ, svatas tu tad-rūpatayaiva bhagavān iti || ||
«Совершил ведь деяния вместе с Рамой Кешава — сверхсмертные, Бхагаван, сокрытый, обманный человек».
И тика: «Потому — с намерением „поведай деяния шри Кришны“ — говорят: „совершил“. „Сверхсмертные“ — превзошедшие смертных: поднятие Говардханы и прочее; немыслимые у людей — таков смысл».
Но как Он, будучи человеком, совершил сверхсмертное? На то говорит: «обманный человек». Слово «человек» постигается как особый вид земного тела; потому Он лишь обманом таким и видится — таков смысл. По сути же человеческий облик и есть высший Брахман, и хотя известного человечества тут нет, есть человечество иное, неизвестное, — то, что получается из человеческого облика и человеческой игры. И оно не отвергается, ибо владычеству не противоречит; таково разумение.
Потому и при похищении Сьямантаки словами «сочтя Его обычным человеком» — речением, выдающим неверное знание Джамбавана, — отвергается Его обычность и устанавливается, что Он — Человек. Так же надо понимать и «поведай, учёный, о человеке майи» и прочее. А поскольку Он «обманный человек», потому и «сокрытый»; сам же по себе Он в этом самом облике — Бхагаван.
36bc0cc27ffc · publicado 20 sept 2026, 19:59:50 UTC
Disponible enRUPasa de verso en verso con
Обман тут не в облике, а в том, как его читают: облик подлинный, ошибается смотрящий.
Джамбаван ошибся не в том, что увидел человека, а в том, что счёл его обычным.