ततस् तासां मौक्तिकप्रार्थनवचनावसरनिरासार्थं केदारिकासेकाय वयस्यद्वारा गव्येषु प्रार्थ्यमानेषु सोल्लुण्ठं विहस्य ताः प्रोचुः—तन्मौक्तिककेदारिकासेकोऽस्माकं गव्येन कथम् उचितः ? यत्प्रियगोभूषणार्थं कृतमौक्तिककेदारिकासेकस् तासां गवां दुग्धेनैव क्रियताम् । तत् केदारिकोत्पद्यमाने फले नास्माभिर् अभिलाषः कर्तव्यः ।
इति श्रुत्वा मया स्वगृहाणां गवां बहुभिः पयोभिर् एव ता दर्शयता प्रत्यहं सेकः क्रियते स्म । ततश् चतुर्थदिवस एव मौक्तिकानि प्ररूढानि । तद्दर्शनेनोल्लसितेन मया मातुर् अञ्चलं गृहीत्वानीय तदङ्कुरा दर्शिताः । तान् दृष्ट्वा तु माता किम् एतद् इति मनसि विचारयन्ती सन्दिग्धा सती व्रजं जगाम । गोप्यस् तु तच् छ्रुत्वा हिंस्रा लताः प्ररूढा इति परस्परं सहासम् ऊचिरे ।
tatas tāsāṁ mauktika-prārthana-vacanāvasara-nirāsārthaṁ kedārikā-sekāya vayasya-dvārā gavyeṣu prārthyamāneṣu solluṇṭhaṁ vihasya tāḥ procuḥ—tan-mauktika-kedārikā-seko’smākaṁ gavyena katham ucitaḥ ? yat-priya-go-bhūṣaṇārthaṁ kṛta-mauktika-kedārikā-sekas tāsāṁ gavāṁ dugdhenaiva kriyatām | tat kedārikotpadyamāne phale nāsmābhir abhilāṣaḥ kartavyaḥ |
iti śrutvā mayā sva-gṛhāṇāṁ gavāṁ bahubhiḥ payobhir eva tā darśayatā pratyahaṁ sekaḥ kriyate sma | tataś caturtha-divasa eva mauktikāni prarūḍhāni | tad-darśanenollasitena mayā mātur añcalaṁ gṛhītvānīya tad-aṅkurā darśitāḥ | tān dṛṣṭvā tu mātā kim etad iti manasi vicārayantī sandigdhā satī vrajaṁ jagāma | gopyas tu tac chrutvā hiṁsrā latāḥ prarūḍhā iti parasparaṁ sahāsam ūcire |
छन्द अज्ञात
Потом, чтобы у них не было повода просить жемчуга, я через друзей попросил у них молочного для полива грядки. А они насмешливо рассмеялись и ответили: «Разве пристало поливать эту жемчужную грядку нашим молоком? Грядку с жемчугом, посеянную для украшения его любимых коров, пусть и поливают молоком этих коров. А плода, что уродится на этой грядке, мы и не пожелаем». Услышав это, я у них на глазах каждый день поливал грядку обильным молоком наших коров. И на четвёртый день жемчужины взошли. Обрадовавшись, я взял матушку за край одежды, привёл её и показал ростки. Увидев их, матушка подумала про себя: «Что же это?» — и в сомнении ушла во Врадж. А пастушки, услышав, со смехом говорили друг другу: «Проросли ядовитые сорняки!»
94608020c035 · प्रकाशित 24 सित॰ 2026, 8:35:51 am UTC
उपलब्ध भाषाएँRUश्लोक बदलें इन कुंजियों से